DANIEL 7:11 - Kathara Bible (BSI)

¹¹ Angaji china panglāk eina khamatui chi shāda ina yangvai. Ina yangkhavā eina, sā chili shaothatlaga sākazamkhuilaga mei eina riktā khavai mihaowa.

DANIEL 7:11 Iomraidhean Croise

DANIEL 11:45

Kala ana awui kachonshim shamadru eina kathara kaphungwui ngachaili sākāra; kha chithālala awui khangachang atam rāra, ngachonmi khavai khipākha maleisāmara.”

DANIEL 7:12

Sā kateibing chi athumwui pangshap khuithuihaowa, kha atam kasha̱khawui vang mathi khavai mayāmi.

DANIEL 7:8

Angaji chi ina machukta leilakha, yanglu, khangatei angaji kateo akha shonshokrāsai, chi kashok eina rida kākasa angachee kathum angayung eina sutshokhaowa; kala yanglu, angaji chili miwui amik thāda kai, kala khamorla kāda tui kachungkha matui.

DANIEL 8:25

Awui thangkhamei awor china mikhanam mataisangra, a khalattawui ningli haklakada phaningra. Kashuirak eina kachungkhali shaothatra; kala wungnaobingwui Wungnao eina tangdalila mamayāmara; kha ali mipāng makhaningna sāshimānra.

2 THESSALONICANAO 2:8

Chiwui thili Makaphā-Makhayāpa chi khipākhala kaji phongshokra kha Proho Jishuna kharā tharan awui khamor eina kashoka khaksuina ali suithathaora kala Prohona kharāwui kahān china ali shimānchao ngasakra.

2 PETER 2:18

Athumna mangkhama̱wui lāngsot tui tham-tham matuida moreiwui eina yāmshoknanaida khalei athumli phasāwui khamathang eina suiya.

JUDE 1:16

Mibing hina chānkhalop eina kateili phenphāphai, kachorkashe, malungkachāng, katho-kachir makhavai kala tongzā khavai mili sotkhamasaoli akachanga sai.

PHONGKHAMI 18:8

Awui kasaka tandi thangkhawui alungli rāra; sākazāt chapkhangchā kala zāt kasak rāra, ali meina chuithathaora; kaja ali bichar kasaa Proho Varivara chi Pangshap sāshapana”.

PHONGKHAMI 19:20

Sāyur chili kala ali ngasoda minama marān, awui mangāli matakhak kahai ot sāda sāyur chiwui mahor namkahai kala awui ama̱li khokharumbingli minamkakhuiya chili tuknarhaowa. Ani khanili meiri eina chuida khalei meiwui ngayili kharing eina horsanghaowa.

PHONGKHAMI 20:10

athumli mikhanama chipee chili rida sāyur eina minama marānli horsang kahai meiri eina kachuia meiwui ngayili horsanghaowa kala athumli chili ngashun ngayā katang mavaila rekharekra.

PHONGKHAMI 20:12

Kathebing khareila kateola wungpamkong mangāli khanganing kala lairikbing harkahai chi ina thei. Khangatei lairik akhala harluihaowa, chiya kharingawui lairikna. Lairik hili kapi kahai tākam eina kathebingli athum kachichāna sākahai athishurda bichar sai.

PHONGKHAMI 20:4

Chiwui thili wungpamkhong kachungkha ina thei, bichar sākhavai mayāmi kahaibingna chili pama. Varivarawui tuiwui vang kala Jishuwui kathar tuiwui vang akui rangtāmi kahaibing, sāyur chili kala awui ama̱li makhokharumbing, kala apāngli, akhaveili mahor makhanambingwui manglāla ina thei. Athumna ringluida Khristali ngasoda kum thingkha munga,