DANIEL 7:9 - Kathara Bible (BSI)

⁹ Ina yangda leilakha, wungpamkhongbing haikhami thei, kala ringching kaje mi akhana awui pam rākhui; awui kashankachon horam thāda chara, awui kuisam sahah tharzā kahai thai; awui wungpam khamalinga meiwonna, chiwui kāngphei kachuiya meina.

DANIEL 7:9 Iomraidhean Croise

1 WUNGNAOBING 22:19

Micaiahna hānga, “Chiwui vang Prohowui tui nganālu: Prohona wungpamkhongli kapam ina thei, kala kazingramwui mi ashangva̱, saikorana uishong yāshong kuimareida khanganing chi thei;

2 THOTRINCHĀN 18:18

Micaiahna hānga, “Chiwui vang eina Prohowui tui nganālu: Prohona wungpamkhongli pamda kazingramwui ashangva̱ china awui yāshong uishong khanganing ina thei;

LAA 45:8

nawui wungsārila nganamkaphā myrrh, aloe kala cassia thungthunghai. Mafahā eina sākahai konungwui eina tingteilā huida nali mathān ngasaka;

LAA 90:2

Phungreibing masāshokranglakha, okathui kala apuk-apaga eina tangda masāranglakha, katang makhavaiwui eina katang makhavai vāpeida na Varena.

LAA 93:2

nawui wungpamkhong achālakhawui eina sakā kahaina, nava katang makhavaiwui einana.

ISAIAH 6:1

Awunga Uzziah thikum, juilak eina khāngchikat kahai wungpamkhong akhali Prohona kapam chi ina thei; kala awui katuma sārina khorumshim chi pema.

ISAIAH 9:6

Kaja, ithumli nao akha pharāmihaira, ithumli naomayara akha mihaira; kala shorkar ana phungra, kala awui ming, “Matakkhakkahai Machinme, Pangshapa Vare, Katangmakhavai Avāva̱, Chingrikahai Wungnao” da hora.

JEREMIAH 49:38

kala ina iwui wungpamkhong Elamli haihaida athumwui awunga, wungnaobing shimān ngasakra da Prohona hānga.

EZEKIEL 1:26

Athumwui kuishakli khalei sirāram chiwuitungli wungpamkhong khangamāna sapphire thāda thei; kala wungpamkhong khangamān chiwuitungli kapama chi mizak thai.

DANIEL 7:13

Ngayāshong mahākhami chili ina thei, kala yanglu, kazingramwui muiyāli ngasoda, miwui naomayara thāda akha kharā thei, kala ana Ringching kaje chiwuili rai, kala awui mangāli anganinga.

DANIEL 7:22

Ringching kajepa china rāda Chuimeikap kajewui katharabingwui vang bichar masamiranglakha kala katharabingna wungram chi masamphangranglakha eina tangda athumna yui.

MICAH 5:2

Kha na, O Bethlehem Ephrathah, Judahwui shang ngasākida kateowa, nawui eina iwui vang Israelli khamunga saki kaje akha shokra, awui haophok khavai chiya kharewuina, achālakhawui einana.

HABAKKUK 1:12

Na katang makhavaiwui eina maningthulā, O Proho iwui Vare, iwui Kathara? Ithum mathimara O Proho, nana athumli bichar sākhavai kapangsanghaira; Kala O Lunghār nana, rākkhavai athumli sakāhaira.

MATTHEW 17:2

Kala athumwui miktāli Jishu azak onhaowa: amai zimik thada horra kala awui kashankachonla kahor thada charshihai.

MATTHEW 28:3

Awui zakmai chi rikhān khangashei thai kala awui kashankachon chi horām kachar thai.

MARK 9:3

kala awui kachon hānshi eina charshihai kala okathuili kachon khangasa̱ minala chithada ngasa̱khuikapai maningmana.

OTSAK 2:30

A marān akhana kala awui wungpamkhongli awui naotun akha chipamra da Varena ngashitmi kahai chi ana thei.

OTSAK 2:33

Ara Varewui yāshong pamngasakta, ngashit kahai Manglā Kathara chi Avāva̱wui eina samphanga kala ithumwuitungli heirorkhami chi nathumna kathei kala kashā hina.

PHILIPPINAO 3:9

kala ali ngarumchaohaipai. Ain khamayonwui vang I khalattawui khamashung khangarong chi I maleiluimana. Ara ina khalei chiya shitkasangli pheisinda Varewui eina kharā, Khristali shitkasang manga eina khami khamashung khangarong china.

1 TIMOTHY 6:16

Makathe kala khipānakha marānganaikhararra kahora ramli kapāna chi a mānga. Ali khipānakha matheiranga, katheila matheirarmana. Khayākakā kala mashimānda khamung chi awui ngasāranu. Amen.

1 JOHN 1:5

Anaomayarawui eina shākakhui chānpao kala nathumli kahāng chi hina: kaja Vare hi kahorna, awuili tangkhamang maleimana.

PHONGKHAMI 1:14

Akui kala kuisam sahā thada kala horam thada charshihai, kala amik meiwon thai,

PHONGKHAMI 19:18

Awungabingwui, raimibingwui, pangshap khaleibingwui, sigui kala katongbingwui, mi saikora kaja rao kala shimva̱ kala kharei kateo huptawui asā rāshaiserlu!”

PHONGKHAMI 20:4

Chiwui thili wungpamkhong kachungkha ina thei, bichar sākhavai mayāmi kahaibingna chili pama. Varivarawui tuiwui vang kala Jishuwui kathar tuiwui vang akui rangtāmi kahaibing, sāyur chili kala awui ama̱li makhokharumbing, kala apāngli, akhaveili mahor makhanambingwui manglāla ina thei. Athumna ringluida Khristali ngasoda kum thingkha munga,

PHONGKHAMI 4:2

Kala chithākhaleoda I Manglā eina leihaowa, kala yanglu kazingramli wungpamkhong akha runghailaga wungpamkhong chili akhana pama,