DANIEL 8:13 - Kathara Bible (BSI)

¹³ Chiwui thili kathara akhana kahāng ina shai; kala kahānga chili khangatei kathara akhana hānglui, “Machatlakla rikkatā kachigat, mashun maleila shimān khangasaka, katharashim horsangmihaida chiwui ashangva̱li naikakazamwui khamahā kathei hi karankhafarakhala?”

DANIEL 8:13 Iomraidhean Croise

LAA 74:10

O Vare, yangkashebingna karankha mana̱shira? yangkashena namingli mashātchingrala?

LAA 74:9

Ithumwui machut khavai ithumna matheimana, marān maleiluimana, atam karankharakhala da kathei ithumwui alungli akhala maleithura.

LAA 79:5

O Proho, na karankha malungvātfarakhala? Nawui yuikashiwui lungvat mei thāda chuirala?

ISAIAH 28:18

Chitharan katheli tuingashit sākahai chi makānāmara; kazeiramli ngasoda mayā khangarok chi manganingrarmara; hāngkhavai makhalei rekakharek kharā tharan nali ngaphittāhaora.

ISAIAH 6:11

Chieina ina “O Proho, karankharakhala?” da ngahāna. Chieina ana hānga, “Keinungbing mi maleila maramphoranglakha, kala shimli mi mangavāla kala lam chi ngachakyāng majichaoranglakha eina tangda,

ISAIAH 63:18

Nawui katharabingna kasha̱khawui vang nawui kathara shim khuisai, chi ithumwui yangkashebingna naikhaitā kahaina.

ISAIAH 9:6

Kaja, ithumli nao akha pharāmihaira, ithumli naomayara akha mihaira; kala shorkar ana phungra, kala awui ming, “Matakkhakkahai Machinme, Pangshapa Vare, Katangmakhavai Avāva̱, Chingrikahai Wungnao” da hora.

JEREMIAH 12:10

Yaokahoma kachungkhana iwui drakhā yāmgui sākazammiserhaira, athumna iwui yar naithatmiserhaira; iwui khamathā yar chi athumna ramcho lamhāng ngasāmihaira.

DANIEL 11:31

Awui eina raimibingna rāda khorum khavaishim, kala raipan sāmakhaora, kala rikkatāchigat chikatching kaje hanphut chila khuithuihaora. Kala chili shimān khavaiwui ningkakachai ot chi athumna sakāra.

DANIEL 12:11

“Machatlakla rikkatā kachigat chihohaida, shimān khavai ningkakachai ot sākaphok, atam khani hiwui ngachaili zimiksho thingkha shākhani hangchikothang leira.

DANIEL 12:8

Ina shai, kha I bhab matārarthuwa. Chieina ina hānga, “O iwui Proho, kathāda shokmameirakhala?” da ngahāna.

DANIEL 4:10

“Ina pida leilakha ili mahākhami chi hina: Ina thei, yanglu, okathuiwui alungthungli thingrong kajuiva̱ akha phorsai.

DANIEL 4:13

“Ina pida leilakha mangshongli, khamayona, kathara mi akha kazing eina katā thei.

DANIEL 4:23

Kala awungana yangda leilakha, ra̱khayanga, kazingram eina katā kathara china, ‘Thingrong chi ta̱tek haolu, kha angun che mariphek kala pithraiphek eina khalaplaga phorngasaksālu, luiwui timfa kahai khawoli ngasoda ikra̱ matakpi ngasaklu; kala ramsāli ngasopamranu; chithāda shini shida ali peingasakranu’;

DANIEL 7:16

Ina chiwui ngalemli nganingkasā akhali, saikora hiwui kachangkhat khikhala kaji theikhui khavai ngahānyanga. Ana chiwui pongli kakhalat mathālak eina hāngmi.

DANIEL 7:23

Ana hithāda hānga: “Khamate sā chiya, okathuili khamate awunga akha rāra, ava khangatei wungram saikorawui eina ngateihangra, china okathui katonga shaihaora, aphei eina naikazamtāda akha̱-akhā sāda sakhaimihaora.

DANIEL 9:27

Ana haptā akhawui vang kachungkhali mangacheikapai tuingashit khuira, kala haptā chiwui ngahunshing khavā eina athumwui pha̱kaphayā kala kachigat saikora khāmmihaora; chiwui mahutli Khorumshimwui chuimeikap kajeli khalei katharapam chili ningkakachai yangkakharing meoma̱ haihaora kala Varena mipa chiwui vang ngarān kahai athit chi marāranglakha eina tangda leiki jihaoda mi khipanakha makhorumpaithuda katharapam chi ramcho kahai thahaora.

