DANIEL 9:9 - Kathara Bible (BSI)

⁹ Lukhamashan kala pheokhami ithumwui Proho Varivarawuina; khikhalajila ithumna ali mamayāmada ngakaishihaira,

DANIEL 9:9 Iomraidhean Croise

2 SAMUEL 24:14

Chieina Davidna Gadli hānga, “Ining chotnāhaira; ithum Prohowui pāngli tāzangtha̱ga, kaja awui lukhamashan haklaka; kha ili miwui pāngli matāzang ngasakmilu.”

1 WUNGNAOBING 8:30

Narao kala nawui Israel mibingna apam hishong ngareirālaga kapo chitharan kashāmilu; nawui somkhavai pam kazingramli kashāmilu; kala nana kashā tharan kapheomilu.

NEHEMIAH 9:31

Chithālala nawui reikhamatai lukhamashan alung chili nana athumli mashimān ngasakmana horkahaila mahorhailakmana; kaja nava lukhamashan leikashi Varena.

LAA 130:4

Kha nali ngacheepai khavai, nawui huikhami lei.

LAA 130:7

O Israel, Proholi chihānlu! Kaja Prohowuili makhangachei leikashi lei, kala awuili huikhamila sorngasaida lei.

LAA 62:12

kala O Proho, makhangachei leikashi nawuina. Kaja miwui otsak athishurda nana hanmiya.

LAA 86:15

Kha O Proho, nava lukhamashan leikashi Varena, malung mavatkazāra kala makhangachei leishikatha ningkatong Varena.

LAA 86:5

Kaja nava, O Proho, kaphā kala pheokhamena nali khangakaobingli makhangachei leikashi pemting eina mi.

ISAIAH 55:7

makhayā mina awui shongfa horhaida, kala makhamashunga mina awui kaphaning horhailaga; ana lumashanmipai khavai ithumwui Proho Vareli latungranu, kaja ana mavātlakla pheomira.

ISAIAH 63:7

Prohowui makhangachei leikashi chi ina phaningchingra, ithumli Prohona khami saikora chiwui athishurda Proholi masot michingra, kala awui lukhamashan athishurda Israel shimkhurli, kaphā hakkhamahā mikahai chi, awui makhangachei leikashiwui makhavāt athishurda khamina.

JEREMIAH 14:7

“Ithumwui khayonkhamāngna jisālala, O Proho, namingwui vang ngachonmilu. Kaja ithumna sa̱na̱thui kahai chungnāhaira, ithumna nali morei sāhaira.

EZEKIEL 20:13

Kha lamhāngli leilakha Israelshi shimkhurna ili ngakaishi; athumna iwui shiyan-chikan mamayonmana kha athumna chi khamayon eina mibingna ringra kaji iwui shiyan-chikan khalanhaowa; kala iwui sabbathbing athumna hakmahālak eina sāmakhaohaowa.

DANIEL 9:5

ithumna nawui eina mai ngareithuihailaga nawui ningkhami kala shiyan-chikan mamayonla morei sāda makaphā otsak sāda ngakaishihaira;

DANIEL 9:6

ithumna nawui rao marānbing, ithumwui awungabing kala, wungnaobing, ishāvā ngarā kala ngalei hiwui mibingli nawui ming eina khamatuiabingwui tui makhuisangthuwa.

DANIEL 9:7

O Proho, khamashung-khangarong chi nawuina, kha ithuma aja hi tākam eina, maphākakhui, Judahwui mibing, Jerusalemli khaleibing, kala katā khanaili nana kashamvā kahaia Israel katonga ithumna nawui mangāli morei kasāwui vang pa̱khangapāmānga.

DANIEL 9:8

O Proho, ithumwui vang, ithumwui awungabingwui vang, ithumwui wungnaobingwui, kala ishāvā ngarābingwui vanga pa̱khangapā chi ithumwui ngasāhaowa, kaja nawui mangāli ithumna morei sāhaowa.

JONAH 4:2

Kala ana Proholi seihā sāda hānga, “Iram ngaleili leilakha hithārada ina nali mahāngmala? Hiwui vang ina thaklāk eina Tarshishli yāmkhavāna kaja ina thei, na lukhamashan leikashe, malungkhanima, leikashili nganingtit kaje kala makaphāwui eina ning khangacheia Varena.