DANIEL 4:6 - Kathara Bible (BSI)

⁶ Chiwui vang eina Babylonli khalei thangkhama saikora hokhuida mang chiwui kakhalat hāngmi khavai hukhum akha miya.

DANIEL 4:6 Iomraidhean Croise

SHONGZĀ 7:11

Chieina Pharaohna awui kathemabing kala Egyptwui mitrang sākatheibingli hokhuida, athumnala athumwui khangathum mitrang eina chi tākam eina sai.

ISAIAH 8:19

Kala athumna, “Kapumkakaseowa kazei kazangbingli kala khanongbingli ngasanlu” jiakha, miyur akhana athumwui Vareli mangasan ngayimala? Kharingbingli maningla kathebingli ngasanrala?

DANIEL 1:17

Athum mayar mati chili Varena lairik kathemla aworla kachungkha ngarumsangmi; kala Danielna mang kala khamahā saikora theishingkhuikashap lei.

DANIEL 2:2

Chieina awungana mahei kathembing, laivā kathembing, khanong sākatheibing kala awor kathem Chaldeanaobingli mang chi hāngmi khavai saikorali hokhui ngasaka. Athum katonga awungawui mangāli anganinga.

DANIEL 2:48

Chiwui thili awungana juilak kahai masot mida hakkhamahā sāmanla mi; kala Babylon ngaleiwui khamunga sāngasaka, kathembing saikorawui kathānala sāngasaka.

DANIEL 4:15

Kha thingngun chiya mariphek kala pithraiphek eina khalaplaga luili khalei nganaozao kahai khawolungli haipapamlu.” “Chi ikra̱ matak ngasaklu; ngaleiwui sāyurli ngasopamranu;

DANIEL 5:11

Nawui wungramli manglā kathara khangaso mi akha lei. Navā Nebuchadnezzarwui thotli, kathemla thangkhameila varenao thāda paisor eina katheiwui vang, navāna ali laivā kathembing, mitrang kathembing, Chaldeanaobing kala sirā machukkatheibingwui kathāna sāngasaka,

DANIEL 5:7

Awungana laivā kathembing, Chaldeanaobing kala kachāng sirāli machukkatheibing thākta ahokhuilu da vaowa. Kala awungana Babylonwui thangkhamabingli, “Kapi kahai hi pākatheia kala chiwui kakhalat hāngmishapa chili hungrisi kaji khamenga kachon ngavaimira, akahungli sināchā ngachāmira, kala wungramli kakathuma khamunga akhavā sāngasakra.” da hānga.