DANIEL 6:2 - Kathara Bible (BSI)

² kala chiwuitungli yangmi khavai khayaiwo kathum phāsanga, chiwui ngachaili Daniel akhana; athumli satrapbingna kashi-kaphā ngasanchinga.

DANIEL 6:2 Iomraidhean Croise

EZRA 4:22

Atam mashimān ngasakalu, awungali saza̱ khavai khisāda hitha ngasakrakhala?”

ESTHER 7:4

Kaja ithumli yorsanghaira, I kala iwui yurli, shimān ngasak khavai, sāthat khavai, kala yaitupthat khavai ngarānhaira. Ithumli rao mayarnao, sha̱nao, sākhavai yorsangsi kaje, ina chingri mahaimara; kaja ithumwui kachotkachāng chi awungawui kashimānli chāng matampaimana.”

CHĀNSAM 26:6

Mangkhama̱a akhali pao kachiphun khalatta phei katathaida khangashao samphang khavaina.

CHĀNSAM 3:16

Okkapei awui yāpāngli lei, kala awui uishong kashāng eina khayākakā lei.

DANIEL 5:16

Kha nana kakhalat hāngmishapa kala kasak kapai chi nana phākhuimishapa da ina shai. Chieina ara nana ili kapikahai hiwui kakhalat hāngmishapakha, nali hungrisi kahai khamenga kachon ngavaimida sināchā nawui kahungli ngachāmira, kala iwui wungramli nana akhavā kakathuma sāra.”

DANIEL 5:29

Chieina Belshazzarna kasoda Danielli hungrisi khamenga kachon ngavaimi, kala sināchā akha akahungli ngachāmi; kala awui pongli Babylon ngaleiwui khamunga kakathumana da chishāta.

DANIEL 5:7

Awungana laivā kathembing, Chaldeanaobing kala kachāng sirāli machukkatheibing thākta ahokhuilu da vaowa. Kala awungana Babylonwui thangkhamabingli, “Kapi kahai hi pākatheia kala chiwui kakhalat hāngmishapa chili hungrisi kaji khamenga kachon ngavaimira, akahungli sināchā ngachāmira, kala wungramli kakathuma khamunga akhavā sāngasakra.” da hānga.

DANIEL 6:1

Wungram katonga chi yangkhavai Dariusna satrap shākha maga̱ kapangsanga;

MATTHEW 18:23

Chiwui vang eina kazing wungram hiya awunga akhana awui raobingwui hishap tharkhuikhangai chili ngaheopai.

LUKE 16:2

Chieina ana lansina chili hokhuida ngahāna, ‘Nawuitungli kaphen hi khikhala? Nawui lansin saikorawui hishap khuirālu, kaja na aja eina thuilaga lansina masāluipaimara.’

1 CORINTHNAO 4:2

Hikathā otram khangatha̱bingva akhavāwui shitsangkapaibing ngasāphalungra.

1 SAMUEL 2:30

Chiwui vang Israelwui Vare Prohona hangdalei: Nawui shimkhur kala navāwui shimkhurna iwui mangāli katang mavaila kashok-kazang yangmichingra da ina ngashithairasai; kha ara Prohona hānghaira: Chi iwui eina katāva̱li leiranu; kaja ili khayākashi mili inala maiyā ngasakra; ili khayākashi mi chili inala khayā shira, ili ningkakachaiya saikorali ina khonshira.