HAGGAI 1:4 - Kathara Bible (BSI)

⁴ “Khorumshim kaikhayāngda khalei theitheilaga nathum khalatta sākharirik kahai shimli kapam atamla?

HAGGAI 1:4 Iomraidhean Croise

2 SAMUEL 7:2

awungana Nathan marānli hānga, “Yanglu, ina cedarthing eina kasā shimli pamda lei, kha Varewui ningkhami okova kachonshimli lei.”

2 WUNGNAOBING 5:26

Kha ana hānga, “Mi china siguitungwui eina tunglaga nali rākhangarok atamli I manglā eina nali mangasosāmala? Pheisā kashankachon, olive eina drakhā yāmgui, yao eina sei, raomayarnao eina sha̱nao, khuikapai atamla?

LAA 102:14

Kaja naraobingna awui ngalungli saklak eina khui, kala awui chifachihāli lumashana.

LAA 74:7

Nawui kathara shim athumna mei sa̱tai, naming sompam khavai sāmakhaomida.

HĀSHOKME 3:3

shaokathat atam lei, kala raikhami atam lei; sakakhayāng atam lei, kala sakakā atam lei;

JEREMIAH 22:14

“shim kahakva̱ akha ina sākhuira, khamato kā mashāchā eina sākhuira,” charfala cedarthing eina sāsangra, ari kahunga neomithaora, da kahānga chi.

JEREMIAH 26:18

“Moreshethwui Micahna Judahwui awunga Hezekiahwui atamli Judah mi saikorali marānmi: ‘Saikorawui Prohona hānga, Zionli seiot kakhui thāda khuira, Jerusalem ngayānghaida khorkazam kahai ngasāra, Khorumshim sāhaida khalei phungrei hi ngahong ngasāhaora.’

JEREMIAH 26:6

chieina shimkhur hi Shilohli kasā thāda sāmira, kala okathuili khalei saikorawui mangāli keinung hi khonkashi sāngasakra.”

JEREMIAH 33:10

“Prohona hithāda hānga: Nathumna ‘Mila, sāyurla makhalei ramchona’ da kahāng Judahwui keinungbing, Jerusalemwui chānreibing ngachakyāng kahai, mi makhalei khikhala maokathuiya, sāla makhalei chili akhon shāluishitra,

JEREMIAH 33:12

“Saikorawui Prohona hithāda hānga: Ramchopam hili, mila lah sāla maokkathui hiwui keinung saikora hili yaokahomabing sompamda athumwui yao ashangva̱bing hompamluishitra.

JEREMIAH 52:13

Ana Prohowui shim thottāmihaowa, awungawui shimla, kala Jerusalemwui shim saikora; shim kahahak kachiva̱ ana thottāmiserhaowa.

CHAPCHĀT 2:7

Prohona awui hanphutpamli yangkharinghaira, kala katharapam nothāhaira; awui konungwui phākhobing yangkashibingli horsangmihaira; Prohowui shimli langchin kahai phanit kasā thāda athumna maphākakhuikhon vaowa.

CHAPCHĀT 4:1

Sināna kathāda yumsihao, sinā kachanga kathāda ngacheihao! Kathara ngalungbing chānrei haophok khavai kachida horkathānserhaira.

EZEKIEL 24:21

Israel shimkhurli ahānglu: Proho VAREna hithāda hānga: Yanglu, nathumwui lāngso khavai pangshap, mikwui khangayam kala nathumwui manglāna kakahao iwui kathara shim chi ina makhao ngasakta, nanao ngarā sha̱naola mayarnaola nothā kahaibing chi raighai eina chithitra.

PĀNGMONSHI 19:25

Kha kaphangā kum nathumna chiwui athei chi shaipaira, hithakha arongna chungmeida athei mataisangmira: I Proho nathumwui Varena.

MICAH 3:12

Chiwui vang eina, nathumwui vang eina Zionli lui kasao thāda saora; Jerusalem katek-kakai khorkahai thāra, kala khorumshimwui kaphung chila ngahong kashā ngasāhaora.

HAGGAI 1:3

Chiwui thili Prohowui tui chi Haggai marānna hānga,

HAGGAI 1:5

Chieina saikorawui Prohona hithāda hānga: Nathum kathāda sāhairakhala kaji machukyanglu.

HAGGAI 1:9

“Nathumna kachungkha samphang khavai phai, kha yanglu, kateokhamang ngasāhaowa; kala nathumna chi shimli khuikhaung tharan, ina malitāmihaowa. Khiwui vangkhala? da saikorawui Prohona hānga. Kaja nathum khalatta kachichā shimwui vang ngalang zārda ot sālaga, iwui shima ja̱tāda lei.

MATTHEW 6:33

Kha rimeikapta, nathumna Varewui wungram kala awui khamashung khangarong chi phārifalu, chithākha saikora hi nathumli ngarumsangmira.

PHILIPPINAO 2:21

Khangateibing chiya Jishu Khristawui otli ning masangla kachichāwui phakhavaimāng sai.