HAGGAI 1:12 - Kathara Bible (BSI)

¹² Chithāda She-alti-elwui naomayara Zerubbabel, kala Jehozadakwui naomayara pāngmon kharei Joshuana, miyur chiwui shākkahai saikorali ngasoda athumwui Vare Prohowui tui chi nganai, kala Haggaiwui tui chi ali athumwui Vare Prohona chihokharāna da theilaga khuisanga; kala mibing china Prohowui mangāli ngacheeda shitsanga.

HAGGAI 1:12 Iomraidhean Croise

ISAIAH 50:10

Nathumwui alungli Proholi khipāna ngachee, kala awui raowui khon khipana nganāli, tangkhamangli zatta kahor makathei, chithālala Prohowui mingli shitsangda Vareli kachihama khipākhala?

HAGGAI 1:14

Kala Prohona She-alti-elwui naomayara Judahwui khamunga Zerubbabelwui ning, kala Jehozadakwui naomayara pāngmon kharei Joshuawui ning kala mibing chiwui shākkahaiwui ning ngatha̱ ngasakta; athumwui Vare saikorawui Prohowui shim chi sāphoka,

EZRA 5:2

Chieina She-alti-elwui naomayara Zerubbabel eina Jozadakwui naomayara Jeshuana Jerusalemli khalei Varewui shim chi sāphoklui, kala Varewui marānbingna ngachonmi.

CHĀNSAM 1:7

Proholi khangachee hi theishingkakhui haokaphokana; Mangkhama̱bingna thangkhamei kala hāngkachitheili yangkharinga.

LAA 112:1

Proholi solu! Proholi khangachee mi sokhamina, awui ningkhamili ningyāngkhaunga chi!

HAGGAI 2:2

Ara tui hi She-alti-elwui naomayara Judahwui khamunga Zerubbabel, Jehozadakwui naomayara Joshua kala nganingshing kahaiya saikorali hānglu, kaja,

HAGGAI 1:1

Darius awungana mungda zingkum kakhanewui kachāng katharuka, zimiksho kharethang, Prohowui tui china Haggai marānwui mangā eina Judahli khamunga, She-alti-elwui naomayara Zerubbabel kala Jehozadakwui naomayara pāngmon kharei Joshuali rāhānga,

HĀSHOKME 12:13

Naomeikapta; saikora shāhaira. Vareli ngacheelu, kala awui ningkhami mayonlu; kaja hi mi akhana sāphalungki kaji otna.

HEBREWNAO 12:28

Makhangatha̱ wungram ithumna samkaphangwui vang ningshisa. Varena ningyāng ungkhavai kakhayak khangachee eina ngasoda ali ningshida khorumsa.

COLOSSIANAO 1:6

Nathumna Varewui lukhamashan pao shāthanghon kala chi mashunga da theikhuithanghon eina thuida paokaphā hina sokhami khuirāmichingda lei kala okathui apam saikoralila ngayaovāda lei.

OTSAK 9:31

Chitharan Judeali, Galileeli kala Samariali khalei church saikora chingri eina okathui samphanga, Proholi khangachee eina okthuida, Manglā Katharana athumli ringphā ngasakta mishānla chungsangkhangai chungsanga.

KHALATLUI 31:12

Ain hiwui tui saikora chi ngasharda mayon khavai, mayarnao, sha̱nao kala naoshinaobing kala nathumwui keinung alungli khalei kha̱mibing kazipkhuilu, chithāda athumna shākhuida Proho nathumwui Vareli khangachee leira,

HAOKAPHOK 22:12

Ana hānga, “Nao chili napāng maparalu, lah ali khikha mathālu; nawui nao akhamāng kaje chi eina tangda iwui vang kashivām maleimana kaji theilaga na Vareli ngacheeya kaji ina theihaira.”

KHALATLUI 31:13

kala nathumna Jordan kānda asomki kaji ngalei chili nathumna okthuida leilakha eina tangda, matheirangda khalei athumwui naongarā, athumna chi shākhuida Proho nathumwui Vareli khangachee tamkhuiranu.”

EZRA 10:18

Pāngmonbingwui naomayarabing kha̱milā kakhui chi Ma-aseiah, Eliezer, Jarib kala Gedaliah; Jeshua naongarābingwui eina shimkhurli Jozadakwui naomayara kala achinā ngarāna.

ISAIAH 1:19

Nathumna mayāngaida kahāng nganaakha, ngalei chiwui kaphā athei shaira;