DANIEL 4:17 - Kathara Bible (BSI)

¹⁷ Kakaso hi ra̱khayangpā chiwuina, kala kathara chiwui kakasona, kaja kharingabingna theikhuira chiya Reikhamataiya china miwui wungram munga kala awui mikhangai chili miya, kala ngazanmeikap kaje chili mungngasaka.”

DANIEL 4:17 Iomraidhean Croise

DANIEL 4:25

kaja miwui eina nali kashamhaida khararwui sāyurli ngasopamra; nali mukkā thāda khawo phāshai ngasakra, kala nali kazingramwui ikra̱na ya̱ngasakra, kala Reikhamataiya china mikumowui wungramli mungra kala ana mikhangai mi chili mira kaji nana matheikhuiranglakha eina tangda shini shida peingasakra.

DANIEL 2:21

Atam, zur-kan ana ngachei ngasaka, ana wungnaobingli khuishok khuizang sai; thangkhamabingli awor mi, kala theishingkakhuibingli kathem mi.

1 SAMUEL 2:8

Ana kachāmali chifawui eina khāngkhui, khavātali hotlāwui eina khāngkhuida, athumli wungnaobingli thuingaren ngasaka, kala maikhayā pam samphang ngasaka. Kaja okathuiwui pakra̱bing Prohowuisera, kala chiwuitungli ana apuk-apagva̱ khaningkai.

1 CORINTHNAO 1:28

Okathuina saklak eina kaphaning chi shimān ngasak khavai, okathuina mayangkasanga kala khikha maningmana da kaphaninga chili Varena kapangkhui.

DANIEL 11:21

“Awui thili wungnao makhaning shāt kakā awunga akha rāra; yansāngsa̱ eina khalei atamli kashuirak phāreksek eina rāra.

SHONGZĀ 9:16

kha hiwui vang ina nathumli ringkhangasakna, iwui pangshap nathumli chitheida, okathui katongali iwui ming ngayaovāra.

EZEKIEL 25:17

Malungkanglak kahai hāngkhamachin eina ngasoda athumli kasaka athut khuira. Ina athut kakhui tharan I Prohona da athumna theikhuinaora.”

EZEKIEL 7:24

Yurbingwui ngachaili zakshimeikap kaje yurbingli athumwui shim khuikhavai ina khuirāra; athumwui langkaso pangshap chi ina ngachang ngasakhaora kala katharapam chi sāmakhaomi ngasakra.

ISAIAH 6:3

Akhana akhali hongarokta hānga: “Kathara, kathara, kathara chi saikorawui Prohona; okathui tongda awui tekhamateina pema.”

LAA 9:16

Prohona akhalatta chitheimihaira, awui bichar sākuphaira, makaphā makhayābing china athumwui pāng eina sākahai khalen chili mana.

1 WUNGNAOBING 21:25

(Jezebelna hāngkasothaoda, Prohowui mangāli makaphā ot sāda akhalatta yorkahai Ahab kathā mi maleilakmana.

PHONGKHAMI 4:8

Manglākapaiyur mati chi angachāng tharukrip kai, alung ayar mikna pema, ngashun ngayā laa kasā mangasāmmana. “Kathara, Kathara, Kathara, Sāshap-pangshapa Proho Vare, leikasā, khaleia kala rāki kaje!”

1 TIMOTHY 5:21

Mimai mayangalu, ngahānkhangai masāla, tuibing hi mayon khavai Varewui, Khrista Jishu kala kazingraobingwui miktāli ina kakasona.

ISAIAH 6:8

Kala Prohona hithāda kahāngkhon chi ina shai, “Ina khipāli ina chihorakhala, kala khipāna ithumwui vang vārakhala?” Chieina ina hānga, “I hili leili! Ili chihomilu.”

LAA 12:8

Makaphā chili mibingwui naomayara ngarāna khangmasothaoda, kuimareida makaphā kasābingna zata.

2 THOTRINCHĀN 28:22

Awunga Ahaz kaho china, chotchāngda sipkasa atamli Proholi malaikhangai malaihaowa.

ROMNAO 13:1

Mi kachiva̱ ngalei khamungabingli khayāshiphalungra; kachiwui vangkhala kaja Varewui khamayā maningakha athumwui pangshap maleimana, kala leikahaiya pangshap chi Varena khamina.

LAA 103:19

Prohona awui wungpamkhong kazingramli sākāhaira, kala awui wungramna saikorawuitungli mungsera.

DANIEL 4:2

Reimeikap kaje Varena ili chitheikhami khudam kala matakhak kahai chi nathumlila kachithei khamathā ot akhana da phaninga.

DANIEL 7:25

Ana Chuikhamataiawuitungli makhamayā tui matuira, kala Chuikhamataiawui katharabingli chotchāng ngasakra, kala atamla, ainla ngachei khavai ngarānra; kala atam akhashi, khanishi, kala tangkhaishi, athum awui pāngli horsangmira.