DANIEL 9:8 - Kathara Bible (BSI)

⁸ O Proho, ithumwui vang, ithumwui awungabingwui vang, ithumwui wungnaobingwui, kala ishāvā ngarābingwui vanga pa̱khangapā chi ithumwui ngasāhaowa, kaja nawui mangāli ithumna morei sāhaowa.

DANIEL 9:8 Iomraidhean Croise

2 WUNGNAOBING 21:15

khikhalajila Egyptwui eina avāva̱ ngarāli thānshokthang eina thuilaga aja rāshungda athumna iwui mikyanli makaphā ot chi sāda ili malungvāt ngasaka.”

2 THOTRINCHĀN 6:37

athumli narkahaipamli athumna ning ngateida, ‘Ithumna makaphā kala khangui khalāng ot sāhaira’ da hāngda;

NEHEMIAH 1:6

nawui rao Israel mibingwui vang nawui mangāli naraowui seihā, arui ina seihā sāda khalei hi nakhanāna shāmiranu, kala namikna theimiranu, nali mamayāmada ithumna morei sākahai nawui rao Israel mibingwui morei ina hāngphatta ngashun ngayā mateila seihā kasā hi. Mha, I kala ishāvāwui shimkhurna morei sāhaira.

ISAIAH 64:4

Achalakha eina thuida, khipākha khanā einala mashālakmana, na maningla mik eina Vare khangatei matheiranga; ali ngaraida khalei athumli otram khangatha̱bing.

JEREMIAH 14:20

O Proho, ithum makhayā morei sāhaira, kala ishāvā ngarāna khayonkhamāng; ithumna nawui mangāli morei sāhaira kaji ithum mayai.

JEREMIAH 32:32

Athumwui awungabing, wungnaobing, pāngmonbing, marānbing, Judah eina Jerusalemwui mi zangda, Israel eina Judahwui naobingwui makaphā chiwui vang eina ili malungvāt khangasakwui vangna.

JEREMIAH 7:19

Athumna malungthui khangasak hi ilila? da Prohona hānga. Hi athumna athum khalattawui pa̱ngapā khavai maningmala?

CHAPCHĀT 1:18

“Prohova khamashung pamli lei, kaja ina awui tuili ngakaishihaowa, kha nathum saikora, nganālu, kala yanglu iwui kachotkachāng yanglu; iwui ngalānaobing eina iwui yaronnaobing tukthuiserhaira.

CHAPCHĀT 3:42

“Ithumna ngakaishida morei sāhaira, kala nana mapheomiranga.

CHAPCHĀT 5:16

Kuihon ithumwui kuiwui eina tātunghaira; kakhanang ithumwui ngasāranu, kaja ithumna morei sāhaira!

EZEKIEL 16:63

kala nawui kasāsā saikora ina pheomi kahai tharan, nana phaningungda matakhak khayāmalāthak eina khituikha mamatuimara” da Proho VAREna hānga.

EZEKIEL 5:6

Kala ana yur kateili lāngda zakshilāk eina iwui sharphahorbingli ngakaishi, kala awui kuikhamareiwui ngalei kateili lāngda iwui shiyan chikanli mamayāmana, iwui sharphahorbing khalanhaida iwui shiyan chikan mamayonlakmana.

DANIEL 9:9

Lukhamashan kala pheokhami ithumwui Proho Varivarawuina; khikhalajila ithumna ali mamayāmada ngakaishihaira,