DANIEL 7:1 - Kathara Bible (BSI)

¹ Babylonwui awunga Belshazzarna mungkhare kum, Danielna pilakha mang akha shimana. Mang chi ana kapikhui, kala chiwui kasha̱a ara̱tui ana hāngmi.

DANIEL 7:1 Iomraidhean Croise

HAOKAPHOK 15:1

Hiwui thili Abramli Prohowui tui chi rāmahāmida hānga, “Mangacheealu Abram, I nawui chāngveina; nawui sāman chungmatailakra.”

HAOKAPHOK 46:2

Kala chithang ngayā mangshongli Varena ali rāsamphangda hānga, “Jacob, Jacob.” Ana ngahānkai, “I hili leili.”

JOBWUI LAIRIK 4:13

Mina piphup kahai tharan, ngayāshongwui rākhamahā machuklakha,

ISAIAH 30:8

Ara athumwui mangāli lungphek akhali kapisanglu; kala lairikli kapihailu, naodawui vang china katang makhavai shākhi sāpaira.

ISAIAH 8:1

Prohona ili hānga, “Kapisang khavai kahaka lungphek akha khuilaga chiwuitungli saikorana kathei ‘Maher-shalal-hashbaz wui’ mayek eina kapilu.”

JEREMIAH 23:28

Mang kashimana marān china mang chi hāngranu, kha iwui tui kashāpa china iwui tui peichaoda hāngmiranu. Mā eina lanji ngaraikachā khi leikhala? da Prohona hānga.

JEREMIAH 27:7

Miyur saikorana ali, anaomayarali, ara̱li, awui ngaleiwui atam maungranglakha eina tangda otram ngatha̱mira; chiwui thili miyur kachungkhana kala kahaka awungabingna ali athumwui raonao sāngasakra.

JEREMIAH 36:32

Chieina Jeremiahna lairik akhalui khangatei akha khuilaga Neriahwui naomayara Baruch kapimeli kharewui Judah awunga Jehoiakimna meili riktā kahai tākam eina hāngtāmimamānlaga tui saikora chi kapikhui ngasaka; kala ngaraichānanai kaji tui kachungkhala ngarumsanga.

JEREMIAH 36:4

Chieina Neriahwui naomayara Baruchli Jeremiahna hokhui, kala ali Prohona kahāng tui saikora chi Jeremiahna Baruchli hāngtāmilaga kapikhui ngasaksera.

EZEKIEL 1:1

Kathumra kākashung kum, khamate kachang chiwui zimiksho kaphangāthang, raithā kahaibingli ngasoda ina Chebar kong ngalemli leilakha, kazingram khāmong shohaida, Varena mahākhami ina thei.

EZEKIEL 40:2

kala ili Varewui mahākhamili Israel ngaleili khuivāda kaphung kajuiva̱ akhali achipama, chili keinung kathā akha ili kāroda thei.

DANIEL 1:17

Athum mayar mati chili Varena lairik kathemla aworla kachungkha ngarumsangmi; kala Danielna mang kala khamahā saikora theishingkhuikashap lei.

DANIEL 2:1

Nebuchadnezzarna mungda kakhane kum, mang akha shimana, kala ningrākhaida mapivāpaithuwa.

DANIEL 2:26

Awungana Belteshazzar kaho Danielli hānga, “Ili kashimān mang kala chiwui kakhalat nana hāngmishaprala?”

DANIEL 4:13

“Ina pida leilakha mangshongli, khamayona, kathara mi akha kazing eina katā thei.

DANIEL 4:5

Ina pilakha mang akha shimana, kala mang china ili ngachee ngasaka; kala khamahā chi theilaga malung tātung ngasaka.

DANIEL 5:1

Belshazzar awungana zātkhān kahakva akha sāda wungnao thingthingli ngasoda phāshak phāzai.

DANIEL 5:22

“Kha awui naomayara Belshazzar, nanala hi thatheilaga naning mahamsangmana;

DANIEL 5:30

Chithang ngayā ngalāngda Chaldeawui awunga Belshazzarli shaothathaowa.

DANIEL 7:13

Ngayāshong mahākhami chili ina thei, kala yanglu, kazingramwui muiyāli ngasoda, miwui naomayara thāda akha kharā thei, kala ana Ringching kaje chiwuili rai, kala awui mangāli anganinga.

DANIEL 7:15

Daniel iwui vanga, mang chi theilaga ning chipālakhaowa, kala khi shoknikhala da ningkhariklaka.

DANIEL 7:7

Chiwui thili ngayāshong iwui mangli khamate sā chi thei, kapang hāngkhavai makhalei azak yanglaga khangachee-khangachā sāna, ahāla marihā kai, chieina shailaga katatai chi naikazama. Khare sābingwui eina ngateihanghai, angaji tharā kai.

DANIEL 8:1

Belshazzar awungana mungda kakathuma kum, Daniel ili, kharewui mang thāda rāmahāluishita.

JOEL 2:28

“Kala naoda hithāda shokra, chiya, phasā khavai kachiva̱li iwui manglā heirormira. Nanaomayara, nanao ngalāva̱ ngarāna marānra, khararnaobingna mang machutra, kala yaronnaobingna khamahā theira.

AMOS 3:7

Kachangkhat awui rao marānbingli maphongmila, Proho VAREna khikha masālakmana.

HABAKKUK 2:2

Kala Prohona ili ngahānkai: “Mahākhami chi kapikhuilu; lungphekli tharzā eina kapilu, chieina kapābingna tharzā eina pākhuipaira.

MISHĀN 12:6

Ana hānga, “Iwui tuibing nganālu: nathumwui alungli marānkhame leiakha Proho I khalattana ali mahāmi kala ina mang eina ngazeka.

ROMNAO 15:4

Achālakha kapi kahai chi ithumli hāngmachin khavaina, kaja ithumna nganingtitta kala kathara tuina kasatkasang athishurda kachihān leikhavaina.

2 CORINTHNAO 12:1

Lāngkasona tongkazā maleilala ina lāngsora. Kha ara Prohona khami mahākhami kala phongkhamiwui pongli ina hāngra.

PHONGKHAMI 1:19

Chiwui vang eina nana theikahai, theida khalei kala naoda rākikaji otbing chi kapikhuilu.

PHONGKHAMI 10:4

Kazing khangashumna hāngkhaleoda, ina kapikida sai. Kha kazingramwui eina akhon akha hithada hāngkharā ina shai, “Kazing khangashum shinina kahāng chi thumtithaisālu, makapikhuialu.”