DANIEL 9:11 - Kathara Bible (BSI)

¹¹ Israel saikorana nawui ain chonmakānhaira kala mai ngareithuihaira, nawui akhonla makhuisangmana. Varewui rao Moseswui ningkhami lairikli kapi kahai chiwui khonkashi kala mingkazai chi ithumwuitungli heirorhaira khikhalajila ithumna morei sāhaowa.

DANIEL 9:11 Iomraidhean Croise

2 WUNGNAOBING 18:12

kaja athumwui Proho Varewui tui makhuisangmana, kha Prohowui tuingashit awui rao Mosesna kaso kahai saikora chieina tangda chonmakanhaowa; athumna kakhuila makhuisangmana kahāngla manganāmana.

2 WUNGNAOBING 22:16

Prohona hithāda hānga, Yanglu, ngalei hili kala hili kapambingwuitungli Judah awungana lairik hi pālaga theikakhui kalākashi saikora chi ina khuirāra.

ISAIAH 1:3

Mukkāna awui akhavāli thei, gadhāna akhavāwui khon shai; kha Israelna matheimana, iwui mibingna matheishingkhuimana.”

ISAIAH 43:28

Chiwui vang eina kathara shimwui wungnaobingli ina ningkachaiya, chiwui vang Jacobli ina sipsā ngasakra kala Israelli chotchāng ngasakra.”

JEREMIAH 16:11

chitharan nana athumli hithāda ngahānkāra: Prohona hānga, ‘Khikhalajila nashāvā ngarāna ili horhaida vare khangateibingwui thi shurthuihaowa kala otram ngatha̱da athumli khoruma, kala ili horchaohaida iwui ainla mamayonmana,

JEREMIAH 2:29

Nathumna khisāda iwuitungli khamatuikhala? Nathum saikora ili ngakaishiya da Prohona hānga.

JEREMIAH 30:14

Nathumli leikashebingna nali malaiserhaira, nathumli yangsangkhami maleilui; morei hakna kahaiwui vang, kashong chungnā kahaiwui vang; yangkashena kashao thāda ina nali tandi khamina.

JEREMIAH 32:23

kala athumna zangda ngalei chi samphanga. Kha athumna nawui tui manganāmana kala nawui ainwui athishurdala mazatmana; nana athumli sālu kaji akhala masāmana. Chiwui vang eina, kalākashi saikora hi nana athumwuitungli tā khangasakna.

JEREMIAH 40:3

Prohona hi shokngasakhaira, kala hāngkahai athishurda shokhaira. Khikhalajila nathumna Proholi morei sāda awui kahāng makhanganāwui vang hi nathumwuitungli kashokna.

JEREMIAH 44:22

Nathumwui makhayā otsak kala ningkakachai otsak chi Prohona makhāngrarthura chiwui vang nathumwui ram ngachakyāng kahai ramcho kala khonkashi ngasāhaida aja eina tangda mi maokthuimana.

JEREMIAH 44:23

Hi nathumwui nganamkaphā otyur rikkatāwui vang, Proho mangāli morei sāda kahāng makhanganāwui vang, awui ain, shiyan, kakaso makashurwui vang aja eina tangda kalākashi hi tākhangasakna.”

JEREMIAH 6:19

Nganālu, O okathui; yanglu, mibing hiwuitungli ina makaphā khuirāra, athumna makaphā khangarān athei, khikhalajila athumna iwui tui makhuimana; kala iwui ain athumna khalanhaira.

JEREMIAH 9:26

Chibing chiya, Egypt, Judah, Edom, Ammonwui naomayarabing, Moab kala siwukpheili khalei kui sikatābing saikorana. Kaja miyur saikora hi ahui marimkashokbingna, Israelwui shimkhurla wuklungli ahui marimshokmana.”

DANIEL 9:13

Moseswui ainli kapi kahai thāda unshimui saikora hi ithumwuitungli tākahaina, chithālala ithumna Proho Varewui eina lukhamashan samphang khavaiwui eina ithumwui khayonkhamāng mahorhaila kala khamashungli latungda lumashankhami mangakaothuwa.

DANIEL 9:5

ithumna nawui eina mai ngareithuihailaga nawui ningkhami kala shiyan-chikan mamayonla morei sāda makaphā otsak sāda ngakaishihaira;

ZECHARIAH 1:6

Kha iwui rao marānbingli ina kakaso iwui tui kala iwui shiyan china navāngarāli mayuimala? Chieina athumna ningngateida hānga, ithumwui shongfa kala ithumwui saki kaji chiwui vang saikorawui Prohona ngarān kahai thāda, chi tākam eina ungshung ngasaka.’”

ZECHARIAH 7:12

Saikorawui Prohona awui Manglā eina achālakhawui marānbingli chihoda rākahāng tui kala ain chi shāpaishina da athumwui wuklung lunggui thāda makang ngasaka. Chiwui vang eina ashangva̱ Prohowui eina malungkhavāt rai.

ZECHARIAH 8:13

Kala nathum yurbingwui khonshi khavai sākasā chi, O Judah eina Israel shimkhur, ina nathumli huikhuira kala nathum somi kahaia ngasāra. Mangacheealu kha nathumwui pāng pangngasaklu.”

KHALATLUI 8:20

Nathumwui Prohona, nathumwui mangāli yur khangateili shimān ngasak kahai thāda nathumlila shimān ngasakra, khikhalajila nathumna Proho nathumwui Varewui khon manganāmana.”