ZECHARIAH 1:19

Kala ili khangazeka kazingrao chili, “Mibing hi khikhala?” da khangahān eina ana hānga, “Hibing hi Judah, Israel kala Jerusalemli ngapha̱yānghai khangasaka angaji china.”

ZECHARIAH 14:5

Nathumna phungrei khani sāda ngakai khavai tampāk eina yāmshokra; nathumna navā ngarāna Judahwui awunga Uzziahwui thotli neina̱ kakhanukli khayām thāda yāmra. Chiwui thili Proho nawui Vare rāra, kala katharabing ali ngasoda rāra.

MATTHEW 11:27

“Ishāvāna ili ot saikora horsangmihaira. Avā maningla Anaomayarali khipānakha matheimana, kala anaomayarana kala ana theingasakngaida kapangkakhuiabing maningla khipānakha Avāli matheimana.

MATTHEW 24:15

“Masai khangasak ningkakachai ot da marān Danielna hānghaikasa china katharapamli khanganing chi nathumna kathei tharan (pākakhuia china bhap tākhuiranu),

MARK 13:14

“Kha masaimi kahai ningkakachai ot china maleikharān apamli khalei nathumna kathei tharan(pākakhuibingna bhap tākhuiranu) Judeali khaleibingna phungreili yāmkāranu;

LUKE 10:22

“Ot saikora iwui Avāna ili horsangmihaira, kala Anaomayara hi khipākhala da Avā maningla khipānakha matheimana; kala Avāva̱ hi khipākhala da Anaomayara maningla khipānakha matheimana, kala Anaomayarana kachikathāli kapangkhuida chitheikhami maningla khipānakha matheimana.”

LUKE 21:20

“Kha Jerusalemli raimina kuikhanam tharan kashimān atam nganaiura da theilu,

LUKE 21:24

Athum kaikhali raighai eina shātthatra, khangateibingli narkahai rao sāda yur saikorali khuivāra; kala yur khangateibingna Jerusalemwuitungli naikazamra.”

JOHN 1:18

Khipānakha Vareli matheilakranga; Avāva̱wui makāli khalei Naoho-naotongmāngna ali theingasaka.

KHALATLUI 33:2

Prohona Sinai eina tai, kala Seirwui eina ithumli chitheirikapa; Paran Kaphungwui eina kahor kāptāmi, kathara thingtharāli ngasoda rai, awui yāpāngli kahora mei eina ngasoda.

1 THESSALONICANAO 3:13

Hithada sāda nathumli pangsang ngasakra kala ithumwui Proho Jishuna ali kazangbingli ngasoda kharā tharan ithumwui Avāva̱ Varivarawui mangāli nathum kākashunga kala kathara ngasāra.

HEBREWNAO 10:29

Chithākha Varewui naomayarali makachāpa, moreiwui eina tharmi kahai Varewui tuingashitwui asheeli paisor eina kaphaninga mi, lukhamashanwui Manglāli mana̱kashe mi chi khi ngasāra? Awui tandi kayākha sakmeirakhala da phaningyanglu!

1 PETER 1:12

Marānbingli Varena phongkhami hi athumwui vang maningmana, kha nathumwui vangna kaja paokazatbingna kazingramwui eina kashirāt Manglā Katharawui mangā eina nathumli hāngkhami ot hi kazingraobingnala theingai.

JUDE 1:14

Adamwui naothot kashine Enochna athumwui pongli rida marānhaikasā chiya: “Yanglu, Prohona, kathara kazingrao thingthingli ngasoda rāra.”

PHONGKHAMI 11:2

Kha khorumshimwui ayar yāngkhup chi matamkhuialu; chiya miyur khangateili mikahaina kala athumna kathara keinungtungli kachāng hangmatida khani naikazamra.

PHONGKHAMI 6:10

Athumna panglāk eina vaowa: “O Proho, kathara, khamashunga, okathuili khalei mibingna ithumli shaokathatwui bichar kala tandi miki kaji atam chi leifala?”

WUNGVA̱-WUNGVĀ 13:18

Kala Prohowui kazingrao china ali hānga, “Hi matakhak kahai otna da theilaga, khisāda nana iwui ming ngathingkhala?”