DANIEL 8:9 - Kathara Bible (BSI)

⁹ Athum ngachaili akhawui eina angaji kateona akha shoklaga haksang khangai haksangda azingshong, zingshoshong kala tekhamatei ram vāshunga.

DANIEL 8:9 Iomraidhean Croise

LAA 105:24

Kala Prohona awui mibingli kachungkha mayāsang ngasaka, kala athumli yangkashebingli pangmei ngasaka.

LAA 48:2

Juikhamatai khamathā awui kathara kaphung, okathui saikorawui mathān khavaina, atungshong katāva̱li khalei, khareia Awungawui keinung Zion kaphung.

JEREMIAH 3:19

“‘Inaomayarabingwui alungli nali kathāda khamathā lam akha milaga chipamsikhala kala, miyur saikorawuili mathāmeikap kaji shimlui nali kathāda haimirakhala da ina machuka. Kala nathumna ili iwui Ava hora; kala ili kashurwui eina mangareithuimara da phaningsai.

EZEKIEL 20:15

Chili lāngdai ina athumli lamhāngli tuingashit sai kaja ina athumli mikahai khuira̱ eina seina̱ khalong tekmateimeikap kaji ngaleili mathānsangmara da ina ngashita,

EZEKIEL 20:6

Ina athumli tuingashit sāthang, Egypt ngaleiwui eina thānshokmida athumwui vang ina phāshok kahai, khuira̱ eina seina̱ khalong ngalei saikorali tekmateimeikap kaja lam mira da ina ngashit kahaina.

DANIEL 11:16

Kha ali rākhangarara china awui sākhangai rāsāra, kala ali khipākha mangasungrarmara; kala ana tekhamatei lam awui sāda pangshap saikora awui pāngli leira.

DANIEL 11:21

“Awui thili wungnao makhaning shāt kakā awunga akha rāra; yansāngsa̱ eina khalei atamli kashuirak phāreksek eina rāra.

DANIEL 7:8

Angaji chi ina machukta leilakha, yanglu, khangatei angaji kateo akha shonshokrāsai, chi kashok eina rida kākasa angachee kathum angayung eina sutshokhaowa; kala yanglu, angaji chili miwui amik thāda kai, kala khamorla kāda tui kachungkha matui.

ZECHARIAH 7:14

Kala sur kakhaning eina athumna matheikasā yur saikorawui ngachaili chaiyāngmi kahaina. Hithāda sāda athumna chiho kahai ngalei chi ramchohaoda khipākha zatung zatvā masāmana, kala ringkaphā apam chi ngaleikhamor sāngasak kahaina.”