DANIEL 4:32 - Kathara Bible (BSI)

³² nali mibingwui pamkhavai eina kashamhaora, kala nava khararwui ramsābingli ngasopamhaora; kala mukkā thāda kum shini khawo phāshai ngasakra; chieina mikumowui wungpam hi Reikhamataia ana mungda mikhangayili miya da matheiranglakha eina tangda shini shida vāfara.”

DANIEL 4:32 Iomraidhean Croise

2 THOTRINCHĀN 33:13

Ana Vareli seihā sai, kala ana shāmida awui kapo khuisangmi; kala awui wungram Jerusalemli khuiungmiluishita. Chiwui thili Prohohi Vare chilaka da Manassehna theikhui.

JOBWUI LAIRIK 42:2

“Nana ot saikora shapsera kaji ina thei, kala nawui sākhangai akha eina tangda mahorhaipaimana.

JOBWUI LAIRIK 9:12

Yanglu, ana ngapaithuihaira; ali khipāna khāmshapra? Nana khi kasākhala da khipāna ali hāngra?

LAA 115:3

Ithumwui Vare kazingli lei; awui ningkachāng athishurda ana sai.

LAA 135:6

Prohona ana ningyāngkhaung chi sai, kazingramlila, okathuilila, shamadrulunglila, kathuk saikoralila.

SHONGZĀ 8:10

Ana hānga, “Akhama.” Mosesna hānga, “Nawui kahāng chi shokranu, chieina Proho ithumwui Vare kathā khangatei maleimana kaji nana theikhuira.

SHONGZĀ 9:14

Ajawui hile I kathā okathuili maleimana kaji theikhavai, nali, nawui otshinabingli kala mi saikorawuitungli kachotkachāng rāngasakra.

SHONGZĀ 9:29

Mosesna ali hānga, “Ina Keinungwui eina shokkhaleoda Proholi ipāng katingkāda kazing khangashum vānhaora, thei matāluimara, chieina okathui hi Prohowuina da nana theikhuira.

ISAIAH 37:20

Chiwui vang eina O Proho, ithumwui Vare, arui kakanmilu. Chithāda okathuiwui wungram saikorana Vare chi namānga da theikhuira.”

ISAIAH 40:15

Yurbing eina tangdala khongsaiwui tara̱ ngaya̱tkha kathāna, khān tamkhavaili kapaka akha̱nao kathāna; yanglu, yikuirambing chili khamanaka chifa kakhāng thāda khāngra.

ISAIAH 40:17

Yur saikora awui mangāli khikha maningmana; saikora chi ana khikha makhaning khamasaili teomeida shānkhui.

ISAIAH 45:3

Ina nali tangkhamangwui lanbing mira, kala thumkahaipamwui pongrun kahaibing, chieina nana I Prohona kala naming singda hokakhuiya Israelwui Varena da theira.

JEREMIAH 27:5

“Okathuili khalei mila, sāyurla, iwui pangshap eina kala ipāng eina sākakhuina, kala hina mashunga kajiwui athishurda ina mikhangai chili mi.

DANIEL 2:21

Atam, zur-kan ana ngachei ngasaka, ana wungnaobingli khuishok khuizang sai; thangkhamabingli awor mi, kala theishingkakhuibingli kathem mi.

DANIEL 4:31

Awungana tui chi hāngmahunglakha kazingramwui eina akhon akha shai, “O awunga Nebuchadnezzar! Hi nali kahāngna: Awunga ngalei nawui eina kānthuihaira,

DANIEL 5:21

mishangwui eina kashamhailaga ningla sāyur thāda sāmihaida ramgadhāli ngasopam ngasaka, mukkā thāda ali khawo shaingasaka, kala Reikhamataiya Varena mibingwui wungramlila munga, kala awui mikhangai chili mi kaji matheikhuiranglakha eina tangda ikra̱ matakpi ngasaka.

JOSHUA 4:24

chithāda sāda okathuiwui mi saikorana Prohowui pāngwui pangshap hakkhamahā chi theira; chieina nathumna Proho nathumwui Vareli ngacheechingra.”