DANIEL 3:30 - Kathara Bible (BSI)

³⁰ Kala awungana Shadrach, Meshach, Abednego athumli Babylon ngaleili athumwui otpam reisang ngasaka.

DANIEL 3:30 Iomraidhean Croise

LAA 1:3

Chikathā mi chi kongrā tara̱pamli lingsang kahai thingrong, angasut khaung tharan athei khamatheiya, kala anā makhangahui kathāna. Ana kasāsā saikorali mataisanga.

LAA 91:14

Khikhalajila ana ili leishida ngavaphaoda, ina ali kanshokmira, imingli shitkasangwui vang ali ina mayonmira.

DANIEL 1:7

Kala akhoka ahonga china athumli aming phokmida Danielli Belteshazzar, Hananiahli Shadrach, Michaelli Meshach, kala Azariahli Abednego hoi.

DANIEL 2:49

Danielna kapo athishurda Shadrach, Mishach, kala Abednego athumli Babylon leikhaiwui yangkhame sāngasaka, kha Danielna awungawui hanga̱ shimli pama.

DANIEL 3:1

Awunga Nebuchadnezzarna sinā eina mima̱ kahakva̱ akha sākhui: mima̱ chi khuining hangtharuk juiya, kala kahak khuining tharuka. Kala Babylon leikhai Dura kaho tampākli hai.

DANIEL 3:12

Babylonli yangmi khavai nana Jehudinao khani kathumli kapangsanghaira: athum chiya Shadrach, Meshach, kala Abednego, athumna nali matheimimana. Hibing hina nawui varebingli otram mangatha̱mana, kala nana sākakhui sinā mima̱li makhorummana.”

JOHN 12:26

Kachikathāna ili otram ngatha̱miakha, a ili shurphalungra kala I khalei chili iwui raola sāda leira, ili otram ngatha̱khame mi chili iwui Avāna maiyā ngasakra.

ROMNAO 8:31

Chithākha ithumna hili khi hāngluira? Vare hi ithumwuina jiakha khipāna ithumli yangshirarra?

1 SAMUEL 2:30

Chiwui vang Israelwui Vare Prohona hangdalei: Nawui shimkhur kala navāwui shimkhurna iwui mangāli katang mavaila kashok-kazang yangmichingra da ina ngashithairasai; kha ara Prohona hānghaira: Chi iwui eina katāva̱li leiranu; kaja ili khayākashi mili inala maiyā ngasakra; ili khayākashi mi chili inala khayā shira, ili ningkakachaiya saikorali ina khonshira.