DANIEL 5:16 - Kathara Bible (BSI)

¹⁶ Kha nana kakhalat hāngmishapa kala kasak kapai chi nana phākhuimishapa da ina shai. Chieina ara nana ili kapikahai hiwui kakhalat hāngmishapakha, nali hungrisi kahai khamenga kachon ngavaimida sināchā nawui kahungli ngachāmira, kala iwui wungramli nana akhavā kakathuma sāra.”

DANIEL 5:16 Iomraidhean Croise

HAOKAPHOK 40:8

Anina ali hānga, “Inili mang shimana, kha chi khalatmi khavai khipākha maleimana.” Josephna anili hānga, “Khalatkhami hi Varewui maningmala? Ili kahāngmilu.”

HAOKAPHOK 41:15

Pharaohna Josephli hānga, “Ili mang akha shimana, kha chi khalatmikashap mi khipākha maleithuwa; ina shai kaja nana mang akha kashā tharān chi khalatmishapa ji.”

HAOKAPHOK 41:42

Chiwui thili Pharaohna apāngwui eina mahor namkhavai khutop chi khuida Josephwui pāngli sangmi, kala khamanaka khamathā kachon ngavaimida awui akahungli sināchā ngachāmi;

DANIEL 2:48

Chiwui thili awungana juilak kahai masot mida hakkhamahā sāmanla mi; kala Babylon ngaleiwui khamunga sāngasaka, kathembing saikorawui kathānala sāngasaka.

DANIEL 2:6

Kha nathumna mang chi hāngmishapakha kala khalatmishapakha, nathum iwui eina sāman kachungkha samphangra kala khayā kāngasakra. Chiwui vang eina mang kala chiwui kakhalat chi hāngmilu.”

DANIEL 5:29

Chieina Belshazzarna kasoda Danielli hungrisi khamenga kachon ngavaimi, kala sināchā akha akahungli ngachāmi; kala awui pongli Babylon ngaleiwui khamunga kakathumana da chishāta.

DANIEL 5:7

Awungana laivā kathembing, Chaldeanaobing kala kachāng sirāli machukkatheibing thākta ahokhuilu da vaowa. Kala awungana Babylonwui thangkhamabingli, “Kapi kahai hi pākatheia kala chiwui kakhalat hāngmishapa chili hungrisi kaji khamenga kachon ngavaimira, akahungli sināchā ngachāmira, kala wungramli kakathuma khamunga akhavā sāngasakra.” da hānga.

DANIEL 6:2

kala chiwuitungli yangmi khavai khayaiwo kathum phāsanga, chiwui ngachaili Daniel akhana; athumli satrapbingna kashi-kaphā ngasanchinga.

OTSAK 8:18

Paokazatbingna pāng parkharor eina Manglā Kathara samphanga kaji hi Simonna kathei tharan lupā mida