DANIEL 3:8 - Kathara Bible (BSI)

⁸ Atam chitharan Chaldeanao kaikhana Jehudibingwuitungli zakshilāk eina ahāngkasota.

DANIEL 3:8 Iomraidhean Croise

ESTHER 3:6

Kha ana Mordecaimāngli pāng maparngaimana. Mordecai hi khiyurkhala da athumna Hamanli hanghairasahaoda, Ahasu-eruswui wungram tongdali khalei Mordecaiwui yur Jehudi saikorali shimān khavai sai.

DANIEL 1:4

athumwui ngachaili, kanghāngri kahai, mayar khamathā otsak saikorali thangkhamei, awor kathema, mashunmakhui theithangkhama, kala awungawui keinungli otram ngatha̱kashapa mibingli Chaldeanaowui tui kala mayek tamchithei khavai kasoi.

DANIEL 2:10

Chaldeanaobingna awungali ngahānkai, “Awungawui kakaso hi sāmishapa okathuili mi akhala maleimana; kaja okathuili khangama, kapanga awunga kachikathāna laivā kathembingli, mahei kathembingli, lah Chaldeanaobingli hikathā tui mahānglakranga.

DANIEL 2:2

Chieina awungana mahei kathembing, laivā kathembing, khanong sākatheibing kala awor kathem Chaldeanaobingli mang chi hāngmi khavai saikorali hokhui ngasaka. Athum katonga awungawui mangāli anganinga.

DANIEL 3:7

Chiwui thili talla̱, pipe, lyre, trigon, tingteilā, bagpipe, kala khangatatei eina kasa laakhon shākhaleoda, yur kachiva̱, tuiyur khangatatei hupta, mi kachiva̱ awunga Nebuchadnezzarna sakā kahai sinā ama̱ chili ngakhumshām eina khorumsera.

DANIEL 4:7

Chieina laivā kathembing, ningyo kathembing, Chaldeanaobing kala kachāng sirāli machukkatheibingli kahāng eina athumna chiwui kakhalat mahāngmirarthuwa.

DANIEL 6:4

Chiwui vang khayaiwobing kala satrapbingna wungram Danielwuitungli khayon mikhavai phai; khamashunga, ningtongda shitkasang mi sāthuihaoda khayon khikha masamphangmana.

OTSAK 28:22

Kha nawui kaphaning khi leimameikhala kaji nawui eina shāngai; kaja apam kachiva̱li ashangva̱ hili mashātta khamatui ithumna thei.”