DANIEL 3:18 - Kathara Bible (BSI)

¹⁸ Chimathāsalala, O awunga! nana sākakhui sināwui mima̱ hili ithum otram mangatha̱mara kala makhorumara da theilu.”

DANIEL 3:18 Iomraidhean Croise

1 WUNGNAOBING 19:14

Ana hānga, “Ashangva̱wui Proho Varewui vang ina zimarilak eina sai, kha Israelna nawui tuingashit kaihaida hanphutpamla herkathānmihaowa, nawui marānbinglila raighai eina shatthatserhaira. Imāngli taikahaina, kala athumna ilila imanglā khuithui khavai khangarān sāda lei.”

1 WUNGNAOBING 19:18

Chithālala Israelwui alungli, Baalli khuktida makhorumlak kaje, kala khamor mangasunlak kaje mi thingshini haisara.”

JOBWUI LAIRIK 13:15

Yanglu, ana ili sāthathaora; I kachihān maleithura; chithālala awui mangāli iwui mashun hāngphatra.

CHĀNSAM 28:1

Khipānakha makharomlala makhayā mina yāmzata, kha khangarongbingva kazingkha̱ thāda malung pinga.

DANIEL 3:28

Nebuchadnezzarna hānga, “Shadrach, Meshach kala Abednegowui Vareli tekmateiranu! Athumwui Vare maningla vare khangateili khorumki kajiwui vang phasā chigat kahai mibingli kazingrao chihotāda, awui raobingli huikhame Vare chi tekmateiranu!

PĀNGMONSHI 19:4

“Nathum meoma̱li mangareithuihaialu, lah nathum khalattana langkakhui varebing masemkhuilu: I Proho nathumwui Varena.

MATTHEW 10:28

Phasāli sāthatshaplaga manglāli masāthatkharar athumli mangacheealu. Kha kazeiramli phasā eina manglā khanini sāshimānmikashapa Vareli ngacheelu.

MATTHEW 10:39

Kachikathāna awui mirin mashimān khavai saakha shimānra; kha mashivāmla iwui vang eina mirin mikashapa china ringra.

MATTHEW 16:2

Ana athumli ngahānkai, “Zingyinlam zingko shokhaiakha, ‘Zingyat mathāhaora, zingko shokhaira’ da nathumna hānga.

OTSAK 4:19

Kha Peter eina Johnna athumli ngahānkai, “Varewui miktāli awui tui khanganāli nathumwui tui khanganāna mashungmeila, nathum khalatta machukyanglu.

HEBREWNAO 11:25

Moreilungli kasha̱kha ringphāki kajiwui vanga Varewui mibingli ngasoda kakhanang kaphung ana ningchāngmei.

JOSHUA 24:15

Kala kalikha nathumna Proholi otram mangatha̱ngaiakha, navāngarāna kong makānda ramreili leilakha khorumkasā varebing chika, Amor ngaleili nathumna pamlakha khorumkasā varebingli khuira̱khala kaji aja kapangkhuilu; kha I kala iwui shimkhurva Proholi otram ngatha̱ra.”

PHONGKHAMI 12:11

Yaonao chigatkhami mangā eina, kala kathar tui athumna shākhi kasā chi eina ali yuihaira; kaja athumna manglā kachiho mashivāmana.