Biblia Todo Logo
Bìoball air-loidhne

- Sanasan -




DANIEL 6:7 - Kathara Bible (BSI)

7 Zimiksho thumrāthang, awunga nali maningla kachikathana vare khangateibing lah mi khangateili ngakaoakha kazingkha̱khurli horsangra kaji hukum akha sāmiranu da khayaiwobing, satrapbing, machinmebing, kala lammungabing ithum saikorana mayāngarokhaira.

Faic an caibideil Dèan lethbhreac




DANIEL 6:7
25 Iomraidhean Croise  

Kazingkha̱na awui ngathum khavaipamli ngathumda rimkapam thāda, ana khangazanali tukkhui khavai ngathumpama, ana awui khalenli kashamsanglaga ana khangazanali tukkhui.


Okathuiwui awungabingna athum khalatta chipama, kala ngalei khamungbingna tui ruma, Proho eina awui thao neomi kahaiali mamayāla hānga,


Kaja yanglu, athumna imanglā khuikida rimda lei; sākashe mibing athum khalatta ngarumda ili ngasunga. O Proho, iwui khayonkhamāngwui vangla maning, moreiwui vangla maning,


Na, ashangva̱wui Vare Prohona, Israelwui Varena. Miyur saikorali tandi mikhavai thuimilu; makaphā sāki kajebing akhala mataihaialu.


Awui khangampamwui eina ngakhuntā khavaimāng athumna ngarāna. Khangui otsakli athumna ringphai. Athumna khamor eina somi kha alungshong athumna khonshiya.


Mha, athum mijang khoma; nawuitungli mamayāla tuingashit sai—


Makaphā khamungabingna makhamashung ain sākakhui chili nana sakrumpairala?


Chieina Chaldeanaobingna hānga, “O awunga, okpeimeiranu! Nawui mang chi naraobingli kahāngmilu, chithākha ithumna kakhalat hāngmira.”


makhokharumpa chili meifali horsangra da awungana hukhum mihaira.


Chiwui thili Awunga Nebuchadnezzarna satrapbing, kathānabing, khangam-khareibing, machinmebing, lansebing, bicharwobing kala leikhai chiwui otvabing saikorali meoma̱ chiwui dharkatli rākhavai hokazemkhuilu da awungana kasoi.


Kala satrapbing, kathanabing, lammungabing, kala awungawui machinmebing, kaziplaga khayang tharan, athumwui phasāli meina machuihaisālak mana, sam eina tangda mangaluimana, kashankachonla machuimana kala meihi eina tangda manganamana.


kala kachikathā ngakhumshāmsangda makhokharumpale meifa shātrung kahai chili ngalāngda horsanghaora.”


Chiwui thili awungana kasoda Danielli kazingkha̱khurli horsanghaowa. Awungana Danielli hānga, “Nana thangkachida kaphaninga nawui Varena kanmiranu.”


Iwui Varena awui kazingrao chihotāda kazingkha̱ khamor sāphinmihaida ili khikha mathāmana; khikhalajila, Varewui mangāli iwui khalāng khikha maleisāmana, kala O awunga, nawui mangālila ina khikha khalāng masāhailakmana.”


O iwui mibing, Moabwui awunga Balakna khiwor sākhala kaji; kala Beorwui naomayara Balaamna ali khi ngahānkā; kala Shittimwui eina Gilgal khavāli khi shokkhala kaji phaningunglu; chieina nathumna Prohowui huikhami otsak chi theipaira.”


Kazingkha̱na anaongarāwui vang shapkha tukmihaira, kala kazingkha̱va̱wui vang kachungkha shimetthatmihaira; ana awui akhur chi sāshaina chipema, awui shim asāna pema.


Kha Phariseebingna chiwui eina shokta kathada Jishuli sāshimānhaosikhala da ngasana.


kala Jishuli ngathum sāda tukkhuilaga shaothat khavai khangarān sai.


Pāngmon akhokabingna kazing thangkhaleoda ararbing, ain kathemabing kala hangva̱naobingli ngasoda tui ngacham ngaroka. Athumna Jishuli khalaplaga shimenphungda Pilateli vamisanghaowa.


Chieina pāngmon akhokabingna Lazaruslila shaothat khavai khangarān sai;


Lean sinn:

Sanasan


Sanasan