DANIEL 4:19 - Kathara Bible (BSI)

¹⁹ Belteshazzar kaho Daniel chi khananghaida kasha̱khawui vang khituikha mamatuipaithuwa. Chieina awungana hānga, “Belteshazzar, mang kala chiwui kakhalatna nali mangachee ngasakalu.” Belteshazzarna ngahānkai, “Iwui amei, mang chi nali yangkakharingbingwui vang ngasaranu kala chiwui kakhalat chi nawui yangkashebingwui vang ngasāranu!

DANIEL 4:19 Iomraidhean Croise

HAOKAPHOK 31:35

Avāva̱li Rachelna hānga, “Ina mangakarkathuiwui vang ishāmeina malung mavātmiranu, kaja sha̱naowui khangachā kazat chi ili leihaowa.” Chieina ana phālala shimwui varebing chi masamphangthuwa.

HAOKAPHOK 32:18

nana ‘Hi narao Jacobwuina; hibing hi ishāmei Esauli thada mikhavaina; kala ala ithumwui khanukli zatta lei’ da ngahānkālu.”

HAOKAPHOK 40:12

Chieina Josephna ali hānga, “Chiwui kakhalat chi hina: aphāng kathum chi zimiksho kathumthangna;

1 WUNGNAOBING 18:7

Obadiahna zatta leilakha yanglu, Elijah ali rāsamphanga; kala ali azak machutta, Obadiahna ngakhumsangda hānga: “Na amei Elijahla?”

SHONGZĀ 32:32

Kha ara, nana mayāmiakha athumwui morei pheomilu—chi maningakha nawui lairikli kapi kahai iwui ming chi khuishokmihaolu da ina nali seihā sāda poli.”

JEREMIAH 29:7

Kha nathumli ina raithā ngasak kahai keinung chiwui reisang khavai sālu, chiwui mathun eina seihāla sāmilu; kaja chiwui ringkaphā alungli nathumla ringkaphā samphangra.

JEREMIAH 4:19

Iwui kachot, iwui kachot! I kachotlungli ngaleokazama! Iyavo, imalungwui phākho! I malung panglāk eina katuka; I kasaikha mapampaithura; kaja ina talla̱khon shai, raiwui akhon chi.

DANIEL 1:7

Kala akhoka ahonga china athumli aming phokmida Danielli Belteshazzar, Hananiahli Shadrach, Michaelli Meshach, kala Azariahli Abednego hoi.

DANIEL 2:26

Awungana Belteshazzar kaho Danielli hānga, “Ili kashimān mang kala chiwui kakhalat nana hāngmishaprala?”

DANIEL 2:37

O awunga, awungabingwui awunga, nali atungshongwui Varena wungram, pangshap kala tekhamatei mihaira,

DANIEL 4:24

kaji chiwui kakhalat chi hina, O Awunga: Reikhamataiya chiwui bichar iwui amei awunga nawuitungli katāna,

DANIEL 5:12

khikhalajila mathameikap kaje manglā, kathem kala theithangkhamei, mang kakhalatwui theishingkakhui, chānjam hāngmikashap, kala kasak otla phāshok kashap Belteshazzar, awungana Daniel kaho chi lei. Ali ahokhui ngasaklu, ana hiwui kakhalat hāngmira.”

DANIEL 5:18

“O awunga, Reikhamataiya Vare china navā Nebuchadnezzarli wungpam eina hakkhamahā kala tekhamatei eina khangamkharei mi;

DANIEL 5:19

ali chiyākha reikhangasakwui vang mibing, yur saikora, tuiyur kachiva̱ awui mangāli kathira kala ngachee; ana shaothatkhangaili shaothata, huimikhangaili huimi, juingasakhangai chili juingasaka, kala nemngasakhangai chili nemngasaka.

DANIEL 7:15

Daniel iwui vanga, mang chi theilaga ning chipālakhaowa, kala khi shoknikhala da ningkhariklaka.

DANIEL 7:28

Apong chiwui katanga chi hina. Daniel iwui vanga, ining chipālakhaoda maipanla ngacheihaowa; kha ina tui chi iningli phumhai.

DANIEL 8:27

Kala Daniel I atam kasha̱khawui vang kazāhaowa; chiwui thili ina ngakarthuida awungawuili otram ungngatha̱luiya; kha ili khamahā china ngachee ngasaklakhaowa kala bhab matārarthuwa.

HABAKKUK 3:10

Kaphungbingna nali theida reoranga; tara̱na kungkung longa; kathuka ngayina ngaphaokāda, akhon ngarungninghai.

1 SAMUEL 1:15

Kha Hannahna ngahānkai, “Khamarip maningmana amei; kha I ningkachotva sha̱naona. Zam lah zamsheila mamangmana, kha Proho mangāli ining phongkashokna.

1 SAMUEL 24:8

Chiwui thili Davidla ngakarthuida lungkhurwui eina shoklaga Saulli, “Awunga, ishāmei” da shok hoi. Kala Saulna kapeikhaung eina Davidna ngakhumshāmda khayākashi chithei.

1 SAMUEL 26:15

Kala Davidna Abnerli hānga, “Na mi maningmala? Israelwui alungli na kathā khipā leikhala? Chithakha na khisāda awunga nameili makhamayonkhala? Kaja awunga nameili sākazam khavai mi akha rāzanga.

1 SAMUEL 3:17

Kala Elina hānga, “Ana nali rakahāng chi khikhala? Ili mathumhailakalu. Kalikhada ana kahahāng chi nana thumhaiakha Varenala nali chithada sāra.”