DANIEL 3:25 - Kathara Bible (BSI)

²⁵ Ana hānga, “Kha mi mati meilungli yaothuikazat theili, athumli sākaza̱ maleimana, kala khamatepa chi yangakha varebingwui naomayara thai.”

DANIEL 3:25 Iomraidhean Croise

JOBWUI LAIRIK 1:6

Thang zimikshokha hithāda shoka, Varewui naomayarabing Prohowui mangāli akazipsera, kala Satanla athumli ngasovai.

JOBWUI LAIRIK 38:7

ngathor sirābingna laa sākhangarum, kala Varewui naomayarbingna mathānda khavao katharankhala?

JOBWUI LAIRIK 5:19

Kachot kachāng tharukwui eina ana nali huimira, kashineli makaphāna masāza̱mara.

LAA 34:7

Prohowui kazingraona ali khangacheebingli kuinama, kala athumli kanshokmi.

CHĀNSAM 30:4

Khipāna kazingramli kālaga tunghaira? Khipāna masi apāng eina ngashumkhuihaira? Khipāna kachon eina tara̱ romkhuihaira? Khipāna okathui achikun peida sākhui? Awui ming khipa ho, anao mayarawui ming khi ho? Nana theilaka!

ISAIAH 43:2

Nana tara̱lungli zatlala ina ngasomira, kongli kānlala makheithuimara; meitungli zatlala machuimara, meiwonna machuitārarmara.

JEREMIAH 1:19

Athumna nali ngararra; kha nali mayuimara, kaja ina nali ngasomida lei da Prohona hānga.”

JEREMIAH 1:8

Athumli mangacheealu, kaja nali kanmi khavai ina nali ngasomida lei da Prohona hānga.”

JEREMIAH 15:21

Makhayābingwui pāng eina ina nali kanmira, sakashebingwui eina nali ngatangkhuimira.”

DANIEL 3:18

Chimathāsalala, O awunga! nana sākakhui sināwui mima̱ hili ithum otram mangatha̱mara kala makhorumara da theilu.”

DANIEL 3:24

Khaleilaga Nebuchadnezzar awungana matakhakhaida ngakarthung thui, kala machinmebingli hānga, “Mi kathum meifali horkasang maningmala?” Athumna, “Mha, awunga!” da ngahānkai.

DANIEL 3:28

Nebuchadnezzarna hānga, “Shadrach, Meshach kala Abednegowui Vareli tekmateiranu! Athumwui Vare maningla vare khangateili khorumki kajiwui vang phasā chigat kahai mibingli kazingrao chihotāda, awui raobingli huikhame Vare chi tekmateiranu!

DANIEL 6:23

Chieina awungana ringphāshunhaida Danielli kazingkha̱khur eina khuishok khavai kasoi. Chieina Danielli kazingkha̱khur eina khuishoka, kala ali khikha akhala masāza̱haisalakmana, kaja ana awui Vareli shitsangtita.

MARK 16:18

athumna phara̱ singkhuilala, kathiri manglala china athumli khikha masāza̱mara. athumna kakazānaobingwuitungli pāng parmiakha, kharai samphangra.”

LUKE 1:35

Kala kazingrao china ali hānga, “Manglā Katharana nawuitungli tāra, kala juikhamataiawui pangshap china nali rakhayinmira; chiwui vang eina pharāki kaje nao chili kathara Varewui Naomayara hora.

OTSAK 28:5

Kha ana phara̱ chi meili khayitsanghaida khikha mathālakthuwa.

ROMNAO 1:4

Varewui tharkhamathengshong einava kathiwui eina ringkashokwui vang ali pangshap khaleia Varewui Naomayara ngasā ngasaka.

1 PETER 3:13

Nathumna kaphā chi sangaiakha khipāna zakkashi sāshaprakhala?