DANIEL 4:5 - Kathara Bible (BSI)

⁵ Ina pilakha mang akha shimana, kala mang china ili ngachee ngasaka; kala khamahā chi theilaga malung tātung ngasaka.

DANIEL 4:5 Iomraidhean Croise

HAOKAPHOK 41:1

Kum khani peikahaiwui thili Pharaohna awui mangshong Nile kongpheili nganingsai,

DANIEL 1:7

Kala akhoka ahonga china athumli aming phokmida Danielli Belteshazzar, Hananiahli Shadrach, Michaelli Meshach, kala Azariahli Abednego hoi.

DANIEL 2:1

Nebuchadnezzarna mungda kakhane kum, mang akha shimana, kala ningrākhaida mapivāpaithuwa.

DANIEL 2:3

Chieina awungana athumli hānga, “Ili mang akha shimana, kala chiwui kakhalat theikhangaiwui vang I wukkhanangshunhaira.”

DANIEL 4:10

“Ina pida leilakha ili mahākhami chi hina: Ina thei, yanglu, okathuiwui alungthungli thingrong kajuiva̱ akha phorsai.

DANIEL 4:13

“Ina pida leilakha mangshongli, khamayona, kathara mi akha kazing eina katā thei.

DANIEL 4:15

Kha thingngun chiya mariphek kala pithraiphek eina khalaplaga luili khalei nganaozao kahai khawolungli haipapamlu.” “Chi ikra̱ matak ngasaklu; ngaleiwui sāyurli ngasopamranu;

DANIEL 4:19

Belteshazzar kaho Daniel chi khananghaida kasha̱khawui vang khituikha mamatuipaithuwa. Chieina awungana hānga, “Belteshazzar, mang kala chiwui kakhalatna nali mangachee ngasakalu.” Belteshazzarna ngahānkai, “Iwui amei, mang chi nali yangkakharingbingwui vang ngasaranu kala chiwui kakhalat chi nawui yangkashebingwui vang ngasāranu!

DANIEL 5:10

Awungawui kala wungnaobingwui tui chi shālaga awungva̱ chi morsong khavaipam chili rārāsai; kala awungva̱na hānga, “O awunga, okpeimeiranu! Nawui ning machipaaranu lah maipānla mangacheiaranu.

DANIEL 5:11

Nawui wungramli manglā kathara khangaso mi akha lei. Navā Nebuchadnezzarwui thotli, kathemla thangkhameila varenao thāda paisor eina katheiwui vang, navāna ali laivā kathembing, mitrang kathembing, Chaldeanaobing kala sirā machukkatheibingwui kathāna sāngasaka,

DANIEL 7:1

Babylonwui awunga Belshazzarna mungkhare kum, Danielna pilakha mang akha shimana. Mang chi ana kapikhui, kala chiwui kasha̱a ara̱tui ana hāngmi.

DANIEL 7:28

Apong chiwui katanga chi hina. Daniel iwui vanga, ining chipālakhaoda maipanla ngacheihaowa; kha ina tui chi iningli phumhai.