DANIEL 6:10 - Kathara Bible (BSI)

¹⁰ Kakaso shoi sāhaira kaji theilaga Danielna awui shim mathāng atoli kāda, Jerusalemshong khalei charfa ngalemli khuktida Vareli ningkashi eina thangkhali kathumshida khangachā makailakla seihā sāchinga.

DANIEL 6:10 Iomraidhean Croise

1 WUNGNAOBING 8:30

Narao kala nawui Israel mibingna apam hishong ngareirālaga kapo chitharan kashāmilu; nawui somkhavai pam kazingramli kashāmilu; kala nana kashā tharan kapheomilu.

1 WUNGNAOBING 8:38

kashoshokwui vang seihā kasā kala kapo, mi akha kala Israel saikorana nilala ichichāwui ningkachot chitheida, shim hili ngareiunglaga pāng khāngkāda nali kapo chi;

1 WUNGNAOBING 8:44

“Nana vālu kaji pamli nawui mibingna athumwui yangkashebingli rai akhangarar tharan, kala nana kapangkhuida namingwui vang ina sākahai shim khalei keinungshongli athumna ngareiungda Proholi seihā saakha,

1 WUNGNAOBING 8:54

Solomonna Prohowui hanphutwui ngalemli khuktida pāng khānglaga Proholi seihā sāda kapowui kachigat saikora kupser kahai eina ngakarthui;

2 THOTRINCHĀN 6:13

Ana pithrai eina sākakhui tārong, khuining phangā kasāng, khuining phangā kapāk kala khuining kathum kajui, kayāng alungli haikahai chiwuitungli nganinga. Kala Israelwui kazip saikorawui miktāli khuktizanga, kala apāng khani kazingramshong khāngkāda hānga,

2 THOTRINCHĀN 6:38

kala athumli tukvā kahai apam chili leilakha ningyāng tongda hāngphatakha kala nana avāva̱ ngarāli mikahai nana hākhui kahai keinungli kala chili namingwui vang ina sākahai shim hili ngareiungda seihā saakha,

EZRA 9:5

Kala ngazinwui pha̱kaphayā atamli kakhum eina iwui kachon phahon kakāk chi ngavaida pāng tarāmda iwui Vare Proholi hānga,

NEHEMIAH 6:11

Kha ina hānga, “I kathā mina yāmrala? Kala I kathā mina khorum khavai shimli yāmngayinrala? I mazangmara.”

LAA 34:1

Atam kachida ina Proholi sochikatra; ikhamorli awui masot kachigat leichingra.

LAA 5:7

Kha iva nawui makhangachei leikashiwui makhavāta chiwui mangā eina nawui shimli zangra, ina nawui kathara khorumshim chili khangachee eina nali khorumra.

LAA 55:17

Ngazin eina ngathor kala ngashun mateila ina maringkaphā hāngphatta ngahuipama, kala ana iwui khon shāmira.

LAA 86:3

ili khalumashanmilu, O Proho, kaja ina nali langpongda ngakaowa.

LAA 95:6

O ralu, ithum ali ngakhumshamhaida khorumsa, ithumli kasā Prohowui mangāli khuktisa!

DANIEL 6:13

Athumna awungawui mangāli ngahānkai, “Judahwui eina raikathā atamili khuikharā Daniel kaho china nali mashitsangmana O awunga, kala nana shoi sākahai chili matheimila thangkhali kathum shida awui Vareli seihā sāchingda lei.”

DANIEL 9:4

Iwui Proho Vareli ina seihā kasā eina ngasoda ning ngateida hāngphata, “O Proho, hakkhamahā khangachee-khangachā Varivara! Nawui kahāng nganāda ningkhami khamayona kala nali leikashebingli khangachei maleila mayonkhame,

JONAH 2:4

Chieina ina hānga, ‘Nawui ngalemwui eina ili horshokhaira, ara kathāda nawui kathara shim chi ina theiluipairakhala?’

MARK 3:3

Chieina Jishuna pāng sheikasha̱a chili, “Hili rālu” da hoi:

LUKE 14:26

“Ili kharā mi kachiva̱na ava̱ avā, preiva̱, naongarā, achināngarā, azarva̱ ngara kala khalattawui mirinli mahorhairarakha, a iwui sākhangatha̱ masāpaimana.

LUKE 22:41

Ana athumwui eina khavameinakta khuktizanglaga seihā sai.

