DANIEL 2:47 - Kathara Bible (BSI)

⁴⁷ Awungana Danielli hānga, “Kachangkhat eina nawui Vare hiya varebingwui Varena kala awungabingwui Prohona, kala ngathum kahai phongkhamena; khikhalajila ngathum kahai hi nana phongmishaphaowa.”

DANIEL 2:47 Iomraidhean Croise

HAOKAPHOK 41:39

Chiwui vang Pharaohna Josephli hānga, “Varena nali saikora hi chitheihaokada, nakathā, ningkhamazing kala thangkhamei maleiluimara;

2 WUNGNAOBING 5:15

Chiwui thili ala, ali khangasobingla, Varewui mi chili latungda awui mangāli nganingda hānga, “Israelli maningla okathuili Vare khangatei maleimana da ina theihaira; chieina ara narao iwui khami hi kakhuimilu.”

JOBWUI LAIRIK 12:19

Ana pāngmonbingli mahonghat eina thānthuihaowa, kala kapingabingli konglui ngasaka.

LAA 136:2

O varebingwui Vareli ningkashi milu, kaja awui makhangachei leikashi katang mavaimana;

LAA 136:3

O prohobingwui Proholi ningkashi milu; kaja awui makhangachei leikashi katang mavaimana;

LAA 72:11

Awungabing saikora ali khorumranu, miyur saikorana ali otram ngatha̱ranu.

LAA 82:1

Varena awui hanga̱pamli pamhaira; varebingwui alungli ana bichar sai:

LAA 96:4

Kaja Prohohi reikhamataiana, kala hakmahālak eina masot mikhangayiana, vare kateibingli lāngda ali khayāshiki kajina.

EZEKIEL 26:7

“Kaja Prohona hithāda hānga: Yanglu, Tyreli ngarar khavai atungshongwui eina, Babylonwui awunga, awungabingwui awunga Nebuchadrezzarli chihorāda, sigui, siguigari, sigui katonga raimi, shānda makakhui shipai kachungkha thānrāra.

DANIEL 11:36

“Kala awungana awui ningkhān eina sāra, akhalatta varebingli pangshap reimei kaji chitheira, kala varebingwui Vareli mahāngkhamararao tui kachungkha hāngra. Malungkhavat makupranglakha eina tangda ana reisangra; kaja ngarān kahai athishurda ungshungphalungra.

DANIEL 2:19

Kala Danielli māngli rāmahāmida khangathuma tui chi chitheimi. Chieina Danielna atungshongwui Vareli ningkashi mi.

DANIEL 2:22

Kasaka kathuka tui ana phongmi, tangkhamangli khalei chila ana thei; kala awuili kahor lei.

DANIEL 2:28

kha ngathum kahai hāngmikashap Varivara akha kazingramli lei, kala ana Awunga Nebuchadnezzarli naoda rāshokki kaji chitheimihaira. Nana pida leilakha nawui kala mahākhami chi hina:

DANIEL 2:29

“Awunga nana petli pida leilakha naoda khi shoknikhala kaji chi ningli rāza̱mi; kala ngathum kahai chitheikhame china nali khirāra̱ kaji rāphongmi.

DANIEL 2:30

Kha iwui vanga, mi khangateili ina thangmeikhameiwui vang kathuka tui hi ili phongkhami maningmana, kha nawui mangwui kakhalat chi theikhavai kala nawui ningli kaphaning chi chitheimi khavaina.

DANIEL 2:37

O awunga, awungabingwui awunga, nali atungshongwui Varena wungram, pangshap kala tekhamatei mihaira,

DANIEL 3:15

Ara, talla̱, sipa̱, lyre, trigon, tingteilā, bagpipe, kala khangatei akhon shākhaleoda ina sākahai mima̱li ngakhumshām eina khorumra jiakha phai; maningakha arui ngalāngda meifali horsanghaora, nathumli iwui pāng eina huimiki kaji vare chi khipākhala?”

