DANIEL 9:5 - Kathara Bible (BSI)

⁵ ithumna nawui eina mai ngareithuihailaga nawui ningkhami kala shiyan-chikan mamayonla morei sāda makaphā otsak sāda ngakaishihaira;

DANIEL 9:5 Iomraidhean Croise

2 WUNGNAOBING 18:12

kaja athumwui Proho Varewui tui makhuisangmana, kha Prohowui tuingashit awui rao Mosesna kaso kahai saikora chieina tangda chonmakanhaowa; athumna kakhuila makhuisangmana kahāngla manganāmana.

2 WUNGNAOBING 21:15

khikhalajila Egyptwui eina avāva̱ ngarāli thānshokthang eina thuilaga aja rāshungda athumna iwui mikyanli makaphā ot chi sāda ili malungvāt ngasaka.”

EZRA 9:6

“O iwui Varivara, nawui mangāli imai ngareikākida khayakhaowa, kala vaishihaowa, iwui Varivara, kaja ithumwui khayonkhamāng ithumwui kui kānkāhaira, kala morei kazingram kāzokhaira.

LAA 106:6

Ishāvā ngarāla, ithumla morei sāhaira; ithumna khangui ot sāhaira, ithumna makhayāwui ot sāhaira.

LAA 119:102

Nawui shiyanbingwui eina ina mangareithuimana, kaja nana ili tamchithei.

LAA 119:176

Shiman kahai yao thāda I ma̱zatli, naraoli kaphākhuimilu; kaja ina nawui ningkhami mamalailakmana.

LAA 18:21

Kaja ina Prohowui ainbing chi mayona, kala ina zakshilāk eina Varewui eina mapākthuimana.

ISAIAH 53:6

Yao thāda ithum saikora ma̱thuiserhaira, kachichā khalattawui apongli thuihaira; chieina ithum saikorawui morei awuitungli Prohona parmi.

ISAIAH 59:13

Proholi mamayāmada khalāng ot kasā, kala ithumwui Vareli kashurwui eina ngateithui kahai, rekakharek, khangararwui tui khamatui, phaningphāphai kala wuklungwui eina kakapik tui matuipama.

ISAIAH 64:4

Achalakha eina thuida, khipākha khanā einala mashālakmana, na maningla mik eina Vare khangatei matheiranga; ali ngaraida khalei athumli otram khangatha̱bing.

JEREMIAH 14:20

O Proho, ithum makhayā morei sāhaira, kala ishāvā ngarāna khayonkhamāng; ithumna nawui mangāli morei sāhaira kaji ithum mayai.

JEREMIAH 14:7

“Ithumwui khayonkhamāngna jisālala, O Proho, namingwui vang ngachonmilu. Kaja ithumna sa̱na̱thui kahai chungnāhaira, ithumna nali morei sāhaira.

JEREMIAH 3:25

Ithumwui maikashili ngayaisangsa, kala ithumwui khayā khamalāna ithumli farorranu; kaja ithumwui Proho Vareli ithumna morei sāhaira, ithum kala ishāvā ngarāna aja rāshungda ithumna ithumwui Proho Varewui akhon manganāmana.”

JEREMIAH 30:14

Nathumli leikashebingna nali malaiserhaira, nathumli yangsangkhami maleilui; morei hakna kahaiwui vang, kashong chungnā kahaiwui vang; yangkashena kashao thāda ina nali tandi khamina.

JEREMIAH 44:3

khikhalajila athumnala, nathumnala, nashāvā ngarānala makathei, athumna varebingli shitsangda nganamkaphā otyur riktāda makhayā ot sālaga ili malungvāt khangasakwui vangna.

CHAPCHĀT 1:18

“Prohova khamashung pamli lei, kaja ina awui tuili ngakaishihaowa, kha nathum saikora, nganālu, kala yanglu iwui kachotkachāng yanglu; iwui ngalānaobing eina iwui yaronnaobing tukthuiserhaira.

CHAPCHĀT 1:20

“Yanglu, O Proho, kaja I kachotlungli lei, imanglā kakhananglungli lei, iwuklungli ining shireikazamhaira, kaja ina ngakaishishunhaowa, chānreilungli raighai eina thingasaka, shimlungli kathi kathāna.

CHAPCHĀT 3:42

“Ithumna ngakaishida morei sāhaira, kala nana mapheomiranga.

EZEKIEL 5:6

Kala ana yur kateili lāngda zakshilāk eina iwui sharphahorbingli ngakaishi, kala awui kuikhamareiwui ngalei kateili lāngda iwui shiyan chikanli mamayāmana, iwui sharphahorbing khalanhaida iwui shiyan chikan mamayonlakmana.

EZEKIEL 6:9

chieina mi ngaleili yāmkhavā nathum raithā kahaili khuivā kahai chitharan ili phaningungra, kaja iwui eina pākthui kahai athumwui maphākakhui ning chi ina sakhaikhami tharan, kala maphākhuilakla meoma̱li shurkazatwui mik chi ngapeo ngasakhaora; kala athum khalattawui mikyanli athum khalatta, athumna makhangayi sākahai saikora chiwui vang ningkachaira.

DANIEL 9:11

Israel saikorana nawui ain chonmakānhaira kala mai ngareithuihaira, nawui akhonla makhuisangmana. Varewui rao Moseswui ningkhami lairikli kapi kahai chiwui khonkashi kala mingkazai chi ithumwuitungli heirorhaira khikhalajila ithumna morei sāhaowa.

DANIEL 9:15

“Ara, O Proho ithumwui Vare, nawui pangshap eina nawui mibingli Egypt ngaleiwui eina thānshokmida aja rāshungda naming theingasaklala ithum morei sāhaira, ithumna maphālakla sāhaira.

DANIEL 9:9

Lukhamashan kala pheokhami ithumwui Proho Varivarawuina; khikhalajila ithumna ali mamayāmada ngakaishihaira,

HOSEA 1:2

Prohona Hoseali rimeikapta khangazek tharan, Prohona ali hānga, “Vālu, laga napreiva̱̱ sākhavai khayorva̱̱ sha̱nao akha akhuilu, kala khayorva̱̱wui nao pharākhuilu, khikhalajila ngalei hina Proholi horhailaga hakmahāmeikap kaji khayorva̱̱wui ot sāhaira.”

MALACHI 3:7

Nawo ngarāwui eina thuilaga nathumna iwui ningkhami mamayonla shiyan chikanwui eina mai ngareithuihaira, ili latunglu, chieina ina nathumli latungra, da saikorawui Prohona hānga. Kha nathumna, ‘Ithumna kathāda latungrakhala?’ da hānga.

HEBREWNAO 3:12

Ivānaongarā! Kharinga Varivarawui eina mangareithui khavai zakkashi ning kala mashitkasang ot maphaning khavai ning ngasharlu.