DANIEL 7:10 - Kathara Bible (BSI)

¹⁰ Awui ngalemwui eina meiwui kong akha longshoka; thing-thingna ali otram ngatha̱mi, thingtharā shidawui thingtharāna awui mangāli nganinga: chiwui thili bichar sāphoka, kala lairikla hārserhai.

DANIEL 7:10 Iomraidhean Croise

1 WUNGNAOBING 22:19

Micaiahna hānga, “Chiwui vang Prohowui tui nganālu: Prohona wungpamkhongli kapam ina thei, kala kazingramwui mi ashangva̱, saikorana uishong yāshong kuimareida khanganing chi thei;

2 THOTRINCHĀN 18:18

Micaiahna hānga, “Chiwui vang eina Prohowui tui nganālu: Prohona wungpamkhongli pamda kazingramwui ashangva̱ china awui yāshong uishong khanganing ina thei;

JOBWUI LAIRIK 25:3

Awui raimi mashing shānshapla? Khipāwuitungli awui kahor mashokmimakhala?

LAA 103:21

Awui mi hupta Proholi solu, awui kaphaning sāda otram khangathabing!

LAA 18:8

Anātangkhurwui eina meikhut shoka, akhamorwui eina meiwon shoka, malingting kahai meithā awui eina hānshoka.

LAA 50:3

Ithumwui Varena rāda kasaikha mapamana, awui mangāli chuikakachupa mei lei, ali kuimareida siphan zingrot lei.

LAA 68:17

Pangshapa siguigarili ngasoda, thingtharā khanishida thingthingwuitungli thingthing, Prohona Sinaiwui eina katharapamli rai.

ISAIAH 30:27

Yanglu, Prohowui aming katāva̱ eina rāra, ngapuirut kahai meikhut kashok thāda lungvāt eina; awui morchaili sākashina pemda amale khamaringa mei thai;

ISAIAH 30:33

Kaja riktā khavai apam akha ngarānhaidalei; mha, awungawui vang kathuka kala khamashā meifa akha, meilā thingla sorngasaida ngarānhaidalei; Prohowui khakkhā china mei thāda thotkāra.

DANIEL 12:1

“Atam chitharan nawui mibingli yangkhame khareia wungnao Michael rārāsāra. Kala kachotkachāng atam rāra, yur leikaphok eina thuida atam chi eina tangda, chikathā mashoklakranga. Kha lairikli aming kazanga nawui mibing kachivali kanmira:

DANIEL 7:22

Ringching kajepa china rāda Chuimeikap kajewui katharabingwui vang bichar masamiranglakha kala katharabingna wungram chi masamphangranglakha eina tangda athumna yui.

DANIEL 7:26

Kha kārot kāda bichar sāthang awui pangshap khuithuihaora, mutchaohaora kala kakup eina tangda sāshimānhaora.

ZECHARIAH 14:5

Nathumna phungrei khani sāda ngakai khavai tampāk eina yāmshokra; nathumna navā ngarāna Judahwui awunga Uzziahwui thotli neina̱ kakhanukli khayām thāda yāmra. Chiwui thili Proho nawui Vare rāra, kala katharabing ali ngasoda rāra.

MATTHEW 25:31

“Miwui naomayarana awui tekhamatei eina kazingraobingli ngasoda kharā tharan, Ishameina awui tekhamatei wungpamkhongli pamra.

KHALATLUI 33:2

Prohona Sinai eina tai, kala Seirwui eina ithumli chitheirikapa; Paran Kaphungwui eina kahor kāptāmi, kathara thingtharāli ngasoda rai, awui yāpāngli kahora mei eina ngasoda.

HEBREWNAO 1:14

Athum hi kahui samphangki kaje athumli otram ngatha̱mi khavai chihorā kahai sheba sāme manglābing maningmala? Kala huimiki kajibingli ngachonmi khavai chihokharā manglā maningmala?

HEBREWNAO 12:22

Kha nathumna Zion kaphungli kala kharinga Varewui keinung, kazingramwui Jerusalemli, kazingrao thingthingna lumlaoda kakazip,

JUDE 1:14

Adamwui naothot kashine Enochna athumwui pongli rida marānhaikasā chiya: “Yanglu, Prohona, kathara kazingrao thingthingli ngasoda rāra.”

PHONGKHAMI 11:18

Miyur khangateibingna malungvāta, kha nawui malungkhavāt rāhaira; kathebingli bichar sākhavai, narao paokazatbing, katharabingli, namingli khangacheebing, kharei kateoli sāman mikhavai kala okathuili sākakhaibingli sākazamki kaji atam rāhaira.”

PHONGKHAMI 5:11

Ina yangvāluishit kaji eina kazingrao thingthing thingnamwui akhon shai! Athum kharinga sāyur mati kala ararbing chi wungpamkhong chili kuimareida nganinga,