DANIEL 6:16 - Kathara Bible (BSI)

¹⁶ Chiwui thili awungana kasoda Danielli kazingkha̱khurli horsanghaowa. Awungana Danielli hānga, “Nana thangkachida kaphaninga nawui Varena kanmiranu.”

DANIEL 6:16 Iomraidhean Croise

2 SAMUEL 3:39

Thao neomihaida awunga sanglala aja I ngazanda lei. Zeruiahwui naomayarabing hi iwui vang pangnahaowa. Makaphā kasāpali awui makaphā athishurda Prohona athut khuinaora.”

JOBWUI LAIRIK 5:19

Kachot kachāng tharukwui eina ana nali huimira, kashineli makaphāna masāza̱mara.

CHĀNSAM 29:25

Miwui khangacheena khalen sanga, kha Proholi khangachee mi khikha mathāmana.

ISAIAH 41:10

mangacheealu, ina ngasomida lei, kaphaning masuitālu, kaja I nawui Varena; ina nali yāng ngarumsangmira, ina nali ngachonmira, ina nali iwui khayuia yāpang eina kanmira.

ISAIAH 43:2

Nana tara̱lungli zatlala ina ngasomira, kongli kānlala makheithuimara; meitungli zatlala machuimara, meiwonna machuitārarmara.

JEREMIAH 26:14

Kha iwui vang, yanglu, I nathumwui pāngli khaleina. Nathumna kaphā kala khamashung chi sālu.

JEREMIAH 38:5

Awunga Zedekiahna hānga, “Yanglu, a nathumwui pāngli khaleina kaja awungana nathumli makhamayā khikha masārarmana.”

JEREMIAH 38:6

Chieina athumna Jeremiahli khuilaga awungawui naomayara Malchiahwui paibung mayon khavai yāngkhupli khalei chili horsanghaowa, paibung chili Jeremiahli seipeng eina hoklaga chihosanghaowa. Paibungli tara̱ mazangsāmana, kha leivatmāng leisai, kala Jeremiah leivatlungli ngaphumhaowa.

JEREMIAH 39:17

Kha ina nali chithang kanmira, nana khangacheea athumwui pāngli mahorsangmimara da hānga.

DANIEL 3:15

Ara, talla̱, sipa̱, lyre, trigon, tingteilā, bagpipe, kala khangatei akhon shākhaleoda ina sākahai mima̱li ngakhumshām eina khorumra jiakha phai; maningakha arui ngalāngda meifali horsanghaora, nathumli iwui pāng eina huimiki kaji vare chi khipākhala?”

DANIEL 3:17

Chithasalala, ithumna otram khangatha̱a Varena khamalinga meifawui eina ithumli kanmishapa, O awunga, napāngwui eina ana ithumli kanmira.

DANIEL 3:28

Nebuchadnezzarna hānga, “Shadrach, Meshach kala Abednegowui Vareli tekmateiranu! Athumwui Vare maningla vare khangateili khorumki kajiwui vang phasā chigat kahai mibingli kazingrao chihotāda, awui raobingli huikhame Vare chi tekmateiranu!

DANIEL 6:20

Danielli horsang khavai kazingkha̱khurli vāshung khaleoda malungringlak eina Danielli avaowa, “O Daniel, kharinga Varewui rao, nana thangkachida kaphaninga nawui Varena kazingkha̱ khamorwui eina mahuimikhala?”

DANIEL 6:7

Zimiksho thumrāthang, awunga nali maningla kachikathana vare khangateibing lah mi khangateili ngakaoakha kazingkha̱khurli horsangra kaji hukum akha sāmiranu da khayaiwobing, satrapbing, machinmebing, kala lammungabing ithum saikorana mayāngarokhaira.

OTSAK 24:27

Kha kum khaniwui thili Felixwui mahut Porcius Festusna shinhaowa kala Felixna Jihudibingwui masot khuingaihaoda Paulli phātopli haihaowa.

OTSAK 25:11

Ina ain sakhaihaida thikhangayi shongrān leiakha ina chiwui eina yāmkhavai mapolakmana; kha iwuitungli khuikharā kaphen chili khamashung mazangmana jiakha, khipānakha ili athumwui pāngli mamipaimara. Ina Caesarli khangakaona.”

OTSAK 25:9

Kha Festusna Jihudibingwui ningyāng ungkhavai Paulli ngahāna, “Jerusalemli shanglaga nali phenda khalei chi chili iwui mangāli bichar sākhavai ningchāngla?”

ROMNAO 13:3

Kaja kaphā kasābingna khamungbingli ngachee khavai maleimana, kha makaphā kasābingna khangacheena. Pangshap kasinga chili mangachee ngayimala? Chithākha kaphā ot sālu, ana nali sora.

2 CORINTHNAO 1:10

Chiyakha ka̱lākashiwui eina ana kanshokmi, ana kanmiluira kala ana kanmichingra kaji ithumna chihāntitta lei.