DANIEL 7:25 - Kathara Bible (BSI)

²⁵ Ana Chuikhamataiawuitungli makhamayā tui matuira, kala Chuikhamataiawui katharabingli chotchāng ngasakra, kala atamla, ainla ngachei khavai ngarānra; kala atam akhashi, khanishi, kala tangkhaishi, athum awui pāngli horsangmira.

DANIEL 7:25 Iomraidhean Croise

ISAIAH 37:23

“'Na khipāli mana̱shihaira, kala khipāli temshihaira? Khipāwuitungli akhon chuihaira kala khipāwuitungli miktingda khayang? Israelwui Tharkhamathengpālilamā!

DANIEL 11:28

Kala ana ot kachungkha khuida aramli latungra, kha awui ningva kathara tuingashit chili mamayāchingmara. Awui sākhangai sāda awui ngaleili latungra.

DANIEL 12:7

Khamenga kachon ngavaida tara̱tungli khanganinga china yāpang eina uipang kazingram shong khāngkai, mashimānda kharinga chiwui ming singda, atam akha, atam khani kala atam tangkhai leifara da kahāng ina shai; kala katharabingwui pangshap sākazammichang kahaiwui thili ot saikora ungshungra.

DANIEL 2:21

Atam, zur-kan ana ngachei ngasaka, ana wungnaobingli khuishok khuizang sai; thangkhamabingli awor mi, kala theishingkakhuibingli kathem mi.

DANIEL 3:26

Chieina Nebuchadnezzarna meifa chiwui khāmongshong vānganaida hānga, “Shadrach, Meshach, Abednego, Reimataimeikap kaje Varewui raobing! shoklu, kala hili ralu!” Chieina Shadrach, Meshach, kala Abednego athumna meiwui eina shokrāsai.

DANIEL 4:17

Kakaso hi ra̱khayangpā chiwuina, kala kathara chiwui kakasona, kaja kharingabingna theikhuira chiya Reikhamataiya china miwui wungram munga kala awui mikhangai chili miya, kala ngazanmeikap kaje chili mungngasaka.”

DANIEL 4:2

Reimeikap kaje Varena ili chitheikhami khudam kala matakhak kahai chi nathumlila kachithei khamathā ot akhana da phaninga.

DANIEL 4:25

kaja miwui eina nali kashamhaida khararwui sāyurli ngasopamra; nali mukkā thāda khawo phāshai ngasakra, kala nali kazingramwui ikra̱na ya̱ngasakra, kala Reikhamataiya china mikumowui wungramli mungra kala ana mikhangai mi chili mira kaji nana matheikhuiranglakha eina tangda shini shida peingasakra.

DANIEL 4:32

nali mibingwui pamkhavai eina kashamhaora, kala nava khararwui ramsābingli ngasopamhaora; kala mukkā thāda kum shini khawo phāshai ngasakra; chieina mikumowui wungpam hi Reikhamataia ana mungda mikhangayili miya da matheiranglakha eina tangda shini shida vāfara.”

DANIEL 7:18

Kha wungram chi mashimānda mashimānla, katang mavaila athumwui sāra.”

DANIEL 7:20

kala akuili angaji tharā kakā, naoda akha kashok eina leikasā kathum tātung kahai, kala angajili amik kala akhamor kālaga tui kachungkha matuida khangateibingli hakmeikap kaji chiwui pongli ina theingailakhaowa.

DANIEL 7:8

Angaji chi ina machukta leilakha, yanglu, khangatei angaji kateo akha shonshokrāsai, chi kashok eina rida kākasa angachee kathum angayung eina sutshokhaowa; kala yanglu, angaji chili miwui amik thāda kai, kala khamorla kāda tui kachungkha matui.

DANIEL 8:11

Akhalatta pangshap chithei, ashangva̱wui Wungnao eina tangdalila kāshunga, kala machatlakla rikkatā kachigat chila awui eina khuithuihaowa, kala katharapam chila ana sāshimānmihaowa.

DANIEL 8:14

Chieina ana ali ngahānkai, “Ngathor ngazin thingkhani shākathum; chiwui thili kathara shim hi khangachāwui pamli khuisangluira.”

DANIEL 8:9

Athum ngachaili akhawui eina angaji kateona akha shoklaga haksang khangai haksangda azingshong, zingshoshong kala tekhamatei ram vāshunga.

DANIEL 9:27

Ana haptā akhawui vang kachungkhali mangacheikapai tuingashit khuira, kala haptā chiwui ngahunshing khavā eina athumwui pha̱kaphayā kala kachigat saikora khāmmihaora; chiwui mahutli Khorumshimwui chuimeikap kajeli khalei katharapam chili ningkakachai yangkakharing meoma̱ haihaora kala Varena mipa chiwui vang ngarān kahai athit chi marāranglakha eina tangda leiki jihaoda mi khipanakha makhorumpaithuda katharapam chi ramcho kahai thahaora.

HOSEA 7:16

Athumna Baalli ngareivai; athum sākashe malā thai, athumwui wungnaobing raighai eina pitāra, athumwui lāngkaso malewui vang. Hina Egypt ngaleili athumwui zeikakharui ngasāra.

2 THESSALONICANAO 2:3

Mi khipānakha nathumli khikhikhawui apong eina machipat ngasakalu. Kaja naomeikap kaji Ngakaikashi atam kala meifali vāki kaje Makaphā-Makhayā chi mashokranglakha eina tangda Zimiksho chi marāmara.

2 THESSALONICANAO 2:4

Ana, varena da kahobing kala khokharumwui otsak saikorali yetra kala ā khalatta saikora chiwuitungli chipamkhuira. Varewui khorumshimli eina tangda vāzanglaga Varena da kāpamra.

2 THESSALONICANAO 2:8

Chiwui thili Makaphā-Makhayāpa chi khipākhala kaji phongshokra kha Proho Jishuna kharā tharan awui khamor eina kashoka khaksuina ali suithathaora kala Prohona kharāwui kahān china ali shimānchao ngasakra.

PHONGKHAMI 12:14

Kha lamhāngli kum kathum yongung-yongvā khavai khalāngwui angachāng kahakva̱ khani preiva̱ chili mi, chiya dragon china mangaphan khavaina.

PHONGKHAMI 12:6

kala preiva̱ chi zimiksho thingkha shākhani hangtharukthang nganaomiki kaje Varena ngarānmi kahai lamhāngli yāmvāhaowa.

PHONGKHAMI 14:12

Varewui ningkhami khamayona kala Jishuli shitsangtit kaje katharabingna khāngshap khavai khangahotna.

PHONGKHAMI 16:6

Mibingna katharabing eina marānbingwui ashee heitai. Chieina ara athumli ashee mangkhavai nana mihaira. Athumna samphangkhangayi chi samkaphangna.”

PHONGKHAMI 17:6

sha̱naopava̱ chi kathara mibingwui ashee kala Jishuwui vang khamashung khangarong eina thimi kahaibingwui ashee mangda mariprei eina khalei ina thei. Ina ali kathei tharan I matakhakhaowa.

PHONGKHAMI 18:24

Kala marānbing eina katharabingwui ashee awuili leisai, okathuili shaothat kahaibing saikorawui asheela leisai.