DANIEL 2:25 - Kathara Bible (BSI)

²⁵ Ari-ochna Danielli katotlak eina awungawui mangāli thānvai, kala hithāda hānga, “Judahwui eina raithā kahai athumwui ngachaiwui eina, awungawui mang khalatmikashapa ākha samphanghaira.”

DANIEL 2:25 Iomraidhean Croise

HAOKAPHOK 41:14

Chieina Pharaohna Josephli ahokhui ngasakta, phātopwui eina katotsisi khuishoka, kala ana morhā silaga kachon shinkhuihailaga Pharaohwui mangāli vai.

NEHEMIAH 7:6

Babylonwui awunga Nebuchadnezzarna tukkhui kahaibing, ngalei chiwui eina latkhaung athum chi hibingna; athumna ichichāwui kha̱ Judah eina Jerusalemli hanunga.

CHĀNSAM 24:11

Thikhavai thanvāhaoki kajebingli ngatangkhuilu; shaothat khavaipam khangaphokbingli ngakhunkhuilu.

HĀSHOKME 9:10

Nawui pāngna sākhavai khalei kachiva̱ nawui yāng eina sālu; kaja nana vāki kajipam Kathewui ram chili ot kasāla, chukhamajala, theithangkhameila, aworla maleimana.

DANIEL 1:6

Athum chi Judah shangnaowui eina Daniel, Hananiah, Misha-el, kala Azariah hibingna.

DANIEL 5:13

Chieina Danielli awungawui mangāli khuirai. Kala awungana Danielli hānga, “Judahwui eina ishāvā awungana raikatha atamli Judahwui eina khuikhaung Daniel kaho chi nala?

DANIEL 6:13

Athumna awungawui mangāli ngahānkai, “Judahwui eina raikathā atamili khuikharā Daniel kaho china nali mashitsangmana O awunga, kala nana shoi sākahai chili matheimila thangkhali kathum shida awui Vareli seihā sāchingda lei.”