OTSAK 10:9

Akhama kathā athumna shongfa zatmamānda Joppali rāshungnanai, ngashunlung atamli, Peterna seihā sākhavai dolāntungli kai.

OTSAK 2:15

kaja nathumna kaphaning thada athum khamalip maningmana, arui pung kakathumamāng tāthadharmaya.

OTSAK 20:24

Kha ina iwui mirin hi sakta makhuimana, Varewui lukhamashanwui paokaphā chi shākhi sākhavai Proho Jishuna khami chi sākupchaoshap khavai himang hi iwui ningkachāngna.

OTSAK 20:36

Paulna hāngkup kahaiwui thili athumli ngasoda khuktizangda seihā sāngaruma.

OTSAK 21:5

Kha apam chili ngasāmsangki kaji zimiksho peihaoda apam chi nothāhailaga ithumna vāki kajishong zatthuihaowa. Athum saikora preinaobing eina naoshinaobing ngasoda ithumli keinung kānshokta shamadruphei vāshungda ngasovai kala chili ithum saikora khuktizangda seihā sāruma.

OTSAK 3:1

Chitharan seiha kasa atam, pung kachiko katā tharan Peter eina Johnna seihā sākhavai khorumshimli kai.

OTSAK 4:29

Ara, Proho, athumwui khamachit hi nana yangmida, nawui raobingli malung pinglak eina nawui tui matui ngasakmilu.

OTSAK 5:20

“Nathumna khorumshimli vanganingda mibingli kharingawui tui saikora hi ahāngchitheilu.”

OTSAK 5:29

Kha Peter eina paokazatbingna ngahānkai, “Mibingwui tui nganāki kajipale Varewui tui nganātha̱ra.

OTSAK 7:60

Ana khuktizangda, “Proho! morei hiwui kashong athumli matāmialu” da panglāk eina vaolaga amanglā chihohaowa.

OTSAK 9:40

Peterna athum saikorali kayāng shokngasakhailaga khuktida seihā sai; chiwui thili ana kathi angunshong ngareiungda hānga, “Tabitha, ngakarthuilu!” Ana mik kharak eina Peterli theida thuipama.

EPHESIANAO 3:14

Maram hiwui vang Avāli ina khuktizangda seihā kasāna.

PHILIPPINAO 1:14

Ina phātopli kazangwui vang avānao kachungkhali Proholi kachihān mataisang ngasaka. Chieina athumna khangachee maleila paokaphā hashok khavai thangkachida malung pingkhangai pinga.

PHILIPPINAO 1:20

Thilala, ringlala, atam kachida, mataimeikapta aruihon malungkaping eina I khalatta chikatchaohailaga Khrista maiyā khavai kasāli ina machihohailakmara kaji hi iwui ningkachāngna.

PHILIPPINAO 4:6

Khiotkhawui vang malungmaringalu, kha ningkashi eina ngasoda nathumna khavavāt chiwui vang Vareli seihā sāda polu.

COLOSSIANAO 3:17

Kala nathumna ot kasāli nilala, tui khamatuili nilala Avā Vareli ningkashi mida otsak kachiva̱li Proho Jishuwui ming eina sālu.

HEBREWNAO 13:15

Jishuwui mangā eina ithumwui pha̱kaphayā sāda Vareli atam kachida masotchikatsa; hi ithumwui khamor eina a Prohona da hāngkaphatwui kachigatna.

HEBREWNAO 4:16

Chiwui vang eina lukhamashan khaleipam Varewui wungpamkhongli chihansa̱ vāsa. Chili ithum lukhamashan samphangra kala ithumna khavāt tharan ngachonmi khavai lukhamashan samphangra.

PHONGKHAMI 2:10

Nathum khanangki kaji khikhikhawui vang mangangalu. Yanglu nathumli chāng tamyang khavai chipeena kaikhali phātop sangra; kala tharāthangwui vang kakhanang samphangra. Kathi eina tangda ili shitsangmalu; Ina kharingawui kuihon mira.

PHONGKHAMI 2:13

Ina nawui pamkhavai thei; chi Satanwui wungpamkhonglina. Chithālala iming nana singtita, nana iwui kahāng nganai kala Satanna kapam apam chili shākhi khame ili ningkatonga Antipasli sākathat tharan nana ili shitkasang mangacheilakmana.