DANIEL 5:8 - Kathara Bible (BSI)

⁸ Chieina awungawui thangkhama mi saikora rai, kha khipānakha kapi kahai tui kala chiwui kakhalat matheirarthuwa.

DANIEL 5:8 Iomraidhean Croise

HAOKAPHOK 41:8

Chiwui vang ngathor kathui eina awui ning mamathānrarthuwa; ana Egyptli khalei mitrang kathem kala thangkhamei saikorali hokhui; kala Pharaohna awui mang chi athumli hāngchithei, kha mi akhanala Pharaohli chi makhalatmirarthuwa.

ISAIAH 47:9

Ot khani hi hunkha, thangkhawui alungli nali shokra; nawui khanong kayākha leisālala, kala nana laivā kathembingwui pangshap kayākha leilala naongarā kashimān eina ra̱mei kapam nali hakmahalāk eina rāshungchaora.

JEREMIAH 50:35

“Chaldeanaobingwuitungli, Babylonli okkathuibingwuitungli kala awui wungnaobing kala thangkhamabingwuitungli raighai parra da Prohona hānga.

DANIEL 2:27

Danielna awungali ngahānkai, “Awungana khangahān matheikharar chi hāngmikashap thangkhama, khanong, laivā kathem mi maleimana,

DANIEL 4:18

“Mang hi Nebuchadnezzar awunga ina katheina.” “Chieina O Belteshazzar, hiwui kakhalat hāngmilu; khikhalajila iwui wungramli khalei thangkhama khipānakha chiwui kakhalat mahāngmirarthura, kha kathara manglāna ngasokhamiwui vang nana hāngmishapra.”

DANIEL 4:4

Nebuchadnezzar, imāng keinungli ringphālak eina okthuida yansāngsa̱ eina leisai.

DANIEL 4:7

Chieina laivā kathembing, ningyo kathembing, Chaldeanaobing kala kachāng sirāli machukkatheibingli kahāng eina athumna chiwui kakhalat mahāngmirarthuwa.

DANIEL 5:15

Yanglu, thangkhamabing, laivā kathembing iwui mangāli khuirāda kapi kahai tui chi pālaga ili chiwui kakhalat hāngmi khavai khuirai; kha chiwui kakhalat khipākha mahāngmirarthuwa.