DANIEL 9:2 - Kathara Bible (BSI)

² ana mungkhare kum, kathara lairikli Prohona Jeremiah marānli hāngkahai athishurda, Jerusalem hi kum hangshini kaikhayāngda leira kaji Daniel ina, lairikli kapā samphangda chi chukmajasai.

DANIEL 9:2 Iomraidhean Croise

2 THOTRINCHĀN 36:21

hi mibingna kum hangshini sabbath makhamayon chi hāngsang khavai ngalei hi macho ngasakra da Prohowui tui Jeremiahna hāngkahai chi ungshung ngasak khavaina.

EZRA 1:1

Persiawui awunga Cyrusna pānkhare kum, Jeremiahwui khamor eina hāngkhangasak Prohowui tui chi ungshung khavai, Prohona Persiawui awunga, Cyruswui ning ngatha̱ ngasaka; chieina awui wungram saikora vāshungchaoda ana pao akha chishāta, kala chi kakapila kapi:

LAA 119:24

Nawui tui iwui ringkaphāna, chi iwui hāngmachinkhamena.

ISAIAH 64:10

Nawui kathara keinungbing lamhāng sāthuiserhaira, Zion lamhāng sāthuihaira, Jerusalem ramcho sāhaira.

JEREMIAH 1:1

Benjaminwui ngalei Anathothli khalei pāngmon shimkhur Hilkiahwui naomayara Jeremiahwui tui,

JEREMIAH 25:18

Jerusalem eina Judahwui keinung saikorali, chiwui awungabing eina wungnaobingli, aja thāda ngachakyāng kala horyāng kahai, khonkashi ngasākhavai;

JEREMIAH 26:18

“Moreshethwui Micahna Judahwui awunga Hezekiahwui atamli Judah mi saikorali marānmi: ‘Saikorawui Prohona hānga, Zionli seiot kakhui thāda khuira, Jerusalem ngayānghaida khorkazam kahai ngasāra, Khorumshim sāhaida khalei phungrei hi ngahong ngasāhaora.’

JEREMIAH 26:6

chieina shimkhur hi Shilohli kasā thāda sāmira, kala okathuili khalei saikorawui mangāli keinung hi khonkashi sāngasakra.”

JEREMIAH 27:7

Miyur saikorana ali, anaomayarali, ara̱li, awui ngaleiwui atam maungranglakha eina tangda otram ngatha̱mira; chiwui thili miyur kachungkhana kala kahaka awungabingna ali athumwui raonao sāngasakra.

JEREMIAH 29:10

“Kaja Prohona hithāda hānga: ‘Babylonli apamda kum hangshini kāshung kahai tharan, ina iwui tuingashit sākahai chi ungshung ngasakra kala apam hili khuiungmiluira.

JEREMIAH 7:34

Ina Judah keinungbingwui kala Jerusalem chānreiwui eina ringkaphā khamathānkhonbing, shakzāki kaji mayara eina ngalāva̱wui akhonbing chi ngasām ngasakhaora; kaja lam chi ramcho ngasakhaora.

CHAPCHĀT 1:1

Kathāda ngachakyāng eina pamli! Mi chiyākha nganotkasā keinung chi! Kathāda ra̱meiva̱ kathā ngasāhao, yurbingwui ngachaili hakmahālak eina leikasāpāva̱ chi! Keinungbingwui alungli philava̱ sākasāva̱ chi shainao sāthuihaira.

EZEKIEL 29:11

Mikumo khipākha phei marāchonsangmara, kala sā eina tangda marāchonmara; kum hangmati khikha maokthuimara.

DANIEL 9:3

Chiwui thili kakhum eina, bora ngavaida kala hotlā teilaga seihā kasā eina ngasoda ina Vare Proholi mai ngareiunga.

MICAH 3:12

Chiwui vang eina, nathumwui vang eina Zionli lui kasao thāda saora; Jerusalem katek-kakai khorkahai thāra, kala khorumshimwui kaphung chila ngahong kashā ngasāhaora.

ZECHARIAH 1:12

Chieina Prohowui kazingrao china hānga, “O saikorawui Proho, nana zingkum hangshini malungvātrā kahai Jerusalem eina Judahwui keinungli atam karankha malumashanmimarakhala?”

ZECHARIAH 7:5

“Ngalei chiwui mi saikora kala pāngmon saikorali hānglu, Nathumna kachāng kaphangā eina kashineli zingkum hangshini khumda kachap chi, iwui vangla?

MATTHEW 24:15

“Masai khangasak ningkakachai ot da marān Danielna hānghaikasa china katharapamli khanganing chi nathumna kathei tharan (pākakhuia china bhap tākhuiranu),

MARK 13:14

“Kha masaimi kahai ningkakachai ot china maleikharān apamli khalei nathumna kathei tharan(pākakhuibingna bhap tākhuiranu) Judeali khaleibingna phungreili yāmkāranu;

OTSAK 8:34

Chieina ahonga china Philipli hānga, “Marānna kahāng hi khipālikhala? Ili kahāngmilu, a khalattali kahāngkā khangatei akhali kahāngkhala?”

1 TIMOTHY 4:13

I marāranglakha eina tangda yaruili Varewui tui pākachithei, pao hākashok kala tamkachitheili ngalangzarlu.

PHONGKHAMI 1:3

Phongkhami tuibing hi kapā mi, kala kashābing kala hiwui alungli kapi kahai otbing khuikasangbing ka̱lā mahairanu! Kaja atam chi nganaihaira.