DANIEL 4:14 - Kathara Bible (BSI)

¹⁴ Ana panglāk eina vaoda hānga, ‘Thingrong chi ta̱teklaga aphāng thapserhaolu,’ anahla thaplaga athei katonga herkathānhaolu; sāyurbing khaya̱li mapamluiaranu, vānaobingla aphāngwui eina yāmhaoranu.

DANIEL 4:14 Iomraidhean Croise

JOBWUI LAIRIK 24:20

Keinungwui kayāngkhareina athumli malaihaowa; athumwui ming maphaningungluimana; chithāda makaphā makhayā chi thingkatek thāda tekngasaka.

JEREMIAH 27:5

“Okathuili khalei mila, sāyurla, iwui pangshap eina kala ipāng eina sākakhuina, kala hina mashunga kajiwui athishurda ina mikhangai chili mi.

JEREMIAH 51:6

“Babylonwui eina yāmulu, mi kachiva̱ ichichāwui manglā huikhuiranu! Ali tandi khamilungli mazangrumalu, kaja Prohowui athut hāngkasang atamna, ali mikhangayi tandi khami tharan.

JEREMIAH 51:9

‘Ithumna Babylon raikhavai sai, kha a marairarthuwa; ali nothāhaolu, ithum zatusa ichichā ramwui vang; kaja awui bichar kazing kāshunghaira; khamasai eina tangdala kāpeihaira.’”

EZEKIEL 31:10

“Chiwui vang Proho VAREna hithāda hānga: juishun eina phorda muiyā kākazokwui vang, awui ningli langsohaoda,

DANIEL 2:21

Atam, zur-kan ana ngachei ngasaka, ana wungnaobingli khuishok khuizang sai; thangkhamabingli awor mi, kala theishingkakhuibingli kathem mi.

DANIEL 3:4

Kala vaomena hithāda panglāk eina vaomalāna, “Nathumli kasoda lei, O mibing, yurbing kala tuiyur khangatatei saikora,

DANIEL 4:12

Thing chiwui anahla mathāshuna, atheila kachungkha matheida saikorana kashai samphanga. Sāyurbingna chiwui khaya̱li ngasāmkhui, kala paikazata vānaobingna thingphāngli ngayinkhui; kala manglākapai kachiva̱na zākhavai samphanga.”

DANIEL 4:23

Kala awungana yangda leilakha, ra̱khayanga, kazingram eina katā kathara china, ‘Thingrong chi ta̱tek haolu, kha angun che mariphek kala pithraiphek eina khalaplaga phorngasaksālu, luiwui timfa kahai khawoli ngasoda ikra̱ matakpi ngasaklu; kala ramsāli ngasopamranu; chithāda shini shida ali peingasakranu’;

DANIEL 4:29

Kachāng tharāda khani kākapei eina, ana Babylonwui keinung shimtungli yaothuizatta leilakha,

DANIEL 5:20

Kha ana ngam-uda hiksor eina kala lāngsosor eina kasā tharan wungpamwui eina khuishokhaida awui tekhamatei shimān ngasaka;

DANIEL 5:21

mishangwui eina kashamhailaga ningla sāyur thāda sāmihaida ramgadhāli ngasopam ngasaka, mukkā thāda ali khawo shaingasaka, kala Reikhamataiya Varena mibingwui wungramlila munga, kala awui mikhangai chili mi kaji matheikhuiranglakha eina tangda ikra̱ matakpi ngasaka.

MATTHEW 3:10

Aruila thingrongbingwui angayungli ngahā parhaida lei. Chieina athei khamathā makhamathei thingrong kachiva̱ ta̱teklaga meilungli horsanghaora.

MATTHEW 7:19

Khamathā athei makhamathei thingrong kachiva̱ ta̱teklaga meilungli horsanghaora.

LUKE 3:9

Arui eina tangda thingngayungli ngahā parhaida lei, chiwui vang eina athei khamathā makhamathei thingrong kachiva̱ ta̱teklaga meilungli horsanghaora.”

PHONGKHAMI 10:3

Chiwui thili kazingkha̱ kakhangang thada panglāk eina vaowa; ana khavao eina kazing khangashum shini china matuishoka.

PHONGKHAMI 18:2

Kala mashonsei eina ana vaotai. “Kongluihaira, khareia Babylon kongluihaira! Kameobingwui pamkhavai makathar manglā ngapha̱ khavai; makathar ningkakachai vānaopam sāthuihaira,