DANIEL 3:7 - Kathara Bible (BSI)

⁷ Chiwui thili talla̱, pipe, lyre, trigon, tingteilā, bagpipe, kala khangatatei eina kasa laakhon shākhaleoda, yur kachiva̱, tuiyur khangatatei hupta, mi kachiva̱ awunga Nebuchadnezzarna sakā kahai sinā ama̱ chili ngakhumshām eina khorumsera.

DANIEL 3:7 Iomraidhean Croise

JEREMIAH 51:7

Prohowui pāngli Babylon hi sināwui tengkot sāsai, okathui saikorali marip ngasaka; yurbingna awui zam manga, chiwui vang eina yurbingna pāhaowa.

DANIEL 2:46

Chieina awunga Nebuchadnezzarna Danielli kui mashunzangda khayākashi mi kala nganamkaphā otyur riktāda ali kachigat sākhavai kasoi.

DANIEL 3:10

Talla̱, sipa̱, lyre, trigon, tingteilā, bagpipe, kala khangatatei eina kasa laakhon shākhaleoda sināwui mima̱ hili ngakhumshām eina khorumlu;

DANIEL 3:4

Kala vaomena hithāda panglāk eina vaomalāna, “Nathumli kasoda lei, O mibing, yurbing kala tuiyur khangatatei saikora,

DANIEL 3:5

nathumna talla̱, sipa̱, lyre, trigon, tingteilā, bagpipe, kala khangatatei eina kasā laakhon shākhaleoda, Awunga Nebuchadnezzarna sakā kahai sināwui ama̱ hili ngakhumshām eina khorumki kajina;

DANIEL 3:6

kala kachikathā ngakhumshāmsangda makhokharumpale meifa shātrung kahai chili ngalāngda horsanghaora.”

DANIEL 3:8

Atam chitharan Chaldeanao kaikhana Jehudibingwuitungli zakshilāk eina ahāngkasota.

OTSAK 14:16

Thuikahai atamli yur saikorali kachichāwui zatkhangaingaili zatngasaksai.

1 JOHN 5:19

Apuk-apaga hi makaphā pangshapwui azingli leilala ithum Varewuina kaji ithum thei.

PHONGKHAMI 12:9

Chieina phara̱ kasara, okathui katongali thānkhanguia, aming Satanla, Chipeela kaho dragon chi awui kazingraobingli ngasoda okathuili hortāhaowa.

PHONGKHAMI 13:14

Ali sāyur khare chiwui mangāli matakkhak kahai ot sākhangasak chiwui mangā eina ana okathuili minamda, akui khamā za̱laga raikahaiya sāyur chiwui meoma̱ sākhui ngasaka.

PHONGKHAMI 13:3

Akui akhava thikapai khamā za̱kahai thai, kha khamāva raihairasai. Matakhakhaida okathui katongana sāyur chili shurzata.

PHONGKHAMI 13:8

Okathui masāranglakha shaothat kahaia Yaonaowui kharinga lairikli kapisang kahaibing chi maningla okathui katongana ali khorumra.

PHONGKHAMI 17:8

Nana kathei sāyur chi rida ringsai, kha ara maringluimana, ana katang makhalei leizingkhurwui eina shokra kala kashimānli azangra. Okathui haokaphok eina thuilaga kharingawui lairikli aming makapi kahaibingna sāyur chili theilaga matakhakhaira, kaja akhashida ringlaga, maringlui, laga rāchitheiluishitki kajiwui vangna.

PHONGKHAMI 19:20

Sāyur chili kala ali ngasoda minama marān, awui mangāli matakhak kahai ot sāda sāyur chiwui mahor namkahai kala awui ama̱li khokharumbingli minamkakhuiya chili tuknarhaowa. Ani khanili meiri eina chuida khalei meiwui ngayili kharing eina horsanghaowa.