DANIEL 2:4 - Kathara Bible (BSI)

⁴ Chieina Chaldeanaobingna hānga, “O awunga, okpeimeiranu! Nawui mang chi naraobingli kahāngmilu, chithākha ithumna kakhalat hāngmira.”

DANIEL 2:4 Iomraidhean Croise

HAOKAPHOK 31:47

Labanna chili Jegar-sahadutha hoi: kha Jacobna Galeed hoi.

HAOKAPHOK 41:8

Chiwui vang ngathor kathui eina awui ning mamathānrarthuwa; ana Egyptli khalei mitrang kathem kala thangkhamei saikorali hokhui; kala Pharaohna awui mang chi athumli hāngchithei, kha mi akhanala Pharaohli chi makhalatmirarthuwa.

1 WUNGNAOBING 1:25

Kaja aja ana vāda seila, asākakā sha̱kei, yaola kachungkha pha̱phayāda awungawui naomayarabinglila, raithāna Joab kala pāngmon Abiatharlila hokhuiserlaga phāshak phazāngarumda, ‘Awunga Adonijah okpeimeiranu’ da vaoda lei.

1 WUNGNAOBING 1:31

Chieina Bathshebahna ngaleili mai ngakhumshām eina khayākashi mida hānga, “Ishamei Awunga David okpeimeiranu.”

2 WUNGNAOBING 18:26

Chieina Hilkiahwui nao Eliakim, Shebnah, kala Joah athumna Rabshakehli hānga, “Narao ithumli Aramwui tui eina matuimilu, ithumla shai, Judahwui tui eina mamatuimialu, phākholi nganāpamda khaleibingna shākhuihaipaishina.”

EZRA 4:7

Kala Ar-ta-xerxeswui atamli Bishlam, Mithredath, Tabeel kala athumwui ngasotnao kateibing zangda Persiawui awunga Ar-ta-xerxesli kapiya; kala chithi chi Aramaic tui eina kapilaga khalatshoka.

NEHEMIAH 2:3

Ina awungali hānga, “Awungali okpeimeiranu! Keinungla, ishāvā ngarāwui chikhurla sākathānmihai kala ngaveibingla mei sa̱tāmihailaga kathāda makhanangmarakhala?”

ISAIAH 36:11

Chieina Eliakim, Shebna kala Joah athumna Rabshakehli hānga, “Naraobingli Aramaic tui eina kahāngmilu, ithumla Aramaic tui shāsera; kaja Judahwui tui eina hāngakha pantungli khaileibingna shāhaipaishina.”

ISAIAH 44:25

Kakapikbingwui khamachutli ningsuitā khangasaka, varebingwui tui khamatuibingli, mangma̱ khangasaka, thangkhamabingli sa̱na̱ung khangasaka, kala athumwui theithangkhameili mangma̱ khangasakana;

DANIEL 1:4

athumwui ngachaili, kanghāngri kahai, mayar khamathā otsak saikorali thangkhamei, awor kathema, mashunmakhui theithangkhama, kala awungawui keinungli otram ngatha̱kashapa mibingli Chaldeanaowui tui kala mayek tamchithei khavai kasoi.

DANIEL 2:7

Athumna kakhane sāda ngahānkāluishita, “Mang chi awungana kahāngmilu, chithākha chiwui kakhalat ithumna hāngmira.”

DANIEL 3:9

Athumna awunga Nebuchadnezzarli hānga, “O awunga, okpeimeiranu!

DANIEL 4:19

Belteshazzar kaho Daniel chi khananghaida kasha̱khawui vang khituikha mamatuipaithuwa. Chieina awungana hānga, “Belteshazzar, mang kala chiwui kakhalatna nali mangachee ngasakalu.” Belteshazzarna ngahānkai, “Iwui amei, mang chi nali yangkakharingbingwui vang ngasaranu kala chiwui kakhalat chi nawui yangkashebingwui vang ngasāranu!

DANIEL 4:7

Chieina laivā kathembing, ningyo kathembing, Chaldeanaobing kala kachāng sirāli machukkatheibingli kahāng eina athumna chiwui kakhalat mahāngmirarthuwa.

DANIEL 4:9

O Belteshazzar, maheikathem saikorawui akhavā, kathara varebingwui manglāna nali ngasomi, kala kathuka tui nawui vang sakkhanā maleimana da ina thei. Ili kashiman mang chi hina, mang chiwui kakhalat hāngmilu.

DANIEL 5:10

Awungawui kala wungnaobingwui tui chi shālaga awungva̱ chi morsong khavaipam chili rārāsai; kala awungva̱na hānga, “O awunga, okpeimeiranu! Nawui ning machipaaranu lah maipānla mangacheiaranu.

DANIEL 5:8

Chieina awungawui thangkhama mi saikora rai, kha khipānakha kapi kahai tui kala chiwui kakhalat matheirarthuwa.

DANIEL 6:21

Chieina Danielna awungali ngahānkai, “Awunga, okpeimeiranu!

DANIEL 6:6

Chieina khayaiwo kala satrapbing china khangashit akha sālaga awungali ahānga, “O awunga Darius! okpeimeiranu!

DANIEL 6:7

Zimiksho thumrāthang, awunga nali maningla kachikathana vare khangateibing lah mi khangateili ngakaoakha kazingkha̱khurli horsangra kaji hukum akha sāmiranu da khayaiwobing, satrapbing, machinmebing, kala lammungabing ithum saikorana mayāngarokhaira.

MATTHEW 21:9

Jishuwui mangāli kala khanukli kazata mibingna “Davidwui naomayarali Hosanna! Prohowui mingli kharā a chi ka̱lā mahai! Chuimeikap kajeli Hosanna!” da panglāk eina vaowa.

1 SAMUEL 10:24

Kala Samuelna mibing saikorali hānga, “Prohona kapangkhui kahai mipa hili nathum theihairala? Mibing saikorawui ngachaili a kathā maleimana.” Chieina saikorana, “Awungali okpeimeiranu!” da vaowa.