DANIEL 9:4 - Kathara Bible (BSI)

⁴ Iwui Proho Vareli ina seihā kasā eina ngasoda ning ngateida hāngphata, “O Proho, hakkhamahā khangachee-khangachā Varivara! Nawui kahāng nganāda ningkhami khamayona kala nali leikashebingli khangachei maleila mayonkhame,

DANIEL 9:4 Iomraidhean Croise

1 WUNGNAOBING 8:23

“O Proho, Israelwui Vare, ningtongda nawui thi kashura naraobingli makhangachei tuingashit kala leikashi tāshungmida kazingramli kala okathuli na kathā Vare katei maleimana;

2 THOTRINCHĀN 7:14

iwui ming eina hokhui kahaiya iwui mibingna athum khalatta hamsangakha, kala seihā sāda ili phaakha kala athumwui makhayā apongwui eina ili latungakha, ina kazingramwui eina shāmira, kala athumwui morei pheomida athumwui ngaleiwui kazāt raimira.

EZRA 10:1

Ezrana Khorumshimli ngaleokazamlaga chapsasui ning ngateida leilakha Israelwui mibing khararnaosan kachungkha awui ngalemli rākazipa; kaja mibingna panglāk eina chapngachāhaowa.

NEHEMIAH 1:5

Kala ina hānga, “O Proho, kazingramwui Varivara, reikhamataia kala khangachee khangachā, awui ningkhami mayonda ali leikashibingli makhangachei leikashi kala awui tuingashit eina mayonkhame Vare;

NEHEMIAH 9:32

Chiwui vang ara, “Ithumwui Vare, sāshap pangshapa, kala khangachee-khangachā Vare, tuingashit eina leikashi makhangachei mayonkhame, Assyria awungawui thot eina thuida aja rāshungda ithumli, awungabing, wungnaobing, pāngmonbing, ishāvā ngarā, kala nawui mi saikorawuitungli kachotkachāng katā saikora hi teolak eina makhuimiaranu.

LAA 32:5

Nawui mangāli iwui morei sākahai I mayai, kala iwui khayonkhamāng mathumhaimana; “Proholi iwui khayonkhamāng hāngphatra” da ina hānga; chieina nana iwui khayon morei pheomi.

SHONGZĀ 20:6

kha ili leishida ningkhami saikora khamayonabing thingthingli makhangachei leikashi chitheikhamena.

JEREMIAH 3:13

Na nawui Vare Proholi ngakaishihaira, nawui ningkachāng khamateka thingphei kachida kha̱mibingli chaizathaira, kala na iwui akhon manganāthuwa, kaji himang mayālu, da Prohona hānga.

JEREMIAH 32:23

kala athumna zangda ngalei chi samphanga. Kha athumna nawui tui manganāmana kala nawui ainwui athishurdala mazatmana; nana athumli sālu kaji akhala masāmana. Chiwui vang eina, kalākashi saikora hi nana athumwuitungli tā khangasakna.

DANIEL 6:10

Kakaso shoi sāhaira kaji theilaga Danielna awui shim mathāng atoli kāda, Jerusalemshong khalei charfa ngalemli khuktida Vareli ningkashi eina thangkhali kathumshida khangachā makailakla seihā sāchinga.

DANIEL 9:3

Chiwui thili kakhum eina, bora ngavaida kala hotlā teilaga seihā kasā eina ngasoda ina Vare Proholi mai ngareiunga.

LUKE 1:72

ishāvā ngarāli lukhamashan chithei khavai, kala awui kathara tuingashit phaningung khavai.

ROMNAO 8:28

Ithumna thei kaja Varena awui kharin leida hokhui kahaia ali leikashebingli ana ot saikorali kaphā sārumchinga.

KHALATLUI 5:10

kha ili leishida kala ningkhami saikora khamayona thingthingli makhangachei leikashi chithei.

KHALATLUI 7:12

“Khikhalajila nathumna shiyan-chikanbing hi nganāda kala chi mayonakha, Proho nathumwui Varena navā ngarāli mayonmichingra da ngashit kahai kala makhangachei leikashi chi leichingra;

KHALATLUI 7:21

Athumli ngachee khavai maleimana; kaja nathumli ngasomida khalei Proho nathumwui Vare chiya sāshap-vāshapa kala makahaiya Varena.

KHALATLUI 7:9

Chiwui vang eina theilu, kaja Proho nathumwui Vare chi Varena, ali leikashibing kala awui ningkhami khamayonabingli tuingashit mayonkhame makhangachei leikashi thot thingthing haikhame makhangachei Varena,

JAMES 1:12

Chāng khayangli shitkasang makhangachei mi chi sokhamina, kaja ana chāng khayangli nganingshapakha ishameili leikashebingli ngashitmi kahai kharingwui wungkuihon chi awui sāman sāda samphangra.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.