DANIEL 4:12 - Kathara Bible (BSI)

¹² Thing chiwui anahla mathāshuna, atheila kachungkha matheida saikorana kashai samphanga. Sāyurbingna chiwui khaya̱li ngasāmkhui, kala paikazata vānaobingna thingphāngli ngayinkhui; kala manglākapai kachiva̱na zākhavai samphanga.”

DANIEL 4:12 Iomraidhean Croise

JOBWUI LAIRIK 12:24

Okathui mikumowui akhavābingwui eina theishingkakhui ana khuithuihaida, apong makhalei lamhāngli ma̱zat ngasaka.

JOBWUI LAIRIK 14:7

Thingrongwui vānga chihān khavai lei, kalikhada katatshathailala shonshoklui shitra, kala anao china mathiluimara.

JOBWUI LAIRIK 14:9

kha tara̱wui nganamna shonluira, kala akhar thingrong thāda kharshokra.

CHAPCHĀT 4:20

Prohona thao neomi kahaia, ithumwui nātangkhurwui eina kashok khaksui athumwui chomli sangmihaowa, “Awui khaya̱li yurbingwui alungli ithum okthuira” da ithumna kahānga chi.

EZEKIEL 17:23

Ina Israelwui kaphung kajuili lingsangra, chieina aphāng shokta, atheila matheira, kala khamaho cedarrong ngasāra; kala chiwui azingli sāyur ayāyāva̱ ngasāmra; kala aphāng chiwui khaya̱li vānaoyur kachiva̱ athip sāra.

EZEKIEL 31:17

Raikhai eina thikahai athumla Kathewui ramli zangra; mha, yurbingli ngasoda chiwui khaya̱li okathuibing shimānserra.

DANIEL 4:14

Ana panglāk eina vaoda hānga, ‘Thingrong chi ta̱teklaga aphāng thapserhaolu,’ anahla thaplaga athei katonga herkathānhaolu; sāyurbing khaya̱li mapamluiaranu, vānaobingla aphāngwui eina yāmhaoranu.

MATTHEW 13:32

Athābingwui ngachaili hi teomeikapa, kha hi hakkasang eina khawobingwui ngachaili hakmeikap kaje thingrong akha ngasāda khamasaili yongkazata vānaobingna chiwui aphangbingli athip rāsai.”

MARK 13:32

“Kha zimiksho eina pung chi khipānakha matheimana, kazingramli khalei kazingraobing eina tangdala, Naomayarala matheimana. Kha Avāva̱māngna thei.

MARK 4:32

thālala lingsang kahai eina haksangda hanthothāp saikorawui ngachaili hakmeikap kaje ngasahaowa; aphāng kahakhakva̱ kachungkha shokta vānaobingna aphāng chiwui khaya̱li athip rāsai.”

LUKE 13:19

Hiya mi akhana kayānghanthā apā akha khuida awui yāmguili yaohailaga chi haksangda arong khangasā eina yongkazata vānaobingna aphāngbingli athip rākasā kathāna.”