DANIEL 2:41 - Kathara Bible (BSI)

⁴¹ Kala ngayarda mari, ngayarda hamkasāwui ngalei kathā khamanāt pheikhum eina pheimareng chithāda, wungram ngakai ngaroklaga mungra; kha nana marili leikhon manāt kahai kathei chi tākam eina kaikhava mariwui kapang thāda pangra.

DANIEL 2:41 Iomraidhean Croise

DANIEL 2:40

Chiwui thili khamate wungram, mariwui pangshap kathā rāra, kaja marina ot saikorali sākhai kashap thāda saikora sākhaiserra.

DANIEL 2:42

Kala pheimareng mari eina ngalei khamanāt thāda wungram kaikha panglakra, kaikha ngazanlakra.

DANIEL 7:24

Angaji tharā chiya, wungram hiwui eina awunga tharā shokra, athumwui thili akha shokra, ava kateibingwui eina ngateihangra, kala awunga kathum shimān ngasakra.

DANIEL 7:7

Chiwui thili ngayāshong iwui mangli khamate sā chi thei, kapang hāngkhavai makhalei azak yanglaga khangachee-khangachā sāna, ahāla marihā kai, chieina shailaga katatai chi naikazama. Khare sābingwui eina ngateihanghai, angaji tharā kai.

PHONGKHAMI 12:3

Kazingramli matakhak kahai kakhane shoklui: akui shini, angachee tharā kala akui ava̱va̱li kuihon khangahona kahaka dragon kahunga akha shoka.

PHONGKHAMI 13:1

Chiwui thili shamadruwui eina sāyur akha kashok ina thei. Awuili angachee tharā kala akui shini kai. Angachee ava̱va̱li kuihon ava̱va̱ kala akui ava̱va̱li Vareli zeikakharui aming kapihai.

PHONGKHAMI 17:12

“Nana kathei angachee tharā hiya wungnao pangshap masamphangrang kaje awunga tharāna, kha athumna pung akhawui vang sāyur chili ngasoda mungkhavai pangshap samphangra!