DANIEL 4:23 - Kathara Bible (BSI)

²³ Kala awungana yangda leilakha, ra̱khayanga, kazingram eina katā kathara china, ‘Thingrong chi ta̱tek haolu, kha angun che mariphek kala pithraiphek eina khalaplaga phorngasaksālu, luiwui timfa kahai khawoli ngasoda ikra̱ matakpi ngasaklu; kala ramsāli ngasopamranu; chithāda shini shida ali peingasakranu’;

DANIEL 4:23 Iomraidhean Croise

DANIEL 4:26

Kala thingngayung chiwui angun chi haisalu da kakaso athishurda, Kazingramna munga kaji nana theikhui kahaiwui thili nawui wungram samphangnaora.

DANIEL 5:21

mishangwui eina kashamhailaga ningla sāyur thāda sāmihaida ramgadhāli ngasopam ngasaka, mukkā thāda ali khawo shaingasaka, kala Reikhamataiya Varena mibingwui wungramlila munga, kala awui mikhangai chili mi kaji matheikhuiranglakha eina tangda ikra̱ matakpi ngasaka.

DANIEL 8:13

Chiwui thili kathara akhana kahāng ina shai; kala kahānga chili khangatei kathara akhana hānglui, “Machatlakla rikkatā kachigat, mashun maleila shimān khangasaka, katharashim horsangmihaida chiwui ashangva̱li naikakazamwui khamahā kathei hi karankhafarakhala?”