DANIEL 7:13 - Kathara Bible (BSI)

¹³ Ngayāshong mahākhami chili ina thei, kala yanglu, kazingramwui muiyāli ngasoda, miwui naomayara thāda akha kharā thei, kala ana Ringching kaje chiwuili rai, kala awui mangāli anganinga.

DANIEL 7:13 Iomraidhean Croise

LAA 110:2

Zionwui eina Prohona nawui pangshapwui khānthing chihorai. Nawui yangkashebingwui alungli munglu!

LAA 2:8

Ili polu, chieina yur saikora ina nawui shimluikat sāngasakra; kala okathui vākatangbing nawui ngasā ngasakra.

LAA 47:5

Khamathānkhon alungli Vare kāhaira, talla̱khon eina ngasoda Proho kāhaira.

JEREMIAH 49:19

Yanglu, khangazipa yaoshimli Jordan ngahongwui eina kazingkha̱ kashok thāda, ina athumli awui eina kashuirak eina yāmngasakhaora, kala ali mungkhavai ina khuikhangai mi akha kapangsangra. Kaja I kathā khipā leikhala? Ili yaokahoma khipāna ngasungshaprakhala?

EZEKIEL 1:26

Athumwui kuishakli khalei sirāram chiwuitungli wungpamkhong khangamāna sapphire thāda thei; kala wungpamkhong khangamān chiwuitungli kapama chi mizak thai.

DANIEL 2:44

Chitharan atungshongwui Varena khangazipa wungram akha sākara, kala chiwui sākashap vākashap pangshap chi yur khangateili mahorsangmimara. China wungram saikora sākathānhaora, kala chiya leichingra;

DANIEL 7:12

Sā kateibing chi athumwui pangshap khuithuihaowa, kha atam kasha̱khawui vang mathi khavai mayāmi.

DANIEL 7:2

Ngayāshong mangshongli ina khamahā akha athei, kala yanglu, kazingram achikun matiwui masina kahaka shamadruli phankazama.

DANIEL 7:22

Ringching kajepa china rāda Chuimeikap kajewui katharabingwui vang bichar masamiranglakha kala katharabingna wungram chi masamphangranglakha eina tangda athumna yui.

DANIEL 7:9

Ina yangda leilakha, wungpamkhongbing haikhami thei, kala ringching kaje mi akhana awui pam rākhui; awui kashankachon horam thāda chara, awui kuisam sahah tharzā kahai thai; awui wungpam khamalinga meiwonna, chiwui kāngphei kachuiya meina.

DANIEL 8:15

Daniel ina khamahā chi kathei tharan, khiwui kakhalatkhala da theishingkhui khavai sai; kala yanglu, mi tākam eina iwui mangāli akha nganingsai.

MATTHEW 13:41

Mibingli morei kala makaphā makhayā sakhangasaka athumli wungramwui ayarli kazipkhui khavai miwui Naomayarana awui kazingraobing shivātra,

MATTHEW 24:30

chiwui thili kazingramli miwui Naomayarawui machut chi theira; kala okathuili khalei miyur saikorana chapra, kala miwui Naomayarana pangshap kala tekmateilak eina muiyātungli tongda kharā theira;

MATTHEW 25:31

“Miwui naomayarana awui tekhamatei eina kazingraobingli ngasoda kharā tharan, Ishameina awui tekhamatei wungpamkhongli pamra.

MATTHEW 26:64

Jishuna ali ngahānkai, “Chi nana hānghaira. Kha kachangkhat eina ina nathum saikorali kahāngna, aruiwui eina thuilaga miwui Naomayarana Sāshapawui yāshong kapam kala muiyātungli tongda kharā nathumna theira!”

MATTHEW 28:18

Kala Jishuna athumli vānganaimeida hānga, “Kazingram eina okathuili khalei pangshap saikora ili mihaira.

MATTHEW 8:20

Chieina Jishuna ali hānga, “Ramfawui akhurla lei, khamasaili yongkazata vānaobingwui athipla lei, kha miwui Naomyarawui ngayaizangda ngasāmkhui khavai apam akhala maleimana.”

MARK 13:26

Chiwui thili miwui Naomayarana hakkhamahā pangshap kala tekhamatei eina ngasoda muiyālungli kharā nathumna theira.

LUKE 21:27

Chiwui thili athumna miwui Naomayarana hakkhamahā pangshap kala tekhamatei eina ngasoda muiyā tongda kharā theira.

LUKE 21:36

Kha atam kachida ningngasharlu kaja rashokki kaji ot saikora hiwui eina yāmshokshap khavai kala miwui Naomayarawui mangāli nganingshap khavai seihā sāchinglu.”

LUKE 24:27

Moseswui eina thuilaga marān saikorana awui maramli kapihaikasā katonga chi Jishuna anili khalatmisera.

JOHN 12:34

Yaruina ngahānluishita, “Ithumwui ainli Khrista mathilakmara da hanghai. Kathada miwui Naomayarali khangkāra da hāngpaira? Miwui Naomayara hi khipākhala?”

JOHN 3:13

Kazingramwui eina katā miwui Naomayara chi maningla khipākha kazingram kākahai maleimana.”

JOHN 5:27

kala bichar sākhavai ali pangshap mihaira, kachiwui vangkhala kaja a miwui Naomayarana.

OTSAK 7:56

ana hānga, “Yanglu, kazingram shohaida miwui Naomayarana Varewui yāshong nganingda khalei ina thei.”

1 THESSALONICANAO 4:17

Chiwui thili ringda khaleibing ithumla athumli ngasoda muiyālungli Proholi ngarok khavai kazingli khuikārumra.

1 TIMOTHY 6:16

Makathe kala khipānakha marānganaikhararra kahora ramli kapāna chi a mānga. Ali khipānakha matheiranga, katheila matheirarmana. Khayākakā kala mashimānda khamung chi awui ngasāranu. Amen.

HEBREWNAO 2:14

Chieina naoshinaobing chi phasā khavaia kala ashee kazanga mi sāhaoda Jishula athum thāpapama. Kaja ana thikhami mangā eina kathiwui pangshap kasinga chipee chili shimān ngasaka.

HEBREWNAO 9:24

Kaja akachangwui amahā kasā mikumona sākakhui Kathara Pam chili Khrista mazangmana, kha kazingramli zangda Varewui mangāli ithumwui vang nganingmida lei.

PHONGKHAMI 1:13

Thaomeishong chiwui ngachaili miwui naomayara thada, kachon akha phei tumda khangava, kala sināwui shānneira̱ eina mathikli neikahai akha thei.

PHONGKHAMI 1:18

kala kharing chi Ina; I thihailaga, yanglu ara mashimānda ringdalei kala Kathi eina Kazeiramwui pangshap lei.

PHONGKHAMI 1:7

Yanglu, ana muiyā tongda rārāli, mi kachiva̱na ali theira; ali kharungbingla theira; kala awui vang okathui miyur saikorana chapngachāra. Chitharanu, Amen.

PHONGKHAMI 14:14

Chiwui thili ina muiyā kachara akha thei, kala muiyātungli miwui Naomayara thada akha pama. Akuili sinā kuihon ngahona, kala kazanna chāngkui akha singa.