DANIEL 8:4 - Kathara Bible (BSI)

⁴ Yao china zingtunshong, atungshong kala azingshong kharom kazat ina thei; sā khangatei ali mangasungrarmana, kala awui pangshapwui eina khipānakha makankhuirarmana; awui ningkachāng athishurda sākhangai sai kala akhalattawui yāng chithei khavai sai.

DANIEL 8:4 Iomraidhean Croise

1 WUNGNAOBING 22:11

Kala Chenaanahwui naomayara Zedekiahna mari eina angaji sākhuilaga hānga, “Prohona hithāda hānga, ‘Hi eina Syrianaobingli masāshimānmiranglakha eina tangda muivālu.’”

JOBWUI LAIRIK 10:7

I mayonmana kaji nana theilala napāngwui eina ngatangmikashap khipākha malei kajila?

LAA 44:5

Nawui mangā eina yangkashebingli ithumna namtai; namingwui mangā eina ithumna khangararbingli naitai.

LAA 50:22

“Hi machutkhuilu, Vareli malaikahai nathum; maningakha ina serkazamda khipākhana kanshokmi khavai maleisāmara!

LAA 7:2

kazingkha̱ thāda athumna ili serkazamhaipaishina, kanmi khavai maleithuda shimenthuihaipaishina.

EZEKIEL 34:21

Khikhalajila nathumna khangazanbingli ngaheilaga, angaji eina thotta katātāva̱li kashamvāser kahaiwui vang,

DANIEL 11:16

Kha ali rākhangarara china awui sākhangai rāsāra, kala ali khipākha mangasungrarmara; kala ana tekhamatei lam awui sāda pangshap saikora awui pāngli leira.

DANIEL 11:36

“Kala awungana awui ningkhān eina sāra, akhalatta varebingli pangshap reimei kaji chitheira, kala varebingwui Vareli mahāngkhamararao tui kachungkha hāngra. Malungkhavat makupranglakha eina tangda ana reisangra; kaja ngarān kahai athishurda ungshungphalungra.

DANIEL 5:19

ali chiyākha reikhangasakwui vang mibing, yur saikora, tuiyur kachiva̱ awui mangāli kathira kala ngachee; ana shaothatkhangaili shaothata, huimikhangaili huimi, juingasakhangai chili juingasaka, kala nemngasakhangai chili nemngasaka.

DANIEL 5:30

Chithang ngayā ngalāngda Chaldeawui awunga Belshazzarli shaothathaowa.

DANIEL 7:5

Kala yanglu, kakhane sā chiya singom thai. Sā chi khanukphei eina nganinga, kala akhamorli, ahā ngachaili arapthingra̱ kathum ngatama; kala hithāda hānga, “Ngakarthuida sā kachungkha shailu.”

DANIEL 8:7

Ana yaovā chili vākhanganai, kala ana malungvātlak eina akathot eina awui angaji khani thottekhaowa, kala yao chi awui mangāli manganingrarthuwa, kha ana ngaleili thotkārsanghailaga naikazama, kala awui pangshapwui eina yaovā chili kanmikashap khipākha maleithuwa.

MICAH 5:8

Kala Jacobwui shākkahai yurbingwui ngachaili leisāra, miyur kachungkhawui alungli leira, kazingkha̱na khararwui sāyurbingwui ngachaili, kazingkha̱naona yaoshangbingwui ngachaili leida, chi rākashok tharan ana naikazamda serkazam kahai thāda, chili ngatangkhui khavai khipākha maleisāmara.

KHALATLUI 33:17

Awui pharākhare mukkānao ngam phunga, kala awui angaji ramseiwui ngajina; chieina ana yurbingli, okathui akatanga eina tangda athum saikorali thotra; Ephraimwui thingthara chithai Manassehwui thingthing chithai.”