DANIEL 5:11 - Kathara Bible (BSI)

¹¹ Nawui wungramli manglā kathara khangaso mi akha lei. Navā Nebuchadnezzarwui thotli, kathemla thangkhameila varenao thāda paisor eina katheiwui vang, navāna ali laivā kathembing, mitrang kathembing, Chaldeanaobing kala sirā machukkatheibingwui kathāna sāngasaka,

DANIEL 5:11 Iomraidhean Croise

HAOKAPHOK 41:38

Kala Pharaohna awui raobingli hānga, “Varewui manglāna ngasokhami hikathā mi hili samphangrala?”

2 SAMUEL 14:17

Kala narao ina Ishamei awungawui tui eina ili chingrihai ngasakmira da phaninga; kaja ishāmei awunga nava mashun-makhui kathei Varewui kazingrao kathāna. Nawui Proho Varena nali ngasomiranu!”

EZEKIEL 28:3

Mha, Danielli na thangmeimei; nawui eina ngathum kahai khikha maleimana,

EZEKIEL 28:4

nawui thangmei kala theikakhui eina nana lan kazipkhui, kazipshimli nana sinā kala lupāsā kazipsanga;

DANIEL 1:4

athumwui ngachaili, kanghāngri kahai, mayar khamathā otsak saikorali thangkhamei, awor kathema, mashunmakhui theithangkhama, kala awungawui keinungli otram ngatha̱kashapa mibingli Chaldeanaowui tui kala mayek tamchithei khavai kasoi.

DANIEL 2:11

Awungana khangahān tui hiya kasaka otna, kala hikathā hi phasā makhavaiya kameobing maningla khipākha matheimara.”

DANIEL 2:22

Kasaka kathuka tui ana phongmi, tangkhamangli khalei chila ana thei; kala awuili kahor lei.

DANIEL 4:18

“Mang hi Nebuchadnezzar awunga ina katheina.” “Chieina O Belteshazzar, hiwui kakhalat hāngmilu; khikhalajila iwui wungramli khalei thangkhama khipānakha chiwui kakhalat mahāngmirarthura, kha kathara manglāna ngasokhamiwui vang nana hāngmishapra.”

DANIEL 4:5

Ina pilakha mang akha shimana, kala mang china ili ngachee ngasaka; kala khamahā chi theilaga malung tātung ngasaka.

DANIEL 4:6

Chiwui vang eina Babylonli khalei thangkhama saikora hokhuida mang chiwui kakhalat hāngmi khavai hukhum akha miya.

DANIEL 5:14

Kathara chiwui manglā nali ngasomi, kala theikashap, theishingkakhui, kala hakmahālak kahai awor nawuili lei da ina shāhaira.

DANIEL 5:7

Awungana laivā kathembing, Chaldeanaobing kala kachāng sirāli machukkatheibing thākta ahokhuilu da vaowa. Kala awungana Babylonwui thangkhamabingli, “Kapi kahai hi pākatheia kala chiwui kakhalat hāngmishapa chili hungrisi kaji khamenga kachon ngavaimira, akahungli sināchā ngachāmira, kala wungramli kakathuma khamunga akhavā sāngasakra.” da hānga.

OTSAK 12:22

Chieina mibing china, “He mitui maningmana, kameotuina” da vaowa.

OTSAK 14:11

Paulna sākahai chi theida Lycaoniawui tui eina athum saikorana vaoda hānga, “Kameonao mizak khuida ithumli tāshunghaira!”

OTSAK 16:16

Thangkha ithumna seihā sākhavai apamli vākida zatlakha sha̱ ngasoda, shokki kaji hāngkhamiva̱ rao sha̱nao akha samphanga. Ana shokki kaji hāngkhami eina awui akhavāli lupā tarākha pheiungmiya.

PHONGKHAMI 3:9

Yanglu, Jehudina jilaga akachanga Jehudi makhaning, kha kakapika, Satanwui synagogueli khaleibing athumli nawuili rāngasakta napheizingli ngakhumzang ngasakra, kala ina nali leishiya kaji theingasakra,