DANIEL 4:18 - Kathara Bible (BSI)

¹⁸ “Mang hi Nebuchadnezzar awunga ina katheina.” “Chieina O Belteshazzar, hiwui kakhalat hāngmilu; khikhalajila iwui wungramli khalei thangkhama khipānakha chiwui kakhalat mahāngmirarthura, kha kathara manglāna ngasokhamiwui vang nana hāngmishapra.”

DANIEL 4:18 Iomraidhean Croise

HAOKAPHOK 40:12

Chieina Josephna ali hānga, “Chiwui kakhalat chi hina: aphāng kathum chi zimiksho kathumthangna;

HAOKAPHOK 41:15

Pharaohna Josephli hānga, “Ili mang akha shimana, kha chi khalatmikashap mi khipākha maleithuwa; ina shai kaja nana mang akha kashā tharān chi khalatmishapa ji.”

HAOKAPHOK 41:8

Chiwui vang ngathor kathui eina awui ning mamathānrarthuwa; ana Egyptli khalei mitrang kathem kala thangkhamei saikorali hokhui; kala Pharaohna awui mang chi athumli hāngchithei, kha mi akhanala Pharaohli chi makhalatmirarthuwa.

ISAIAH 19:3

kala Egyptnaobingwui ning thenghaora, kala ina athumwui khangarān chi pa̱ngapā ngasakra; kala athumna meoma̱li kala kazeikasing khanong sākatheibingli ngasanra;

DANIEL 1:20

Awor ayāyāva̱ ngahānlaga wungramli khalei mahei kathembing, laivā kathembing, khanong sākatheibingli athumna tharā shida themmeihaowa.

DANIEL 2:38

chili lāngda apam kachida khalei mila, ramsāla, yongkazat vānaola, saikorali khamunga sākhangasaka, na sināwui akui china.

DANIEL 2:7

Athumna kakhane sāda ngahānkāluishita, “Mang chi awungana kahāngmilu, chithākha chiwui kakhalat ithumna hāngmira.”

DANIEL 5:15

Yanglu, thangkhamabing, laivā kathembing iwui mangāli khuirāda kapi kahai tui chi pālaga ili chiwui kakhalat hāngmi khavai khuirai; kha chiwui kakhalat khipākha mahāngmirarthuwa.

DANIEL 5:8

Chieina awungawui thangkhama mi saikora rai, kha khipānakha kapi kahai tui kala chiwui kakhalat matheirarthuwa.

AMOS 3:7

Kachangkhat awui rao marānbingli maphongmila, Proho VAREna khikha masālakmana.