DANIEL 3:28

Nebuchadnezzarna hānga, “Shadrach, Meshach kala Abednegowui Vareli tekmateiranu! Athumwui Vare maningla vare khangateili khorumki kajiwui vang phasā chigat kahai mibingli kazingrao chihotāda, awui raobingli huikhame Vare chi tekmateiranu!

DANIEL 3:29

“Chiwui vang ina hukhum khamina: Shadrach, Meshachwui kala Abednegowui Vareli makhamayā kala kachipata miyur, jat kachiva̱li asā rimkazamira, athumwui shimluila sākhayāngmiserhaora. Kaja, hithāda huimishapa vare khangatei maleimana.”

DANIEL 4:17

Kakaso hi ra̱khayangpā chiwuina, kala kathara chiwui kakasona, kaja kharingabingna theikhuira chiya Reikhamataiya china miwui wungram munga kala awui mikhangai chili miya, kala ngazanmeikap kaje chili mungngasaka.”

DANIEL 4:25

kaja miwui eina nali kashamhaida khararwui sāyurli ngasopamra; nali mukkā thāda khawo phāshai ngasakra, kala nali kazingramwui ikra̱na ya̱ngasakra, kala Reikhamataiya china mikumowui wungramli mungra kala ana mikhangai mi chili mira kaji nana matheikhuiranglakha eina tangda shini shida peingasakra.

DANIEL 4:32

nali mibingwui pamkhavai eina kashamhaora, kala nava khararwui ramsābingli ngasopamhaora; kala mukkā thāda kum shini khawo phāshai ngasakra; chieina mikumowui wungpam hi Reikhamataia ana mungda mikhangayili miya da matheiranglakha eina tangda shini shida vāfara.”

DANIEL 5:11

Nawui wungramli manglā kathara khangaso mi akha lei. Navā Nebuchadnezzarwui thotli, kathemla thangkhameila varenao thāda paisor eina katheiwui vang, navāna ali laivā kathembing, mitrang kathembing, Chaldeanaobing kala sirā machukkatheibingwui kathāna sāngasaka,

AMOS 3:7

Kachangkhat awui rao marānbingli maphongmila, Proho VAREna khikha masālakmana.

1 CORINTHNAO 14:25

Awui ngathum kahai kaphaning chi phongyānghaora, kala kui mashungzangda Vareli khorumra kala “Kachangkhat Varena nathumli ngasoda lei” da ana hāngphatra.

KHALATLUI 10:17

Kaja Proho nathumwui Vare hiya varebingwui Varena, kala prohobingwui Prohona; reikhamataiya, pangshapa, khangachee-khangachā Vare, mijang makasā, kala akhangei makakhuiya Varena.

1 TIMOTHY 6:15

Awui kharā chi sokhame Vare kala akhamāng kaje Khamunga, awungabingwui Awunga, prohobingwui Prohona retkahai atamli khuirāmira.

JOSHUA 22:22

“Pangshapa, Proho Vare, Pangshapa Proho Vare! Ana thei; kala Israel khalattanala theiranu! Kalikha hi ngakaishida lah Proholi shitkasang kaida kasāna jiakha, ithumli tandi miranu!

PHONGKHAMI 1:5

kala ningtongda shākhi sākhame Jishu Khrista, kathiwui eina pharākhare kala okathuili awungabingli khamungawui eina lukhamashan kala chingri kahai ngasāranu. Ana ithumli leishi kala awui thikhamiwui pha̱kaphayā eina ana ithumli moreiwui eina ningkhān ngasakhaira.

PHONGKHAMI 17:14

Athumna Yaonaoli rai ngararra, kha Yaonao china ana hokhui kahaibing kapangkakhuibing kala ningtongda kashurabingli ngasoda athumli maikashi mira, khikhalajila a prohobingwui Proho, awungabingwui Awungana.”

PHONGKHAMI 19:16

Awui kachonli kala akhaishāngli “Awungabingwui Awunga kala prohobingwui Proho” da aming kapisanghai.