DANIEL 4:2 - Kathara Bible (BSI)

² Reimeikap kaje Varena ili chitheikhami khudam kala matakhak kahai chi nathumlila kachithei khamathā ot akhana da phaninga.

DANIEL 4:2 Iomraidhean Croise

JOBWUI LAIRIK 7:14

nana ili mangchān eina sāmachita, kala khamahā eina ngachee ngasaka,

LAA 51:14

O Vare, ashee eina khangui kasāwui eina ili kanshokmilu, ili huikhame Vare, kala imalena nawui ngatangkhamiwui laa pangda vaora.

LAA 65:9

Nana okathuili yaorāda chili tara̱ chaimi, chili nana ngalei tumngasaka. Varewui kong tara̱ pemtinghai; nana athumwui athāyur ngarānmi, chithāda nana ngarān kahaina.

LAA 66:16

Ralu, kala nganālu, Vareli khangacheebing, chieina iwui vang ana khi sāmihaira̱ khala kaji ina hāngchitheira.

LAA 71:18

Chieina sarhaida kasārsam kashok atamlila, O Varivara, ili horkahai masāmialu, rāki kaji thot saikorali nawui pangshap ina mahāngseranglakha eina tangda.

DANIEL 2:1

Nebuchadnezzarna mungda kakhane kum, mang akha shimana, kala ningrākhaida mapivāpaithuwa.

DANIEL 3:26

Chieina Nebuchadnezzarna meifa chiwui khāmongshong vānganaida hānga, “Shadrach, Meshach, Abednego, Reimataimeikap kaje Varewui raobing! shoklu, kala hili ralu!” Chieina Shadrach, Meshach, kala Abednego athumna meiwui eina shokrāsai.

DANIEL 4:17

Kakaso hi ra̱khayangpā chiwuina, kala kathara chiwui kakasona, kaja kharingabingna theikhuira chiya Reikhamataiya china miwui wungram munga kala awui mikhangai chili miya, kala ngazanmeikap kaje chili mungngasaka.”

DANIEL 4:24

kaji chiwui kakhalat chi hina, O Awunga: Reikhamataiya chiwui bichar iwui amei awunga nawuitungli katāna,

DANIEL 4:25

kaja miwui eina nali kashamhaida khararwui sāyurli ngasopamra; nali mukkā thāda khawo phāshai ngasakra, kala nali kazingramwui ikra̱na ya̱ngasakra, kala Reikhamataiya china mikumowui wungramli mungra kala ana mikhangai mi chili mira kaji nana matheikhuiranglakha eina tangda shini shida peingasakra.

DANIEL 4:34

“Zingkum peihaida atam ungkashung tharan, Nebuchadnezzar ina kazingramli yangkai, kala ning ungrāsai, chieina ina mashimānda makashimān Reikhamataia kharinga chili khayāshida masot chigata: “Kaja awui wungram mashimānda makashimānna, kala awui awungram thot kachida leichinga;

DANIEL 5:18

“O awunga, Reikhamataiya Vare china navā Nebuchadnezzarli wungpam eina hakkhamahā kala tekhamatei eina khangamkharei mi;

DANIEL 6:27

Ana kanmi kala ngatangkhuimi, ana machut kala matakhak kahai sai, kazinglila, okathuilila, kazingkha̱ khamorwui eina Danielli kankhame china.”

DANIEL 7:25

Ana Chuikhamataiawuitungli makhamayā tui matuira, kala Chuikhamataiawui katharabingli chotchāng ngasakra, kala atamla, ainla ngachei khavai ngarānra; kala atam akhashi, khanishi, kala tangkhaishi, athum awui pāngli horsangmira.

JOHN 4:48

Chieina Jishuna ali hānga, “Nathum hiya machut kala matakhak kahai otsak matheiranglakha eina tangda mashitsangmana.”

JOSHUA 7:19

Chieina Joshuana Achanli hānga, “inaomayara, Israelwui Proho Vareli tekmatei ngasaklu, kala ali masotmilu; ara nana khi sāhaokhala kaji ili hānglu; iwui eina mathumhailu.”