HAGGAI 1:6 - Kathara Bible (BSI)

⁶ Nathumna kachungkha yaosanga kha kateokhamang hātkhui; nathumna zālala kapen mavaimana, nathumna manglala machirlakmana; ngavailala khipākha khalum masamphangmana; ngalang pheikhuilala akhur khawutta khaoli pheisānga.

HAGGAI 1:6 Iomraidhean Croise

2 SAMUEL 21:1

Chitharan Davidwui atamli kum kathum ngaronda chāmrei rāhaowa; Davidna Proholi seihā sai. Kala Prohona hānga, “Saulna Gibeonnaobingli shaokathatwui vang a kala awui shimkhurli asheewui morei lei.”

1 WUNGNAOBING 17:12

Ra̱meiva̱ china hānga, “Khamui masāhailakmana kaji Proho Varena thei, sāmhamli pāng mayākhamāng zangda lei, kala thaokhongli thao kateokha zangda lei. Chi hangzāda inaomayara ini thihaora da thing khani kathum rāphākakhuina.”

NEHEMIAH 5:2

Athumwui ngachaili kaikhana hānga, “Ithumwui naomayara ngarā kala naongalāva̱ ngarā zangda ithum chungnāhaira; ithum ringkhavai māngum milu.”

JOBWUI LAIRIK 20:22

Ana mavātlakthura kaji atamli kalāshāt rāra; kachotkachāng saikorawui pangshap awuitungli rāra.

JOBWUI LAIRIK 20:28

Awui shimkhurli kazipsang kahai chi khuithuihaora, Varewui malungkakang zimiksholi awui lan saikora longthuihaora.

LAA 107:34

ngalei katumpam masāvaikapai khamararpam onngasaka, apam chili kapambingwui makaphāwui vangna.

CHĀNSAM 11:24

Thada khame china shāngsanga; miphalungki kaji makhame a chiya khavāt samphanga.

ISAIAH 5:10

Drakhā yāmgui acre tharāwui eina liter chishatmāng khuira, kala theimaji shungkhana khuilukhamāng khuira.”

JEREMIAH 12:13

Athumna kehu lingsanga, ka̱shāt hātkhui; chotchānglak eina ot sai, kha tongkazā maleimana. Athum māhātwui vang khayakkha̱ sākhuira, khikhalajila athumli Prohona malungvāthaowa.”

JEREMIAH 14:4

Ngalei chili kazing marotāmithuda ngalei ngachakkhaiserhaowa, lui khavābing khayakhaoda kuirunhaowa.

JEREMIAH 44:18

Kha kazing philāva̱li awui vang nganamkaphā otyur rikkatā, ra̱shakchigat kapha̱ chiho kahai eina ithum ot kachiva̱ vātserhaira, ithum raighai kala chāmrei eina thingakanhaira.”

HOSEA 4:10

Athumna zālala, mathomara; athumna khayorva̱̱wui otsak sāra, kha mamayāsangmara; kaja athumna khayor otli leishihaoda Proholi malaihaowa.

HOSEA 8:7

Kaja athumna masi yaosanga, kala athumna sur hātkhuira. Nganingda khalei mārongbing athei makāmana, zāt mashokmara; shoklala khangateibingna ngapaizāhaora.

PĀNGMONSHI 26:20

nathumwui yang aremali shimānra, kaja luili heiun machungsangmara, kala atheirongnala athei mamatheimara.

PĀNGMONSHI 26:26

Ina nathumwui chum masingrā khangasak chitharan, sha̱nao tharāna meiphung akhali khamui sāda onlaga mishonlala nathumna zāda katho mavaimara.

HAGGAI 1:10

Chiwui vang eina atungshong khalei kazingna ikra̱ matāmimana, kala ngaleina athei mamatheimimana.

HAGGAI 1:5

Chieina saikorawui Prohona hithāda hānga: Nathum kathāda sāhairakhala kaji machukyanglu.

HAGGAI 1:7

Ashangva̱wui Prohona hithāda hānga: Nathumna kathāda sāhairakhala kaji machukyanglu.

HAGGAI 1:9

“Nathumna kachungkha samphang khavai phai, kha yanglu, kateokhamang ngasāhaowa; kala nathumna chi shimli khuikhaung tharan, ina malitāmihaowa. Khiwui vangkhala? da saikorawui Prohona hānga. Kaja nathum khalatta kachichā shimwui vang ngalang zārda ot sālaga, iwui shima ja̱tāda lei.

HAGGAI 2:16

nathum kathāda sāsākhala? Mi akhana shung maga̱ kazipkhuingai, kha shung tharāmāng samphanga; akhana drakhāra̱ surkhavaipamli khokthi hangphangā sokkhui khavai rai, kha maga̱māng samphanga.

HAGGAI 2:17

Ina nathumli kala nathumwui theishiraili sākazāt rāngasaka, theihla kachungkha tāngasaka; kha nathumna ili malatungmana da saikorawui Prohona hānga.

ZECHARIAH 5:4

Ina hi chihovāra, da saikorawui Prohona hānga, kala china khalewui shimli kala minamda shākhi kasā awui shimli zangda shim chili khalei thingla lungguila chuitāhaora.”

ZECHARIAH 8:10

kaja khare kachāng miwuila, sha̱keiwuila ngalangman maleisāmana, khaung khavāli yangkashibingwui eina ningtāphup kahai maleisāmana. Khikhalajila ina mi kachiva̱li akha eina akha yangshi ngarok ngasaka.

MALACHI 2:2

Nathumna manganāsangakha, iwui mingli tekhamatei mikhavai wuklungli mahaiakha, khonkashi chi ina nathumwuitungli chihorāra kala nathumli somi kahai chili ina khonshira; kachangkhat hangga jiakha ina athumli khonshihaira, kachiwui vangkhala kaja chi nathumna wuklungli mahaimana da saikorawui Prohona hānga.

KHALATLUI 28:17

Khonkashi chi nathumwui ngasāda, nathumwui māchum kala nathumwui hamhanla makāmara.