DANIEL 9:7 - Kathara Bible (BSI)

⁷ O Proho, khamashung-khangarong chi nawuina, kha ithuma aja hi tākam eina, maphākakhui, Judahwui mibing, Jerusalemli khaleibing, kala katā khanaili nana kashamvā kahaia Israel katonga ithumna nawui mangāli morei kasāwui vang pa̱khangapāmānga.

DANIEL 9:7 Iomraidhean Croise

EZRA 9:13

Ithumwui makaphā otsakwui vang, kala khangui khalāngwui vang ithumli rāshok kahai saikorawui thili, ithumwui Vare, nana ithumli kashong ngavengmida mimazum sāda shākmi,

EZRA 9:15

O Proho Israelwui Vare, nava khamashungana, kaja aja hithāda khalei nana ithumli yāmshok ngasakta shākmi. Yanglu, nawui mangāli ithum yonda lei, hiwui vang nawui mangāli khipākha manganingrarmana.

NEHEMIAH 9:33

Kha ithumwuitungli kharā saikora hi mashun eina sāmi, kaja nana ningtonglak eina kasāna kha ithumpāna maphālakla kasāna;

LAA 119:137

O Proho! Nava khamashungana, kala nawui bichar khamashungana.

LAA 44:15

Langpongda iwui maikashi iwui mangāli lei, kala maikashina imai fakhamhaira,

LAA 51:14

O Vare, ashee eina khangui kasāwui eina ili kanshokmilu, ili huikhame Vare, kala imalena nawui ngatangkhamiwui laa pangda vaora.

LAA 51:4

Nali, namāngli ina morei sāhaira, kala nawui mikyanli makaphā chi sāhaira, chieina nana tuitak tākhami chi mashunga kala nawui bicharli shāt maleimana.

ISAIAH 11:11

Chitharan Assyriali, Egyptli, Pathrosli, Ethiopiali, Elamli, Shinarli, Hamathli kala shamadrupheiwui ngalemli shākkahaibingli kazipkhuiluishit khavai Prohona kakhane sāda awui pāng tāngvāluira.

ISAIAH 45:16

Athum saikorali khayak ngasakta pa̱ngapāmihaira, meoma̱ sākakhuibing manātkaphotserhaira.

JEREMIAH 12:1

Ina nali iwui makapen kahāng chitharanla, khamashung khangaronga chi nana O Proho, chithālala nawui mangāli iwui tuingaphun chi hāngphalungrali. Khiwui vang eina makhayābingna shāng-leihao? Khiwui vang eina ning makatharbingna reisanghao?

JEREMIAH 23:6

Awui thotli Judahli kanmira, kala Israel chingri eina okthuira. Kala ali hoki kaji aming chi hina: ‘Proho hi ithumwui khamashung khangarongana.’

JEREMIAH 24:9

Athumli ina kashamkhavāpam kachida, okathuiwui wungram saikorali, ngachee-ngacha khavai, yangkharing khavai, tantakli ngazek khavai, mana̱shi khavai kala khonshi khavai sāngasakra.

JEREMIAH 3:25

Ithumwui maikashili ngayaisangsa, kala ithumwui khayā khamalāna ithumli farorranu; kaja ithumwui Proho Vareli ithumna morei sāhaira, ithum kala ishāvā ngarāna aja rāshungda ithumna ithumwui Proho Varewui akhon manganāmana.”

JEREMIAH 32:32

Athumwui awungabing, wungnaobing, pāngmonbing, marānbing, Judah eina Jerusalemwui mi zangda, Israel eina Judahwui naobingwui makaphā chiwui vang eina ili malungvāt khangasakwui vangna.

JEREMIAH 33:16

Chitharan Judahli kanmira kala Jerusalem tāphup eina sompamra. Kala ‘Proho hi ithumwui khangarongna’ kaji aming eina hora.

JEREMIAH 4:17

Lui kahon thāda ali kuimareikhamhaira, khikhalajila ana ili ngakaishihaowa, da Prohona hānga.

JEREMIAH 7:19

Athumna malungthui khangasak hi ilila? da Prohona hānga. Hi athumna athum khalattawui pa̱ngapā khavai maningmala?

EZEKIEL 16:63

kala nawui kasāsā saikora ina pheomi kahai tharan, nana phaningungda matakhak khayāmalāthak eina khituikha mamatuimara” da Proho VAREna hānga.

EZEKIEL 36:31

Chitharan nathumna makhayā ot kasāsā kala ningkakachai morei sākasā saikora chi phaningungra; kala nathum khalatta nathumwui khayonkhamāng kala khangui ot sākahai saikorawui vang ningkachaira.

EZEKIEL 5:10

Chiwui vang eina nathumwui alungli avāva̱ ngarāna naongarābingli shaira; kala naongarābingna avāva̱ ngarāli shaira; kala nathumli ina bichar sāra, kala nathum kachikathāna kanshokakha ina kharingbing chi masili chiphanhaora.

EZEKIEL 6:12

Katāli khaleia a china kazātkashi eina thira, kala nganaida kapama a china raighai eina thira; kala mathila taihaikasābing china chāmrei eina thira. Chithāda ina iwui malungkhavāt athumwuitungli chishotta kupra.

DANIEL 9:14

Chiwui vang Prohona khangarān sākahai kalāshāt hi rāshung ngasakhaira, kaja ithumwui Proho Varena kasāsā saikora hi khamashungna, kala ithumna kahāng makhanganāna.

DANIEL 9:18

O iwui Vare, nāshungda shāmilu; namik rakta ithumwui khamasai hi katheimilu; kala nawui ming eina hokahai keinung hili kha-yangtāmilu; kaja ithumwui khamashung khangarong leida namangāli kapo maningmana, kha nawui hakkhamahā lukhamashan mangā eina seihā sāda kapona.

DANIEL 9:8

O Proho, ithumwui vang, ithumwui awungabingwui vang, ithumwui wungnaobingwui, kala ishāvā ngarābingwui vanga pa̱khangapā chi ithumwui ngasāhaowa, kaja nawui mangāli ithumna morei sāhaowa.

AMOS 9:9

“Kaja yanglu, ina kasora, kala yur saikorawui alungli Israelwui shimkhurli khanukra, sikhavai khavai eina khanuklala, lungguinao akha eina tangda ngaleili matātungmara.

ROMNAO 6:21

Ara nathumna khayākhamalā ot kasā chieina khi tongkazā samphangkhala? Otsakbing chiwui athei chiya kathina.

KHALATLUI 32:4

“Lunghār, awui otsak kāshunglaka; kaja awui otsak saikora mashunmānga. Ningkatonga Varena, kala khangui maleimana, mashun kala tāzak kahai chi ana.

KHALATLUI 4:27

Kala Prohona nathumli miyurbingwui alungli chaiyāngmihaida, Prohona nathumli kashamkhavā miyurbingwui alungli nathum teolak kahai yur sathuihaora.