DANIEL 7:18 - Kathara Bible (BSI)

¹⁸ Kha wungram chi mashimānda mashimānla, katang mavaila athumwui sāra.”

DANIEL 7:18 Iomraidhean Croise

LAA 45:16

Navā ngarāwui mahut nathumwui naongarāna shinra; nana athumli okathui saikorali wungnaobing sāngasakra.

LAA 49:14

Yao thāda athum Kathewui ramwui vang ngarān kahaina; Kathe china athumwui kahoma sāra; chikhurli ngatarda athum tāzangra, kala athumwui phasā shimānhaora; Kathewui ram chi athumwui shim ngasāra.

ISAIAH 14:2

Kala miyur kateina Israelnaobingli athumwui pamli ngasoungra, kala athumli rao mayarnao, rao sha̱nao sāda Prohowui ngaleili Israelwui shimkhurwui ngasāra, kala athumli tukkakhuibing chili athumna tukkhuira, kala athumli rekakharekabing chili athumna mungra.

DANIEL 7:14

Ali pangshap kala tekhamatei kala wungram mi, kaja miyur saikora, yur saikora kala, tuiyur saikora ali otram ngatha̱ khavai; awui pangshap katang makhavai pangshapna; chi kashimān kaho maleimara; kala awui wungram chiya sākashimān maleimara.

DANIEL 7:17

“Kahaka sāyur mati chi okathuili rāmungki kaji awunga matina.

DANIEL 7:22

Ringching kajepa china rāda Chuimeikap kajewui katharabingwui vang bichar masamiranglakha kala katharabingna wungram chi masamphangranglakha eina tangda athumna yui.

DANIEL 7:25

Ana Chuikhamataiawuitungli makhamayā tui matuira, kala Chuikhamataiawui katharabingli chotchāng ngasakra, kala atamla, ainla ngachei khavai ngarānra; kala atam akhashi, khanishi, kala tangkhaishi, athum awui pāngli horsangmira.

DANIEL 7:27

Kala wungramla kala pangshapla kala kazingram hupvawui azingli khalei khareia wungram, Chuikhamataiawui katharabingli mihaora; athumwui wungram katang mavaimara, kala pangshap saikorana athumwui otram ngatha̱ra kala kahāng nganāra.”

OBADIAH 1:17

Kha yāmkashokbing Zion kaphungli kazipra, kala hi kathara ngasāra; kala Jacobshi shimkhurna ashiwui shimlui khuipapamra.

LUKE 1:33

Jacobwui ara̱-azāli katang mavaila ana mungra kala awui wungpam katang mavaimara.”

1 CORINTHNAO 6:2

Shitkasangbingna okathuili bichar sāra kaji nathum matheimalā? Kala okathuili nathumna bichar sāra jiakha, khikha makhaninga tuinao chi mangazekkhuitheimalā?

EPHESIANAO 1:3

Ithumwui Proho Jishu Khristawui Vare kala Avāva̱li ningshisa! Kaja ithumna Khristali khangarumwui vang kazingram katha apuk-apaga hili ithumwuitungli manglāwui sokhami kachungkha heirormihaira.

EPHESIANAO 6:12

kaja ithumna mikumoli khangarar maningmana, kha kazingli khalei makathara manglābing, khamungabing, sāshap pangshapabing kala tangkhamang thotwui apuk-apagawui pangshapli khangararna.

PHONGKHAMI 20:4

Chiwui thili wungpamkhong kachungkha ina thei, bichar sākhavai mayāmi kahaibingna chili pama. Varivarawui tuiwui vang kala Jishuwui kathar tuiwui vang akui rangtāmi kahaibing, sāyur chili kala awui ama̱li makhokharumbing, kala apāngli, akhaveili mahor makhanambingwui manglāla ina thei. Athumna ringluida Khristali ngasoda kum thingkha munga,

PHONGKHAMI 22:5

Khangayā mavailuimara, thaomeiwui kala zimikwui kahor masāvailuimara kaja Proho Varena athumwui kahor sāra; kala athumna mashimānda mungra.

PHONGKHAMI 3:21

Ina khayui samphangda Ishāvāli ngasoda awui wungpamkhongli ngasokapam thada khayuiyapā chili iwui wungpamkhongli ili ngasopam khavai ina mayāmira.

PHONGKHAMI 5:10

Vareli otram ngatha̱ khavai nana athumli pāngmonbingwui wungram akha semmi, kala athumna okathui hi mungra.”