DANIEL 5:7 - Kathara Bible (BSI)

⁷ Awungana laivā kathembing, Chaldeanaobing kala kachāng sirāli machukkatheibing thākta ahokhuilu da vaowa. Kala awungana Babylonwui thangkhamabingli, “Kapi kahai hi pākatheia kala chiwui kakhalat hāngmishapa chili hungrisi kaji khamenga kachon ngavaimira, akahungli sināchā ngachāmira, kala wungramli kakathuma khamunga akhavā sāngasakra.” da hānga.

DANIEL 5:7 Iomraidhean Croise

HAOKAPHOK 41:8

Chiwui vang ngathor kathui eina awui ning mamathānrarthuwa; ana Egyptli khalei mitrang kathem kala thangkhamei saikorali hokhui; kala Pharaohna awui mang chi athumli hāngchithei, kha mi akhanala Pharaohli chi makhalatmirarthuwa.

ESTHER 3:1

Saikora hi shokkahai thili Awunga Ahasu-erusna Agagwui Hammedathawui naomayara Hamanli awui pam khāngkāmida ali khangaso wungnao saikorawuitungli pamngasaka.

SHONGZĀ 7:11

Chieina Pharaohna awui kathemabing kala Egyptwui mitrang sākatheibingli hokhuida, athumnala athumwui khangathum mitrang eina chi tākam eina sai.

CHĀNSAM 1:9

hi nakuili mayong pāsi khangakham, kala nakahungli chā khangachā kathāna.

SOLOMONWUI LAA 1:10

Namaisor ngachān sāri ngayishun, nakahungla chāra̱-chāsān pengpeng kangayishun.

ISAIAH 47:13

Hāngkhamebingli ngasankazatna na sānhaira, kazingram sirāli yangda, khayeiung khayeivāda, changwokwui athishurda, nali khi shokra kaji hāngkhamebing athum china thuinganingda nali huikhuiranu.

JEREMIAH 50:35

“Chaldeanaobingwuitungli, Babylonli okkathuibingwuitungli kala awui wungnaobing kala thangkhamabingwuitungli raighai parra da Prohona hānga.

EZEKIEL 16:11

Kala nali ina sāri shaksāmida pangtheili kazao sangmi, kala nakahungli chā ngachāmi.

DANIEL 1:20

Awor ayāyāva̱ ngahānlaga wungramli khalei mahei kathembing, laivā kathembing, khanong sākatheibingli athumna tharā shida themmeihaowa.

DANIEL 1:4

athumwui ngachaili, kanghāngri kahai, mayar khamathā otsak saikorali thangkhamei, awor kathema, mashunmakhui theithangkhama, kala awungawui keinungli otram ngatha̱kashapa mibingli Chaldeanaowui tui kala mayek tamchithei khavai kasoi.

DANIEL 2:2

Chieina awungana mahei kathembing, laivā kathembing, khanong sākatheibing kala awor kathem Chaldeanaobingli mang chi hāngmi khavai saikorali hokhui ngasaka. Athum katonga awungawui mangāli anganinga.

DANIEL 2:27

Danielna awungali ngahānkai, “Awungana khangahān matheikharar chi hāngmikashap thangkhama, khanong, laivā kathem mi maleimana,

DANIEL 2:48

Chiwui thili awungana juilak kahai masot mida hakkhamahā sāmanla mi; kala Babylon ngaleiwui khamunga sāngasaka, kathembing saikorawui kathānala sāngasaka.

DANIEL 2:6

Kha nathumna mang chi hāngmishapakha kala khalatmishapakha, nathum iwui eina sāman kachungkha samphangra kala khayā kāngasakra. Chiwui vang eina mang kala chiwui kakhalat chi hāngmilu.”

DANIEL 4:14

Ana panglāk eina vaoda hānga, ‘Thingrong chi ta̱teklaga aphāng thapserhaolu,’ anahla thaplaga athei katonga herkathānhaolu; sāyurbing khaya̱li mapamluiaranu, vānaobingla aphāngwui eina yāmhaoranu.

DANIEL 5:11

Nawui wungramli manglā kathara khangaso mi akha lei. Navā Nebuchadnezzarwui thotli, kathemla thangkhameila varenao thāda paisor eina katheiwui vang, navāna ali laivā kathembing, mitrang kathembing, Chaldeanaobing kala sirā machukkatheibingwui kathāna sāngasaka,

DANIEL 5:15

Yanglu, thangkhamabing, laivā kathembing iwui mangāli khuirāda kapi kahai tui chi pālaga ili chiwui kakhalat hāngmi khavai khuirai; kha chiwui kakhalat khipākha mahāngmirarthuwa.

DANIEL 5:16

Kha nana kakhalat hāngmishapa kala kasak kapai chi nana phākhuimishapa da ina shai. Chieina ara nana ili kapikahai hiwui kakhalat hāngmishapakha, nali hungrisi kahai khamenga kachon ngavaimida sināchā nawui kahungli ngachāmira, kala iwui wungramli nana akhavā kakathuma sāra.”

DANIEL 5:29

Chieina Belshazzarna kasoda Danielli hungrisi khamenga kachon ngavaimi, kala sināchā akha akahungli ngachāmi; kala awui pongli Babylon ngaleiwui khamunga kakathumana da chishāta.

MISHĀN 22:17

kaja ina nali khayakālak eina sāmira, kala nana ili kahānghāng chi ina sāra; ralu mibing hili iwui vang khonshimilu!”

MISHĀN 22:7

Chieina Moab kala Midianwui khararnaobingna khanong yangkhavai athumwui pāngli pheisā khuiphungda Balaamli vai, kala Balakwui paola hāngmi.

MISHĀN 24:11

Chiwui vang eina ara naram ungulu; ‘Ina nali khayāshira’ da ina hānghaisai, kha khayākashi chi Prohona nawui khāmhaira.”

1 SAMUEL 17:25

Kala Israelwui mibingna hānga, “Shokkhanganinga mi hili na theihairala? Ana Israelwui mibingli kasir khavai kakālaka; kala ali sākathata mi chili awungana sinā lupā kachungkha mida shāng ngasakra, kala anao ngalāva̱la mira; kala ashi shimkhurli Israelwui alungli ningkhān ngasakra jihaira.”