DANIEL 2:44 - Kathara Bible (BSI)

⁴⁴ Chitharan atungshongwui Varena khangazipa wungram akha sākara, kala chiwui sākashap vākashap pangshap chi yur khangateili mahorsangmimara. China wungram saikora sākathānhaora, kala chiya leichingra;

DANIEL 2:44 Iomraidhean Croise

HAOKAPHOK 49:10

Wungnao khānthing Judahwui eina mathuimara, lah khamungawui khāmshui apheiwui eina mathuimara, singkhangaye chi marāranglakha; kala mibingna ali khayāshira.

2 SAMUEL 7:13

Iwui mingwui vang ana shim akha sāra, kala awui wungramwui wungpamkhong mangacheila ina semkāmira.

2 SAMUEL 7:16

Kala nawui shimkhur kala nawui wungram iwui mangāli leiching ngasakra, nawui wungpamkhong katang mavaimara.’”

LAA 145:13

Nawui wungram katang makhavai wungramna, kala nawui khamung thot kachida leichingra. Prohona hāngkahai saikora mangacheimana, kala awui kasāsā saikora lukhamashanmānga.

ISAIAH 60:12

Kaja nali otram mangatha̱ki kaji yur kala wungrambingla shimānra; chikathā yurbingli zakshilāk eina sāshimānra.

EZEKIEL 37:25

Kala iwui rao Jacobli ina mikahai navā ngarāna pamkasā ngalei chili athumna pamluira; athumla anao ngarāla, naobingwui naobingla chili leichingda iwui rao Davidna athumwui wungnao sāda mungra.

DANIEL 2:28

kha ngathum kahai hāngmikashap Varivara akha kazingramli lei, kala ana Awunga Nebuchadnezzarli naoda rāshokki kaji chitheimihaira. Nana pida leilakha nawui kala mahākhami chi hina:

DANIEL 2:34

Nana yangda leilakha, mipāng mazangla sākhaikashoka lunggui akhana mari eina ngalei khamanāt pheikhum chili rāchakza̱da chi akha̱ sāthuihaowa;

DANIEL 2:35

kaja, marila, ngaleila, pithraila, lupāsāla, kala sinā chila tāpha̱haida akha̱ sāthuiserhaowa, kala lumkachāng lanpumwui māhik thāda masina phanthuihaida amei-amā akhala matheiluithuwa. Kha mima̱li rāchakkaza̱ lungguinao chi hakkhamahā phungrei sāthuihaida okathui katonga pemhaowa.

DANIEL 2:37

O awunga, awungabingwui awunga, nali atungshongwui Varena wungram, pangshap kala tekhamatei mihaira,

DANIEL 2:43

Mari eina leikhon khamanāt thāda athum eina athum ngalā ngakhotta manātromhaora, kha mari eina ngalei makhamanui thāda athumla machāngarokmara.

DANIEL 4:3

Awui sākachithei hakkhamahā! Awui pangshap matakhak kahai! Awui wungram katang mavaimana, kala awui ngalei thot kachiva̱ vāpei.

DANIEL 4:34

“Zingkum peihaida atam ungkashung tharan, Nebuchadnezzar ina kazingramli yangkai, kala ning ungrāsai, chieina ina mashimānda makashimān Reikhamataia kharinga chili khayāshida masot chigata: “Kaja awui wungram mashimānda makashimānna, kala awui awungram thot kachida leichinga;

DANIEL 6:26

Iwui wungramli khalei saikorali ina kakaso khamina, kaja mibingna Danielwui Vareli ngacheeda khayāshiranu, kaja ava makashimān kharinga Varena; awui wungram masāshimānlakmara, kala awui khamung katongali vāshungra.

DANIEL 6:27

Ana kanmi kala ngatangkhuimi, ana machut kala matakhak kahai sai, kazinglila, okathuilila, kazingkha̱ khamorwui eina Danielli kankhame china.”

DANIEL 7:27

Kala wungramla kala pangshapla kala kazingram hupvawui azingli khalei khareia wungram, Chuikhamataiawui katharabingli mihaora; athumwui wungram katang mavaimara, kala pangshap saikorana athumwui otram ngatha̱ra kala kahāng nganāra.”

DANIEL 8:25

Awui thangkhamei awor china mikhanam mataisangra, a khalattawui ningli haklakada phaningra. Kashuirak eina kachungkhali shaothatra; kala wungnaobingwui Wungnao eina tangdalila mamayāmara; kha ali mipāng makhaningna sāshimānra.

MICAH 4:7

kala phei katekbingli ina shākkahai ngasā ngasakra; kala horkahaibingli kapanga yur akha ngasā ngasakra; kala Zion Kaphungli Prohona athumwuitungli arui eina thuida katang mavaila mungra.

HAGGAI 2:22

kala wungrambingwui wungpamkhong khuishoki jihaira, yurbingwui wungram yāng pangshap shimān ngasaki jihaira, kala siguigari eina sigui katongbingli sākazamki jihaira kala siguila, katongbingla mi kachiva̱ kachichāwui ngasotawui raighaili pitāra.

HAGGAI 2:7

kala yur saikora ina khanukra, chithāda sāda yur saikorawui lan chi rāzangra, kala ina shimhi tekhamatei eina chipemra, da saikorawui Prohona hānga.

MATTHEW 28:18

Kala Jishuna athumli vānganaimeida hānga, “Kazingram eina okathuili khalei pangshap saikora ili mihaira.

JOHN 12:34

Yaruina ngahānluishita, “Ithumwui ainli Khrista mathilakmara da hanghai. Kathada miwui Naomayarali khangkāra da hāngpaira? Miwui Naomayara hi khipākhala?”

HEBREWNAO 12:28

Makhangatha̱ wungram ithumna samkaphangwui vang ningshisa. Varena ningyāng ungkhavai kakhayak khangachee eina ngasoda ali ningshida khorumsa.

PHONGKHAMI 11:15

Chiwui thili kashine kazingrao china awui talla̱ chi khonguwa; chiwui thili kazingramli akhon panglāk eina vaoda hānga, “Okathuiwui wungram, ithumwui Proho kala awui Messiahwui wungram ngasāhaira, ana katang mavaila mungra.”

PHONGKHAMI 2:27

ina iwui Avāwui eina pangshap samkaphang thada, ana mari khāmshui singda athumwuitungli mungra kala ham kasaawui hambing shaokakhai thada shaokachupra,