DANIEL 4:9 - Kathara Bible (BSI)

⁹ O Belteshazzar, maheikathem saikorawui akhavā, kathara varebingwui manglāna nali ngasomi, kala kathuka tui nawui vang sakkhanā maleimana da ina thei. Ili kashiman mang chi hina, mang chiwui kakhalat hāngmilu.

DANIEL 4:9 Iomraidhean Croise

HAOKAPHOK 41:38

Kala Pharaohna awui raobingli hānga, “Varewui manglāna ngasokhami hikathā mi hili samphangrala?”

ISAIAH 33:18

Naningna khangachee phaningungda: shai khangashaipa, rākachigat khān katampa chi kali lei? Dolan mashing kashānpa kali vahao? da machukra.

ISAIAH 54:14

Khamashung khangarongwui alungli nathumli sākāra; nathum rekakharekwui eina tāthuihaora, kaja nathumna mangacheemara; kala kachipā chi nathumli marānganaimara.

EZEKIEL 17:23

Ina Israelwui kaphung kajuili lingsangra, chieina aphāng shokta, atheila matheira, kala khamaho cedarrong ngasāra; kala chiwui azingli sāyur ayāyāva̱ ngasāmra; kala aphāng chiwui khaya̱li vānaoyur kachiva̱ athip sāra.

EZEKIEL 28:3

Mha, Danielli na thangmeimei; nawui eina ngathum kahai khikha maleimana,

DANIEL 1:20

Awor ayāyāva̱ ngahānlaga wungramli khalei mahei kathembing, laivā kathembing, khanong sākatheibingli athumna tharā shida themmeihaowa.

DANIEL 2:47

Awungana Danielli hānga, “Kachangkhat eina nawui Vare hiya varebingwui Varena kala awungabingwui Prohona, kala ngathum kahai phongkhamena; khikhalajila ngathum kahai hi nana phongmishaphaowa.”

DANIEL 2:48

Chiwui thili awungana juilak kahai masot mida hakkhamahā sāmanla mi; kala Babylon ngaleiwui khamunga sāngasaka, kathembing saikorawui kathānala sāngasaka.

DANIEL 4:18

“Mang hi Nebuchadnezzar awunga ina katheina.” “Chieina O Belteshazzar, hiwui kakhalat hāngmilu; khikhalajila iwui wungramli khalei thangkhama khipānakha chiwui kakhalat mahāngmirarthura, kha kathara manglāna ngasokhamiwui vang nana hāngmishapra.”

DANIEL 4:5

Ina pilakha mang akha shimana, kala mang china ili ngachee ngasaka; kala khamahā chi theilaga malung tātung ngasaka.

DANIEL 4:8

Naolak eina iwui varewui ming kaphoka Belteshazzar kaho, manglā katharana ngasokhame Daniel rai; kala ina ali,

DANIEL 5:11

Nawui wungramli manglā kathara khangaso mi akha lei. Navā Nebuchadnezzarwui thotli, kathemla thangkhameila varenao thāda paisor eina katheiwui vang, navāna ali laivā kathembing, mitrang kathembing, Chaldeanaobing kala sirā machukkatheibingwui kathāna sāngasaka,

1 SAMUEL 4:8

Ithum kalākashi! Hiyākha kapinga varebingwui eina khipāna kanshokmirarrakhala? Egyptnaobingli lamhāngli kazātkashi yur eina shimān ngasak kahaiya varebing chi hina.