DANIEL 4:3 - Kathara Bible (BSI)

³ Awui sākachithei hakkhamahā! Awui pangshap matakhak kahai! Awui wungram katang mavaimana, kala awui ngalei thot kachiva̱ vāpei.

DANIEL 4:3 Iomraidhean Croise

JOBWUI LAIRIK 25:2

“Pangshap eina khangachee Varewuili lei; atungshong awui kazingli ana chingrihai ngasaka.

LAA 104:24

O Proho, nawui otsak shānla makakhui! Saikora hi nawui worthem eina sākakhuina; okathuili nawui manglākapaina pemtinghai.

LAA 105:27

Athumwui mangāli anina machutkakhui sāchithei, kala Ham ngaleili masākharar kachungkha sai.

LAA 145:13

Nawui wungram katang makhavai wungramna, kala nawui khamung thot kachida leichingra. Prohona hāngkahai saikora mangacheimana, kala awui kasāsā saikora lukhamashanmānga.

LAA 66:7

awui pangshap eina mashimānda munga, awui mik miyurbingwuitungli yangmi— ngakaikashibing athum khalattana makhāngchikataranu.

LAA 72:18

Israelwui Vare Proholi soranu, amāngna matakhak kahai ot sai.

LAA 77:19

Nawui shongfa shamadru kānvai, nawui apong tara̱tungli kānvai; chithālala nawui pheichon matheimana.

LAA 86:10

Kaja nava reimatailaka kala matakhak kahai ot sai, Vare chi namānga.

LAA 92:5

O Proho, nawui otsak teokha hakmahāle! Nawui ning thuklaka!

ISAIAH 25:1

O Proho, na iwui Varena; ina nali sora, namingli sora; kaja nana matakhak kahai otbing sāhaira, achālakha ngaranping kahai makhangachei otmānga.

ISAIAH 28:29

Saikora hi saikorawui Prohowui eina kashoksera; pangshap khaleiya china ayuk-ayān unglak eina ngarānkharik kahaina.

ISAIAH 9:7

Awui shorkar mataikasang, kala chingri kahai katang maleimara, Davidwui wungpamkhongtungli kala awui wungramtungli, chi semkā khavai, kala chi mashun eina ngasoda kala khangarong eina ngasoda arui atam eina thuida katang mavaila leichingra. Saikorawui Prohona sāmikhangai china hi ungshungra.

JEREMIAH 10:10

Kha Proho chi khamashunga Varelaka; a kharinga Varena kala makashimāna Awungana. A malungkathui tharan okathui nganuka, kala awui malungkhavāt chi yurbing maphungrarmana.

DANIEL 2:2

Chieina awungana mahei kathembing, laivā kathembing, khanong sākatheibing kala awor kathem Chaldeanaobingli mang chi hāngmi khavai saikorali hokhui ngasaka. Athum katonga awungawui mangāli anganinga.

DANIEL 2:44

Chitharan atungshongwui Varena khangazipa wungram akha sākara, kala chiwui sākashap vākashap pangshap chi yur khangateili mahorsangmimara. China wungram saikora sākathānhaora, kala chiya leichingra;

DANIEL 4:17

Kakaso hi ra̱khayangpā chiwuina, kala kathara chiwui kakasona, kaja kharingabingna theikhuira chiya Reikhamataiya china miwui wungram munga kala awui mikhangai chili miya, kala ngazanmeikap kaje chili mungngasaka.”

DANIEL 7:14

Ali pangshap kala tekhamatei kala wungram mi, kaja miyur saikora, yur saikora kala, tuiyur saikora ali otram ngatha̱ khavai; awui pangshap katang makhavai pangshapna; chi kashimān kaho maleimara; kala awui wungram chiya sākashimān maleimara.

DANIEL 7:27

Kala wungramla kala pangshapla kala kazingram hupvawui azingli khalei khareia wungram, Chuikhamataiawui katharabingli mihaora; athumwui wungram katang mavaimara, kala pangshap saikorana athumwui otram ngatha̱ra kala kahāng nganāra.”

ROMNAO 11:33

Vare kayākha shāngmataikhala? Awui thangkhamei kala awor kayākha thukkhala? Khipāna awui bichar meikhaishapkhala?

KHALATLUI 4:34

Maningakha akhalattawui vang yur akhali khangatei yur akhawui eina chāng yangda, matakhak kahai masākharar khudam eina, tekhamatei eina, kala rai eina, kapanga pāng eina pāngthei katingshokta, lah kahaka khangachee otsak eina, nathumwui miktāli Egyptli nathumwui vang Proho nathumwui Varena ot saikora sākhami thāda kachikathā vare akhana sāmiyanghairala?

1 TIMOTHY 1:17

Kathi makhangavā, mik eina matheikharar, thot kachida awunga sāda khalei akhamāng kaje Vareli katang mavaila khayāshiranu, kala tekmateiranu. Amen.

HEBREWNAO 1:8

Kha Anaomayarawui pongli hithada hānga. “He Varivara! nawui wungpamkhong mashimānda leichingra! Nawui mibingli nana mashun eina mungra.

HEBREWNAO 2:4

Varena machutbing, matakhak kahai kala mina masākharar otsakbing kala awui ningkachāng athishurda ngayarkhami Manglā Katharawui lemmet chieina shākhi mi.

1 PETER 4:11

Pao hākashoka a china Varewui pao hāshokphalungra; otram ngatha̱mena Varena ali mikahai pangshap chieina ngatha̱phalungra. Chithada sāda katang makhavai tekhamatei Khristawui mangā eina Vareli masot mipaira. Amen.

PHONGKHAMI 11:15

Chiwui thili kashine kazingrao china awui talla̱ chi khonguwa; chiwui thili kazingramli akhon panglāk eina vaoda hānga, “Okathuiwui wungram, ithumwui Proho kala awui Messiahwui wungram ngasāhaira, ana katang mavaila mungra.”